YEKIKITHI AKINIU 34:3 - Sumi Naga CL (Re-edited) Bible (BSI)

³ Kughengu pa yepe mpe akütacheu lo, ti ye apulhothe shi aphi lono, pa ye pa sü David Lhou mllauve, eno ampe chighiakiniu loye pa no Jerusalem ngo Judah lo qhemghaike-a, Asherim, küxütha keu julho, eno ayi julhoqo kütsave tsü.

BAIBEL (BSI)

³ Josiya no akukau shilu keu ampe akutacheu lo, paye ighono lhothemi kughunu shi aphi lono pasu Akukau David Lhou mlla cheuve. Ampe bidi thiu pano asu-atu kumlla aqo kutsale thuve - Ashera lhouliu julho ngo asu-atu julho kutau kumtsu.

YEKIKITHI AKINIU 34:3 Iomraidhean Croise

KUKAMI ATUGHIU 13:2

Ampeu tsa vecheo timi huno ishi akiptia pipütha, “O akiptia, akiptia, Ampeu no ishi piani: ‘Julo, David lagha lono anu lakhi Josiah ipikeu punu nani. Pa no atoghiqo lo achinemi ghiqhipe o kiptia shou no aghashi nani, eno timi saghiqo piti nani.’”

KUKAMI AKINIU 10:27

Panongu no Baal tsükucho eno achineki xaleqhive tsü, eno tipau pesü ishi kutolo kübakupujo-a shivetsü.

KUKAMI AKINIU 18:4

Pa no qhemghaike-aqo hephove tsü, atsükuchoqo tulave tsü, eno Asherah hepholeve tsü. Pa no alazayi pighi julho (tipau pesü Nehushtan ipiche) khipa lau Israelmi no tipa ghuloki kutolo akümllagho pesü tsüche keno, tighi atachu shi kuboleve tsü.

KUKAMI AKINIU 20:5

“Ideilo lo eno Iw timiqo sakipheu Hezekiah vilo pilo, Ampeu O sü David Lhou no ishi piani: I no o kighini chiluvae; I no o nhezü kipiji ithuluvae. Julo, I no o shipivi tsüni. Atsala aküthüu lo no ye Ampeu kilo wu nani,

KUKAMI AKINIU 23:14

Pa no atsükuchoqo hepholeve tsü, eno Asherim loqhipe tipaqo lo timi saghi no chhitoi qhivetsü.

KUKAMI AKINIU 23:4

Tishino akükau no achinetou Hilkiah ngo pa shelo akiniu mqo lo achinemi ngo achineki kulaghi khemi vilo Baal ngo Asherah eno atsütsü lo aqhi ayepu kümlla ghenguno abohu mlapüa keqo ikhiphe penike azah tsü. Pa no Jerusalem khalau Kidron luza lono pitileve eno tipa yevu pesü Bethel lo wuve.

YEKIKITHI ATUGHIU 22:5

Kughengu pa no ishi kümsü, “I nu Solomon ye alhothe aphi eno puju-peju mphi, eno Ampeu ghenguno aki shiniye akeu ye akuaqha kümtsü lo ajuaje küghakichepu shi ighono juqhekulho shimasa ani. Tighenguno I no kutope qhive tsüni.” Ikehu David no pa xü lono tinhemgha jeli kütsasa ikhiphepe qhivetsü.

YEKIKITHI ATUGHIU 28:9

“I nu Solomon, amlo kümtsü süno puloniqhiyi keu kükümsü xapu o pu Lhou ithilo, kughengu Ampeu no timi mlo lheju no alolo kughu eno kümsüpu akeu kümtsü ithi achenie. Nono Pa phuju aye phulu nani, ikemu nono Pa qhive aye Pa ghi alhokupuju ghenguno o qhive nani.

YEKIKITHI ATUGHIU 29:1

Tithiu akükau David no kuho akemi kümtsü vilo pi, “I nu Solomon khuu Alhou no kisheluve akeno, pa ye alhothe eno puju-peju keu küha aphi püzü akümlapu no ighono kije shi ani, kughengu aki hi ye timiw kumono Ampeu Alhouw ke.

YEKIKITHI AKINIU 14:6

Pa no Judah lo aliwo kumto mishighünaqo shiqhe, kughengu aghakhu ye akulhoqhi ake. Tipa ghuloki lo pa ye aghü shimoe kughengu Ampeu no alokughuno pa tsüke.

YEKIKITHI AKINIU 15:2

eno pa no Asa sasü kusholu nike wuno pi, “Asa, eno nongu Judah ngo Benjamin lo küami kümtsü I tsa inilo: Ampeu ye nongu no Pa gholo ake tivilo nongu gholo ani. Nongu no Pa phu aye phulu nani, ikemu nongu no Pa pheve aye, Pa no nongu pheve nani.

YEKIKITHI AKINIU 30:14

Panongu no akümla shithu eno Jerusalem lo ajulho kümlla khache kümtsü ikhive eno axokütsüngü kiptia ikhipe Kidron Khila lo peve.

YEKIKITHI AKINIU 33:15

Pa no Ampeu ki lono inaghami lhouqo ngo ajulho ikhive, eno Ampeu ki naghuto lo ngo Jerusalem lo akiptia pa no shikeqo kümtsü aphughi khalau peve.

YEKIKITHI AKINIU 33:17

Timiqo no qhemghaike-a lono aghashi kemu Ampeu pano Lhou lau likhi shike.

YEKIKITHI AKINIU 33:22

Pa pu Manasseh toi, pa ye Ampeu zülo kiu no axine keno shike. Amon ye pa pu no ajulho mla keqo kümtsü lau aghashi eno tipaqo mllae.

YEKIKITHI AKINIU 34:33

Josiah no Israelmi ghakhu lono aphikümqhüpu thime kümtsü kütsaleve eno Israelmi kümtsü pelo Ampeu pano Lhou huthupe. Pa küxü tivilo panongu ye Ampeu pano puasü Lhou launo tsüghüve moe.

LESHELE 119:9

Lhothemi lakhi ye kishino pa laghi mqhamqhilu nani kea? O tsa kiqi lono pa laghi jukuto keu vecheo ke.

LESHELE 71:5

Kughengu, O Ampeu, No ye Iw lajupu, I lhothe lono I no pükhü chekeu ke, O Ampeu.

IPEKULU 34:13

Pano kümlla khache tulave tsü, atsükuchoqo kubove tsü eno Asherah julho loqhive tsülo

AHOLE 20:11

Itimiu ghi pa ghili-aye lono pa ye tsüghükhüi eno müzüchoi kemo keno piyeve cheni.

AHOLE 8:17

Khunono I kimiye cheni keno I no tipaqo kimiye, khunono aghüiloqhiyi I phuni keno pano no I phulu nani.

YETSAPIU 12:1

Nono lhothemi shiaphi lono, aküzü tsalaqo sholu mphi lono, eno nono, “Ni ye aküxü azüzüvae,” ipiuve kepu ghuloki ighi mphi lono o Lhoküsüu ghi kümsülu lo,

ACHINE 26:30

I no now qhemghaike-a kütsave tsünani, tsüngqüi keu kiptia hephove tsü nani, ajulho iluqi akeu shou nongu sükumo qhepuku nani, eno nongu milive nani.

MICAH 1:5

Hi kümtsü Jacob xine eno Israel lagha xine ghenguno ke. Jacob xine ye kiu kea? Ti ye Samaria ke kumo? Eno Judah kuchuqu-a ye kiu kea? Ti ye Jerusalem ke kumo?

MATTHEW 6:33

Ikemu atüghüshi Alhou yekipe eno Pa mikucho phulo, eno thime hi kümtsü pesü nongu lau küphatsü nani.

2 Tim. 3:15

nono iti küxü lono kishi Kuchoyesü ithiche keno, tino Khristo Jisü lau aküpülü akeu vecheo xakulupu küdau o sawu kepu lokütsü tsünani.