YEKIKITHI AKINIU 5:2 - Sumi Naga CL (Re-edited) Bible (BSI)

² Tithiu Solomon no Israel lo sakiphemi ngo ashiaye lo akütsüqo eno alitomi ishi Jerusalem lo kusü, ti ye David phughi lo, Zion lono Ampeuw Puloshoqhi Bohu pesü ighi nike kuto.

BAIBEL (BSI)

² Tithiu akukau Solomon no Israilmi dolo pututa laghami sakiphemi kumtsu David phughilo Zion lono AMPEU wu Puloshoqhi Bohu achinekilo sughi nike ghenguno Jerusalem lo kusu.

YEKIKITHI AKINIU 5:2 Iomraidhean Croise

SAMUEL AKINIU 5:7

Tishimu David no Zion sükusho-a leluve, ti ye David phughi.

SAMUEL AKINIU 6:12

“Alhouw puloshoqhi bohu ghenguno Ampeu no Obed-edom kibolomi eno pa no aghikeu kümtsü kümghave tsüae” ipi akükau David vilo pive. Ikehu David no Obed-edom kilo wuno alokivi shi Alhouw puloshoqhi bohu pesü David phughi lo ighive.

YEKIKITHI ATUGHIU 15:1

David no pa Phughi lo aki kutomo pa ghenguno shipe qhi. Pa no Alhouw Puloshoqhi Bohu kiqhi-a kuto eno tipau ghenguno aphiki mla.

YEKIKITHI ATUGHIU 15:12

no panoqo vilo pi, “Nongu ye Levi lagha lo alimi sakiphemi ake, tighenguno nongu ampi eno no thiküzümi kishekimthe lo, eno Israel Lhou Ampeuw Puloshoqhi Bohu pewo I no kuto püake-a lo qhikepu shilo.

YEKIKITHI ATUGHIU 15:25

Tishino David no Israel lo layemi ngo zatsümi sasü alokivi shi Obed-edom ki lono Ampeuw Puloshoqhi Bohu süghi niye wuve.

YEKIKITHI ATUGHIU 15:3

David no Ampeuw Puloshoqhi Bohu pewo a-a khile pa no kutopüa keno tile qhive niye Israelmi kümtsü hekütsü sawo Jerusalem lo qhie.

YEKIKITHI ATUGHIU 16:1

Panongu no Puloshoqhi Bohu pewo David no tshü püakeu phiki alou ghove, eno akipti kümllagho ngo kuposhukulu kümllagho pesü Alhou zülo qhitsü.

YEKIKITHI ATUGHIU 24:31

Panongu no athiküzümi ayitiu kibo shou ghi akütsü shino Akükau David, Zadok, Ahimelek, eno achinemi ngo Levi laghami atomi küa lono pano thiküzümi Aaron laghami no shike toi akümlapu ghenguno asaqhie.

YEKIKITHI ATUGHIU 24:6

Hi kümtsü Levimi Nethanel nu Shemaiah, khuu Ayezah kiyeu keno, pa no akükau ngo ampemi, achineu Zadok ngo Abiathar nu Ahimelek, eno achinemi ngo Levimi pütüta li lo atomi küa lono yekütsü pe Eleazar ngo Ithamar pama mqo lo kivetsüghü kishe sütsü.

YEKIKITHI ATUGHIU 26:26

Akükau David eno ali tomi ngo hiyampemi sakiphemi eno ghüshimi kijemi no akümllagho thimeqo pesü Alhou tsüvekeu kümtsü shou Shelomoth hipau ngo pa kibolomi no jukütsüuve.

YEKIKITHI ATUGHIU 28:1

David no Israel lo kijemi, alagha lo sakiphemi, amqo jeli lo atomi, qhethonhe eno aqhe zatsümi, akükau ngo pa nuli gholo kükaki lo ampemiqow tinhemgha eno pichepighi jukükütsümi, akumtomi eno aghükivimi, kümtsü Jerusalem lo kukumqo.

YEKIKITHI AKINIU 1:4

(Ikemu David no Alhouw Puloshoqhi bohu Kiriath-jearim lono pesü ighi no Jerusalem lo pa no aphiki kuto püakeu lo qhive.)

YEKIKITHI AKINIU 5:1

Tipa ghola lono Solomon no Ampeu kümllaki lo akümla kümtsü shive. Pa no papu David no ikhiphepe akimtheshi tsükeu thime, ghükayi, ameshoyi, eno abohu kümtsü pesü Alhou kilo akini pekükütsü-a lo qhive.

YEKIKITHI AKINIU 5:12

Levi lagha lo alephemi kümtsü, Asaph, Heman eno Jeduthun, ngo panongu nuli eno pano thiküzümi no phepheike phimini pepusü ajoshi küghapayi ngo aheo eno akighi lebo pesü, akümlla-khache phivilo kipela küdau, afuko küighami achinemi pano 120 gholo puthugho.

LESHELE 2:6

“I kimthe toghi Zion lo I no I ghenguno Akükau süsüvae.”

LESHELE 87:2

Ampeu no Israel lo a-a kümtsü nguno alau Jerusalem khagho kimiye cheni.

ACHINE 9:5

Moses no kuposhukulu phiki zülono azah tsüke toi aqoaho kümtsü no tipaqo pesü Ampeu kupunu ighi.

AKIKIHI 10:33

Tithiu panongu no akimthe toghi lono atsala küthü ghüzüla lo wuve. Eno AMPEUw Puloshoqhi Bohu no atsala küthü panongu züuno aghazü-a phunike wuve.

AKIKIHI 10:36

Eno tipau pewo qhike lono ishi piche, “O Ampeu, Israelmi qhethonhe no qhethonhe akeu lau ideighi tsülo.”