YEKIKITHI AKINIU 36:10 - Sumi Naga CL (Re-edited) Bible (BSI)

¹⁰ Tipa mpe lo tsülü tusho lono akükau Nebuchadnezzar no pa pesü akughumi shi Babylon lo sawuve eno pa gholono Ampeu kilo akughupu bohuqo ghi pesü wuve. Jehoiachin thiküzüu Zedekiah pesü Judah ngo Jerusalem lo akükau shive.

BAIBEL (BSI)

¹⁰ Ghixu tusho ighi kelo Akukau Nebukadnezar no Jehoiachin sasu akughumi shi Babilon lo sawuve eno tipa gholono Achinekilo kuakini xapuwuvetsu. Tithiu Nebukadnezar no Jehoiachin papu thikuzuu Zedekiya pesu Juda ngo Jerusalem lo akukau shivetsu.

YEKIKITHI AKINIU 36:10 Iomraidhean Croise

SAMUEL AKINIU 11:1

Tipa mpe tsülü tusho lo, kükamiqo no aghülawu cheke ghuloki lo David no Joab eno pa qemi pa gholo akemi ngo Israelmi kümtsü puwuve. Panongu no Ammonmi leluve no Rabbah khasü luve. Ikemu David ye Jerusalem lo ngoae.

KUKAMI AKINIU 20:17

Julo, o kükaki hipau lo kiu ani keno, eno khikhi o puasüqo no hekütsüpe ishi kutolo qhitsü keno, kümtsü Babylon lo pewuve no kiumu kühaveni keu tsala cheae ipi Ampeu no piani.

YEKIKITHI AKINIU 36:18

Alhou kilo abohuqo kije aghulo, Ampeu kilo akini pekütsü püakeqo, akükau ngo sakiphemi kini pekütsü püakeqo kümtsü pa no Babylon lo pewuve.

YEKIKITHI AKINIU 36:7

Nebuchadnezzar no Ampeu kilo abohuqo hami pesü wuve eno Babylon lo pa kükaki lo qhive.

ESTHER 2:6

pa ye Jerusalem lono Judah kükau Jeconiah, khuu Babylon kükau Nebuchadnezzar no küghaluve keno, pa gholono akughumi shi sawuve kemi ke.

ISAIAH 39:7

Eno o polo kughukomi khami ye tilau sawuve no shoko shi ghi Babylon kükau kükaki lo qhi nani.”

JEREMIYA 20:5

Tinguno alau, I no Judah kükau, mishighüna hipau eno tile akini, tinhemgha, akughupu mheghi eno Judah kükau küakini kümtsü pesü aghümi u süvetsü nani, panongu no Babylon lo ti xülepe wuve nani.

JEREMIYA 22:25

eno o küxü phuche kemi, nono khuu msa ani keno, Babylon kükau Nebuchadnezzar eno Chaldeami u lo phesüve tsüni.

JEREMIYA 24:1

Babylon kükau Nebuchadnezzar no Jehoiakim nu Judah kükau Jeconiah, eno Judah lo kijemi ngo atshamgha kishimi ngo ayi kümlami kughu sasü Babylon lo wuve kethiu Ampeu no kungunhetsü hipau I piye: Julo, mubuthi ashoghi kini Ampeu chineki zülo qhitsü.

JEREMIYA 27:16

Ikehu I no achinemi eno timiqo vilo pi, “Ampeu no ishi piani: Tungkupmi khunono nongu vilo tungkuptsa, ‘Julo, ado kushuo womono Ampeu chineki lo akhu ajukhuqo süwuve keu Babylon lono süchile süghive nani,’ ipi cheni keno tipaqo tsa ini kevilo, kughengu ti tungkuptsa ye akimki ke.

JEREMIYA 28:3

Ampe kini dolono Babylon kükau Nebuchadnezzar no Ampeu ki lono akhu ajukhu xapusü Babylon lo wuve keu I no süchile süwo a-a hile qhive nani.

JEREMIYA 37:1

Josiah nu Zedekiah khuu Babylon kükau Nebuchadnezzar no Judah yeghi lo akükau shipe keno pa no Jehoiakim nu Coniah theli lo ayepe.

EZEKEL 1:2

Tipa qhi atsala apunguu lo (ti ye Akükau Jehoiachin haphe sawuve keu mpe apunguu shi ae),

EZEKEL 17:12

“Itehi hekibidemi kibolomi vilo pilo, Thime hipaqo ye kiu keno nongu ye ithi anima? Panoqo vilo pilo, julo, Babylon kükau no Jerusalem lo ighi, eno li kükau ngo liw sakiphemi küghaluve no panoqo sasü pa lau Babylon lo ighivae.

EZEKEL 17:6

tino mini ipeghive no aqhou no qhawo keu tsaibo lakhi shive, tipa lokaqo no pa küdau qhawo eno akuhu ye tipa-a lo qüsüpe ae. Ti ye atsaibo lakhi shive no aloka qhawove.

DANIEL 5:2

Belshazzar no kughou atsaiji miche keno, pa no ameshoyi ngo ghükayi no shikeu bohu khikhi papu Nebuchadnezzar no Jerusalem chineki lono luve keno tipaqo lono akükau eno pa qholo ampemi eno pa nipuqo ngo pa nipu amishiuqo pelo sho penike süghi peniye azah tsü.

DANIEL 5:23

ikemu kungugha lo Ampeu shou no ampi süqheke. Eno Pa kilo abohuqo o zülo süghipe eno no ngo o qholo ampemi, o nipuqo eno o nipu amishiuqo no tipaqo lono aji shomzüe. Nono ghükayi, ameshoyi, alazayi, ayi, asü-atu lhou, khunoqo ithulu chemo, chilu chemo, momu ithi chemo keno panoqo sheqheke, ikemu Alhou khuu u lo o tuthu ani, eno khuu no o laghi keno, nono gihu movae.

HABAKUK 1:10

Panongu no kükamiqo phimo, eno yepemiqo junuqhi. Aliwo kümtsü panongu no junu, kughengu panongu no ayeghi xapuwo amoqhe no leluve.