YEKIKITHI AKINIU 5:13 - Sumi Naga CL (Re-edited) Bible (BSI)

¹³ Afuko küighami ngo alephemi no kümtsa Ampeu lau akishe le ngo shikimthikütsü le phe. Kughou afuko ngo küghapayi eno alebo jeliqo küigha keno alephemi ishi Ampeu shipili, “Kughengu Pa ye aloe, eno Paw iqemokeu kikimiye ye alholo achenie.” Ampeu chineki lo khüngküsü no chhitoive,

BAIBEL (BSI)

¹³ Alekiphemino asutsa lakhino phe aketoi Alhou she auve eno ishi pi, “AMPEU sheqhelo kughengu paye aloe, pa kikimiye lhokta kutolo anie.” Tishi kethiu akiye khungukusuno chhive.

YEKIKITHI AKINIU 5:13 Iomraidhean Croise

YEKIKITHI ATUGHIU 16:4

Tishino pa no Levimi khami pelo Ampeuw Puloshoqhi Bohu zülono Israelmi Lhou Ampeu kusü, shikimthi, eno shipili penike süküsü shi.

YEKIKITHI AKINIU 20:21

Kughou pa no timiqo sasü küsütsa luve keno, pa no alephemi khami pelo akimthe phimini pepusü ghüshimi züuno Ampeu lau ale ishi phe penike kishe, “Ampeu lau shikimthi tsülo, kughengu Paw iqemokeu kikimiye ye alholo acheni.”

YEKIKITHI AKINIU 20:22

Kughou panongu no akishe le phethu keno, Ampeu no Ammonmi, Moabmi eno Seir Toghi lo küami, khunoqo Judah leniye ighi keno, panoqo kheluve no theqhive.

YEKIKITHI AKINIU 7:1

Solomon no pa kighini tave kemtsa, kungugha lono ami iqighi no akipti kümllagho ngo aghakishi kümllagho pitive, eno Ampeu juküvü no achineki chhive.

YEKIKITHI AKINIU 7:2

Ampeu juküvü no achineki chhive kehu achinemi ye Ampeu kilo ilomlave.

YEKIKITHI AKINIU 7:3

Kughou Israelmi kümtsü no ami iqighi keu ngo achineki lo Ampeu juküvü ithulu keno, panongu no agi pishiqhope aghüza lo ngove no Ampeu mlla eno shikimthi ghi pi, “Pa ye aloe, kughengu Paw iqemokeu kikimiye ye alhokupuju acheni.”

YEKIKITHI AKINIU 7:6

Akükau David no Ampeu kishele ghenguno alebo jeli mla keqo pesü achinemi no panongu no ngoche keu lo puthughove eno Levimi ghi tishi ngoluve—kughengu Paw iqemokeu kikimiye ye alholo acheni—kugho kughomu David no hipaqo sasü akishe le phekelo, hipaqo ghüngüu achinemi no afukoqo küigha che eno Israelmi kümtsü no puthughove che.

EZRA 3:11

Eno panongu no küpape ghi ale phe, sheqhe eno shikimthi keu pesü Ampeu tsü, “Kughengu Pa ye aloe, kughengu Paw iqemokeu kikimiye ye pülhapuju Israel lau acheni.” Kughou panongu no Ampeu kilo aboqha qhaluve kehu Ampeu sheqhe keno, timi kümtsü no asütsa kuloghi lono ighae.

NEHEMIA 12:27

Jerusalem kupuwu ikhiphekütsü tsalani panongu no Levimi a-a kümtsü lono Jerusalem lo saghi, tishianguno pano pelo küghapayi, aheo eno akighilebo pesü shikimthikütsü eno alekiphe vecheo alokivi shi ikhilu peniye ke.

LESHELE 100:5

Kughengu Ampeu ye aloe; Paw kikimiye ye alhokupuju acheni, eno Paw pükhükulu ye tiqheli kümtsü lo acheni.

LESHELE 106:1

Ampeu sheqhelo! Shikimthi keu pesü Ampeu tsülo, kughengu Pa ye aloke, Paw iqemokeu kikimiye ye alholo acheni!

LESHELE 107:1

Shikimthi keu pesü Ampeu tsülo, kughengu Pa ye aloe, Paw iqemokeu kikimiye ye alhokupuju acheni!

LESHELE 118:1

O shikimthi keu Ampeu tsülo, kughengu Pa ye aloe, kughengu Paw iqemokeu kikimiye ye alholo acheni!

LESHELE 150:3

Afuko pesü Pa sheqhelo; akighilebo ngo küghaküsü lebo pesü Pa sheqhelo!

LESHELE 150:5

Küghapayi pesü Pa sheqhelo; küghapayi küigha Pa sheqhelo!

LESHELE 22:4

Ni puasüqo no O shou pükhübe; panongu no O pükhü, eno Nono panoqo xaphelue.

LESHELE 81:2

Ale sülo; amqübo küigha lo, akighilebo jeli lono inikivile phelo.

IPEKULU 29:43

Tileno I no Israelmi sasü kusho nani, eno tipau ye I juküvü no shikimtheve nani.

ISAIAH 52:8

O phughi ghukhemi sütsa—panongu no ighamku ani, panongu no alokivi le phe ani; panongu nhethi ampi noAmpeu no Zion lo idewoche keu ju anie.

JEREMIYA 32:39

I no amlo lakhi eno alaghi lakhi panoqo tsü nani, tishianguno panongu no alholo I sümsa nani, ti ye panongu eno pano tianuli kivipu ghenguno eno pano thiu atilimi ghengu ghike.

JEREMIYA 33:11

alokivi kighilhe eno amlokiqi, külapuu eno külaliu lokivi sütsa, Ampeu kilo shikimthi kümllagho peighi kelo ale phekeu sütsa chilu nani: “‘Aqokitikhi MPEU lau shikimthi tsülo, kughengu Ampeu ye aloe, Paw iqemokeu kikimiye ye alholo acheni!’ Kughengu I no atüghü lo toi ayeghi kinigha tsüchile nani, ipi Ampeu no pi.

Apostolmi 4:32

Küpülümi kümtsü no amlo akükümsü lakhi shi, eno khunomu pa no kiu akeno ti ye paw ke ipimoe, ikemu panongu ye thokha kümtsü aqü shike.

Rommi 15:6

tishianguno nongu no asütsa lakhi lono ni Mpeu Jisü Khristo Papu Alhou juküvü shilu peni.

Piyeküsü 15:8

ikelo Alhou Nguagha eno Pa Küka jekipi launo ighikeu michhi no achineki phochighive eno kungumi tsüni u lo püsa tsüni akeu kümtsü kishekha moke kutolo milakhi mu akimthe chineki lo ilolu move.