YEKIKITHI AKINIU 34:7 - Sumi Naga CL (Re-edited) Bible (BSI)

⁷ pa no Israel ghakhu kümtsü lo akümlla-khacheqo hepholeve tsü, Asherim ngo ajulhoqo mukhumuno shive tsü, eno axokütsüngü kiptiaqo tulave tsü. Tishino pa no Jerusalem lo ideighi.

BAIBEL (BSI)

⁷ Ahuu akeu Kukaqha lo aghakhu kumtsu lo pano Ashera julho ngo akiptia qo kubolevetsu, asu-atu julhoqo mukhumuno shive tsu eno tsungqui ta kiptia kumtsu hephopinyive tsu. Tithiuno pano Jerusalem lo ideighike.

YEKIKITHI AKINIU 34:7 Iomraidhean Croise

KUKAMI AKINIU 10:26

eno achineki tsükucho pesü ipeghi no pitive tsü.

KUKAMI AKINIU 23:15

Tinguno alau, Nebat nu Jeroboam khuu no Israel pelo axine shivepe keno, pa no Bethel lo akümlla-khache shiqhe keu Josiah no kütsalepe pitive tsü. Pa no Asherah ghi pitive tsüe.

KUKAMI AKINIU 23:19

Samaria phughiqo lo qhemghaike-a lo akümlla ki, Israelmi kükami no shiqhe keu vecheo Ampeu pelo amlo ideve peke ghenguno Josiah no ti kümtsü ikhive. Pa no Bethel lo shike toi tile ghi shike.

YEKIKITHI AKINIU 14:2

Asa ye Ampeu pa Lhou zülo kiu no akivi eno achipi keno ti shike.

YEKIKITHI AKINIU 14:5

Pa no Judah lo mishighüna kümtsü lo qhemghaike-aqo ngo tsüngqüi keu kiptiaqo ikhive tsü. Eno aghakhu ye pa küka qholono akulho qhilue.

YEKIKITHI AKINIU 31:1

Hi kümtsü tave kethiu, tile ighi kemi Israelmi kümtsü no Judah, Benjamin, eno Ephraim ngo Manasseh mishighünaqo lo wuno atsükucho hepholeve, Asherim loqhive eno qhemghaike-a ngo akümlla-khache kümtsü hephove. Ti kümtsü hephove kethiu no Israelmi no pütüta kilo idewove.

YEKIKITHI AKINIU 34:1

Josiah ye ampe tache shi akelono ayepelu eno Jerusalem lono ampe shighi lakhi ayepe.

IPEKULU 34:13

Pano kümlla khache tulave tsü, atsükuchoqo kubove tsü eno Asherah julho loqhive tsülo

ISAIAH 17:8

Pa ye pa u no akümlla-khache mlakeu, Asherah tsükucho momu axokütsüngü kiptiaqo shou pükhü move nani.

ACHINE 26:30

I no now qhemghaike-a kütsave tsünani, tsüngqüi keu kiptia hephove tsü nani, ajulho iluqi akeu shou nongu sükumo qhepuku nani, eno nongu milive nani.

MICAH 1:7

Li julho shisü keu kümtsü hephopinyive tsü nani, li jume kümtsü ami lono pitive tsü nani, eno li julho kümtsü I no kütsaleve tsü nani, kughengu li no kütüqha keu jume kütsüpe qhi kehu, li ye kütüqha keu jume lau idewove nani.

ZAKINIU 9:21

Tishino nongu no mlakeu axinepu mishiti julho I no ikhipe pitive no mukhumuno shive tsü. Eno I no tipau mukhu pewo naghuto lono qoiqi akeu ghoki lo vesüve.