YEKIKITHI AKINIU 36:16 - Sumi Naga CL (Re-edited) Bible (BSI)

¹⁶ Ikemu panongu no Alhou tsapemi thaigha, eno Ampeu loghu no panongu shou ikughi moke kutolo eno ti küghüqü luni keu kühave moke kutolo, Pa tsa jukünatha eno Paw tungkupmi junuqhi ke.

BAIBEL (BSI)

¹⁶ Ikemu panonguno Alhou ghinikishimi thaigha ke, pa tsa kukuthave tsu eno pawu tungkupmi junuqhi ke. Tishive kehu ashekhalo AMPEU loghu pawu timiqo shou kije ikughive kehu tipau lono pokulupu shimlave.

YEKIKITHI AKINIU 36:16 Iomraidhean Croise

KUKAMI AKINIU 2:23

Pa no tilau no Bethel lo iqhoche kelo, itimi khami no mishighüna lono ipeghi no pa junu ghi pi, “Iqhovelo, boghesho! Iqhovelo, boghesho!”

YEKIKITHI ATUGHIU 19:4

Ikehu Hanun no David ghinimiqo küghape amkhümhi miyeve tsü eno panoqo phiküzü achita lono tsathave tsüno puwuve,

YEKIKITHI AKINIU 24:19

Ikeghi Pa no tungkupmi puwu no Pa lau ideighi penike kütüghü. Hipaqo no panongu lau ashepe shi kemu panongu no ini tsümoe.

YEKIKITHI AKINIU 30:10

Ikehu yesü kipemi no Ephraim ngo Manasseh mishighüna lakhi lono lakhi lo eno Zebulun kutolo wu, ikemu timiqo no panongu junuqhi eno thaigha.

EZRA 5:12

Ikemu ningu puasüqo no kungugha Lhou mlo shikighide tsüke ghenguno Pa no panoqo pesü Babylon kükau Nebuchadnezzar, Chaldeami u lo süvetsü. Pa no aki hipau kütsave no timiqo küghape Babylon lo wuve.

NEHEMIA 9:26

“Ikeghi panongu no O gholu mono O hebide eno O yezahqo pano zübou qhive. Tungkupmi khunono pano pelo O lau ideighi penike kütüghü keno, tipaqo pithive tsü, eno shishe O küthakügha shike.

NEHEMIA 9:30

Ampe kutomo Nono panongu lau kheakulu shino tungkupmi vecheo O Ghungu no panongu kütüghü ke. Ikeghi panongu no initsü moe, tighenguno Nono ashiayeqo pelo pano leluve peke.

LESHELE 35:16

aghulhu lo shiküpünha küthaküghami toi, panongu no ahu tsüghüpe I tsüe.

LESHELE 74:1

O Alhou, No ye kushiye alholo ni hapupove ani kea? Kushiye O tsüni kümtsha-a lo ambeqo shou amloide ani kea?

AHOLE 29:1

Anguno anguno sakiyi anamu mkamghai auve aye paikhavi no shipivimla kepushi mukhumuno shive nani.

AHOLE 6:15

ikehu anhekütsü khavino pa shou amhekiqi ikughi no shipivi kümlapushi ghüzave nani.

ISAIAH 28:22

Ikehu itehi ye thogha akevilo, tikumo aye nongu yikichhe ye mishishei kithe niae; kughengu aghakhu kuchopu kütsani keu xaküthaza I no aqokitikhi MPEU launo chiluvae.

ISAIAH 5:4

I tsailu ghenguno shikulupu hinguno alau I no shimove keu kiu ani kea? Kushiye I no atsaithi kivi huqhe akelaye akiqhiu xolu kepu shive kea?

ISAIAH 57:4

Nongu ye khuu junuqhi ani kea? Nongu ye khuu shou pipuku ani eno khuu shou nongu mili chhophe ani kea? Nongu ye ayezah hexave kemi eno kühaküghami tianulike kumo keshea?

ISAIAH 65:12

I no nongu pesü azütakikihi tsüve nani, eno nongu kümtsü no hekiqhiu zülo pishiqho nani, kughengu I no nongu kukelo, nongu no khochile moe, I no nongu pütsa kelo, nongu no ini tsümoe, ikemu nongu no kiu no I nhethe lo axine keno ti shike eno I no pulomo keu kishelu ke.”

JEREMIYA 13:10

Lhoksa kügha timiqo, I tsa chilumo keqo, khunono kuthovi ghi pano mlo ghola hawuve eno alhou kütauqo huthu no mlla nike pape wuve keno chighichephi avehu kühave ketoi shivetsü nani.

JEREMIYA 20:7

O Ampeu, Nono I pishiqhivae; No ye I nguno akumtou, eno Nono toluvae. Ni ye atsala kupuju azükutunupu shiauvae; kümtsü no I thaigha anie.

JEREMIYA 20:8

Kughou I no atsa pini keno, ni ye ighamku, “Hekiqhi eno kütsakungo” ipi cheni! Kughengu Ampeu tsa ye I ghenguno tsala kupuju atiche eno cheqhi keu ke.

JEREMIYA 30:12

“Kughengu Ampeu no ishi piani: O ghüza ye shipivi kümlapue, o ghüzaku ye zaghi shivae.

JEREMIYA 32:3

Judah kükau Zedekiah no pa pesü akughu shive no pi, “Kushiye no ye, ‘Ampeu no ishi piani: Julo, I no mishighüna hipau pesü Babylon kükau u lo süvetsü ani, pa no ti leluve nani’ ipi tungkuptsa pi kea?

JEREMIYA 32:33

Panongu ye agi kumono azübou kughope I tsüe. I no tamo mithe panongu shika anamu panongu no I kükütsütsa lumoe.

JEREMIYA 38:6

Ikehu panongu no akükau nu Malkhiah tughuko, akhemi bokütha lo akeu lo akighi pesü Jeremiah kighiti süve. Atughuko tipau lo azü kühano aniba likhi, ikehu Jeremiah ye aniba lo ilove.

JEREMIYA 42:18

“Kughengu aqokitikhi MPEU, Israel Lhou no ishi piani: I no Jerusalem lo küami shou I loghu puku ketoi nongu Egypt lo wuve kemi shou ghi puku nani. Nongu ye ghukushopu, aküighüpu, thoküghapu shive no a-a hipau khilemu ithumlave nani.

DANIEL 9:6

Ningu no O qemi tungkupmi khunoqo no O je lono niw kükami, sakiphemi, ni puasü eno aghakhu lo timi kümtsü pütsa keno, panoqo tsa initsü moveke.

ACHINE 26:15

eno Iw pimheye ngo akhuayeqo milive no I zakütsü papemo, Iw puloshoqhi kubove aye,

MATTHEW 23:34

Ikehu I no nongu lau tungkupmi, alokütsümi, eno akükütsümi puwu nani, tipaqo khami ye nongu no pithive tsü nani, khami ye kros lono yedave nani, eno khami ye now sinagog lono heqhi no mishiphu atsütsü lo tipaqo hakuqoqhi nani,

MATTHEW 5:12

Alovilo eno amlokiqi shialo, kughengu kungugha lo nongu saxü ye kije ani, eno nongu lau shike toi panongu ye nongu züu tungkupmi ghi ghimeqhi püanike.

Luke 16:14

Phariseemi ye küakini mineqhiyi chekehu kughou no atsa hipaqo chilu keno, panongu no Jisü thaigha junu.

Luke 18:32

Pa küghape Jewkumomi u lo süve tsüno thaigha, akukujopu shi peitha, eno müsüte nani.

Luke 23:11

Herod no paw ghüshimi sasü Jisü thaigha eno junuqhi. Tishino aphimini kighiche pa pipe no Pilate lau kighide puwove.

Luke 23:36

Ghüshimi ghi pa lau ighi no thaigha ghi akiqhi ji pesü tsü,

Luke 6:23

Tipa tsala lo alovi eno alokivi shi ilhelo, kughengu kungugha lo nongu jume ye kije ani. Pano puasüqo no titoi tungkupmi peitha püsa cheke.

Apostolmi 13:41

“‘Julo, nongu thoküghami, apuchopungo pe pühavelo; kughengu I no nongu ghuloki lo akümla lakhi shi ani, ti ye khami no nongu vilo pinamu pülü moni keu kümla ke.’”

Apostolmi 17:32

Kughou panongu no kithimi xüchilekulu chilu keno, khami no junuqhi. Ikemu khamiu ye pi, “Hipa tsa lo ningu no o launo chilu kitheni.”

Apostolmi 2:13

Ikemu khami ye thaigha ghi pi, “Panongu ye aji kithe shomzü ani.”

Apostolmi 7:52

No puasü no kijipüsa mokeu tungkupmi khunoqo ani kea? Amikuchou chenie pi azünatha pitsü kemi panongu no pithive. Eno ishi ye nongu no pa thechuve no heqhive,

1 Thes. 4:8

Tighenguno khuu no hi ikhilu moni keno, pa ye timi kumono Aghungu Kimthe nongu tsükeu Lhou ikhilu amoe.

IBRIMI 11:36

Khami ye ghushoqhi eno heqhi buqhi, tshüluve eno akughu shive.

XAKUTHAMI 2:17

Ikeghi panongu no xaküthami tsa initsü moe kughengu panongu no alhou kütauqo sasü kütüqha eno tipaqo mlla ke. Pano puasüqo no Ampeu zakütsü gholu ghi cheche keu laghi lo panongu ye püla move.