YEKIKITHI AKINIU 6:40 - Sumi Naga CL (Re-edited) Bible (BSI)

⁴⁰ O I Lhou, itehi O nhethi tsükho no O kini kughope aki hipau lono inikhu keu ini tsülo.

BAIBEL (BSI)

⁴⁰ ‘Itehi, iLhou, ningu lau julo eno hipa alo akighini laju keu hu chilutsulo.

YEKIKITHI AKINIU 6:40 Iomraidhean Croise

KUKAMI ATUGHIU 8:52

O nhethi pesü O qeu eno ow timi Israelmi lau jupuku tsülo eno panongu no kugho kughomu O vilo inikhu aye, O kini kughope ini tsülo.

KUKAMI ATUGHIU 9:3

Ampeu no pa vilo pi, “I no o kighini eno nono khukeu chiluvae. Nono aki khikhi shiqhe keno tipau shikimtheve tsüae eno alholo ghenguno I je tile qhivae. I nhethi ngo I mlo ye ado kümtsü lo tile aniae.

KUKAMI AKINIU 19:16

O Ampeu, O kini kughope inilo, O Ampeu, O nhethi tsükho no julo, eno Sennacherib tsa khikhi pa no aküxüküa Lhou thaigha niye pi puwu keno initsü lo.

YEKIKITHI AKINIU 16:9

Khunono Ampeu lau tukutiye küha no acheni keno Pa ye akumtoshi tipaqo kuphuni ke ayeghiqha kümtsü thebei jukuto acheni. No ye hipau lo anikha shivae, tighenguno hinguno hilau no ye aghüshi cheniae.”

YEKIKITHI AKINIU 6:20

O nhethi no putho pucho aki hipau lo jupuku tsüalo, a-a hipau ye Nono, ‘I je tile anani,’ ipi püakeu shilu pelo, tishianguno o qeu no a-a hipau küdau jupuwo inikhu kelo Nono chilutsü nani.

YEKIKITHI AKINIU 6:39

O kungo-a kungugha lono, ini tsüno pano vehupu shitsülo, eno Ow timi khunoqo O zülo axine shive akeno pano kipimi qhitsülo.

YEKIKITHI AKINIU 7:15

Itehi ye I nhethi tsükho niae eno I kini no kughope aki hipau lono inikhu keu ini tsüni.

NEHEMIA 1:11

O Ampeu, O kini kughope O qeu kighini chilu tsülo, O qemi kütami O je sümsa chekemi kighini ini tsülo, ishi no ni O qeu lau tokulu puwu tsülo, eno timi hipau zülo ow kimiyekini I tsülo.” Ni ye akükau jukhu kipeu shi cheke.

NEHEMIA 1:6

O qeu no akighini shi akeu chilutsü penike, O kini kughope tsaqüi inilo eno o nhethi tsükhope ngo tsülo, kughengu I no O lau putho pucho O qemi Israelmi ghenguno inikhu ani. Eno I no piphe anike ningu Israelmi no pimivae eno O zülo axine shivae. Ni ampi eno I puasüqo ghi axine shivae.

LESHELE 116:2

Kughengu Pa no Pa kini I lau kugho puwo tsüke, tighenguno I no xüake tivilo Pa ku anani.

LESHELE 13:3

Kümsüju no I khochile lo, O Ampeu I Lhou; ni ye akithi kumlhoshi züuve nosake I nhethi xükho tsülo,

LESHELE 130:2

O Ampeu, I sütsa chilu tsülo! Kimiyeqhiyi tsü penike I no inikhu akeu sütsa küdau O kini kugho puwo tsülo!

LESHELE 17:1

I chipiu kighini ini tsülo O Ampeu; I sütsa chilu tsülo! Pishikiqhi küha keu kichi lono inikhu keu ini tsülo!

LESHELE 31:2

I lau O kini kugho puwo tsülo; Mtazü I kuphu tsülo! I ghenguno sükusho tuqu shilo, I xalu kepu liwo kumto shilo!

LESHELE 34:15

Ampeu nhethi ye amikuchomi shou jupuku cheni eno Pa kini no panoqo ghügha chilu tsü cheni.

LESHELE 7:3

O Ampeu I Lhou, tsala I no hipau shive aghi, tsala I u lo akumou aghi aye,

LESHELE 88:1

O Ampeu, I xakulu Lhou; I no putho pucho kupuju O zülo qae.

ISAIAH 37:17

O kini kughope ini tsülo O Ampeu; O nhethi tsükhope ju tsülo O Ampeu; eno Sennacherib no aküxüküa Lhou thogha nike atsa khikhi pi puwu ani keno, kümtsü ini tsülo.