YEKIKITHI AKINIU 6:32 - Sumi Naga CL (Re-edited) Bible (BSI)

³² “Titoi kughou inami lakhi khuu Israelmi kumo kemu aghakhu kushuo lono O jekipi eno O kumto ngo Nono O u sükhope akeu ghenguno ighi no aki hipau lono inikhuni keno,

BAIBEL (BSI)

³² Ayeghi kushuwalo xu akemi inaghami lakhino noye kiutoi kije eno akuka akemi eno kiu toi alomsu, kutokupui chekemi keno chiluno Achineki hileno khunike ighi aye,

YEKIKITHI AKINIU 6:32 Iomraidhean Croise

KUKAMI AKINIU 5:15

Tileno pa no paw timi kümtsü sasü Alhou timi lau ideighi no pa zülo puthugho no pi, “Julo, I no ithivae, Israel lo kumo aye, ayeghi kümtsü lo Alhou kühae; tighenguno itehi kimiyeno agho hipau o qeu launo ikhilu tsülo.”

KUKAMI AKINIU 5:3

Li no li mpeliu vilo pi, “I mpeu pelo Samaria lo ache keu tungkupu lau wu penishi nolae! Pa ye pa pügha shipivive tsü nanie.”

KUKAMI AKINIU 5:8

Ikemu kughou Israel kükau no pa phiküzü süxüve keu Alhou timi Elisha no chilu keno, pa no akükau lau pi puwu, “No ye kushiye o phiküzü süxüve ani kea? Timi hu I lau puwulo, tishianguno pa no Israel lo tungkupu akeu ithi nani.”

YEKIKITHI AKINIU 6:31

tishikeu lono Nono ni puasüqo tsükeu yeghi lo Ow timiqo no küghüna ake tivilo, O sümsa ghi xüche peniye ke.”

LESHELE 136:12

Pa u kumto eno Pa küka kumto vecheo saipeghi, kughengu Paw iqemokeu kikimiye ye alholo acheni;

LESHELE 89:13

No ye akughushu küka ani; O u ye akumto, O u ajeu ye qhemghai ke.

IPEKULU 13:14

Eno hithiu o nu no o vilo, ‘Hi ye kiu kiqi kea?’ ipi ighiju aye, no ye pa vilo pilo, ‘Aküka kumto lono Ampeu no Egypt lo aqüaxe küxü lono ningu saipeghi ke.

IPEKULU 6:6

Tighenguno Israelmi vilo pilo, ‘Ni ye Ampeu, eno I no Egyptmi makho kimshi lono nongu saipeghive nani, eno I no panoqo qüaxe lono nongu xaphe luve nani, I no I u kumto ngo küghakütha kümla kije vecheo nongu qhüchile luve nani.

ISAIAH 66:20

Panongu no aghakhu kümtsü lono nongu thiküzümi akümllagho Ampeu tsükeu shi ghi sasü ideighi nani. Panongu no tipaqo sasü I kimthe toghi Jerusalem lo ighi nani. Eno Israelmi no athi kümllagho bohu kimthe lono Ampeu kilo pesü ighike toi, timi hipaqo ye khami no khurshi shouno, khami no khurkulu shouno, khami no tinhemgha puche keu shouno, khami no khurgha shouno, khami no sayeshi shouno ishi xapusü ighi nani, ipi Ampeu no piani.

ZEKHARIA 8:22

Ashiaye kutomo eno akumto shiyeqo no aqokitikhi Mpeu phusü Jerusalem lo ighi nani eno AMPEUw kimiyekini khu nani.

MATTHEW 12:42

Küghakütha lo Apeu kükaliu no ithu hipa tiqhelimi akipimi tsü nani, kughengu li ye ayeghi shekhau no Solomon lokütsü tsa ininike ighi, eno julo, Solomon nguno akijeu kiuala hile anie.

MATTHEW 2:1

Kughou akükau Herod ghuloki lo Judea ghakhu lo Bethlehem lono Jisü punu keno, julo, kipelau no ayepu kighithimi Jerusalem lo ighi,

John 10:16

Hipa loji lo kühakeu ni ye ambe kütau aphi. Ni ye tipaqo ghi saghi masae, panongu no I sütsa ini nani. Tileno aloji lakhi, akheu lakhi shive nani.

John 12:20

Aghulhu lo Alhou mllani ye iqho kemi gholo Greekmi khami ae.

Apostolmi 2:10

Phrygia eno Pamphylia, Egypt ngo Cyrene phivilo Libya lo kungomi, eno Rome lono ighi kemi,

JOSHUA 2:9

eno pama vilo pi, “I no ithivae Ampeu no hipa yeghi pe nongu tsüvae, nongu msakeu no ningu shou ikughivae eno ayeghi lo küxümi kümtsü no nongu zülo ikiqive ani.

JOSHUA 9:9

Panongu no pa vilo pi, “Ningu ye aghakhu kushuo lono cheni, kughengu ningu ye no Lhou Ampeu ghili chiluvae. Pa no Egypt lo kiu shikeno ti kuchopu chiluvae,

RUTH 1:16

Ikemu Ruth no khochile, “I vilo o qhive lopi kevi momu o papemo no idewove lopi kevilo. Kughengu nono khile wuni keno ni ghi wuni eno nono khile ngoni keno ni ghi ngoni. Ow timi no Iw timi shiveni eno o Lhou no I Lhou shiveni.