YEKIKITHI AKINIU 34:21 - Sumi Naga CL (Re-edited) Bible (BSI)

²¹ “Wulo, eno kaku hipau lo yepüa keu kiqi lono I ghenguno eno Israel ngo Judah lo akeqo ghenguno Ampeu pütsa julo. Ampeu ye ningu lau shishe aloghu ide ani, kughengu ni puasüqo no kaku hipau lo shilo pikeu pape move ke.”

BAIBEL (BSI)

²¹ “Wulo ighenguno eno Israil ngo Juda lo xuaghi kemiqo ghenguno AMPEU putsajulo. Kaku hipau lo kutsu puakeu vehu phujulo. AMPEU ye ningu shou amlo ide anike kughengu nipuasu no AMPEU tsa lumoveno kaku hipaulo shimasa kepi pikeu shimove ke.”

YEKIKITHI AKINIU 34:21 Iomraidhean Croise

KUKAMI AKINIU 22:13

“Wulo, eno kaku hipau lo yepüa keu kiqi lono ni eno timiqo ghenguno, eno Judah timi kümtsü ghenguno Ampeu lau ighiju lo. Ampeu ye ningu lau shishe aloghu ide ani, kughengu ni puasüqo no kaku hipau lo shilo pikeu pape movae, eno ningu ghenguno yepüa tsükeu kiqi lono xümovae.”

YEKIKITHI AKINIU 28:6

Kughengu Ramaliah nu Pekah no Judah lo aghütomi lakh lakhi qhethonhe muku atsala lakhi lono ghiqhive tsü, kughengu panongu no Ampeu pano puasü Lhou pheve ke.

YEKIKITHI AKINIU 29:8

Tighenguno Ampeu loghu Judah ngo Jerusalem shou ikughi, eno Pa no tipaqo lau akümsapu, akichiqhipu, jukünatha kepu shivetsü, ti ye nongu nhethi ghi ithulu anie.

YEKIKITHI AKINIU 33:11

Tighenguno Ampeu no Assyria ghüshimi shou zatsümi pelo Judah levepe eno akuhoyi pesü Manasseh fuluve no alazayi kichhe no pa tshüpe Babylon lo wuvepe.

YEKIKITHI AKINIU 34:20

Pa no Hilkiah, Shaphan nu Ahikam, Micaiah nu Abdon, Shaphan akiyeu, eno akükau qeu Asaiah, vilo azah tsü,

YEKIKITHI AKINIU 34:22

Tileno achinetou Hilkiah ngo akükau no puwu keqo no achineki lo tiphimini jukükütsüu Hasrah nu Tikvah nu Shallum nipu Huldah tungkupliu, lau wuno li sasü küptsa (li ye Jerusalem lo asa akiniu lo ache).

IPEKULU 18:15

Moses no pa ngu vilo pi, “Timiqo no Alhou vilo inijuni ye I lau ighike ghenguno ke;

JEREMIYA 21:2

“Ampeu vilo ningu ghenguno ighiju tsülo, kughengu Babylon kükau Nebuchadnezzar no ni sasü aghü shiniye ani. Ishiake Ampeu no Paw akichiqhipu kümla ni lau mlatsü no ni launo pa hachileve tsü luvie.”

JEREMIYA 42:2

Jeremiah vilo pi, “Ni kimiye tsü penike o lau ighi ani, hi ghükulumi ghenguno O Lhou Ampeu lau inikhu tsülo. Kughengu o nhethi no ithulu anike, ningu ye aghulo likhivae,

EZEKEL 18:14

“Tsala timi hipau no anu lakhi, khuu no papu no axine shikeu kümtsü ithuluve akeno; pa no ithulu kemu titoi shimo aye:

EZEKEL 36:18

Ikehu panongu no ayeghi lo aji pelekeu ghenguno, asüatu julho vecheo panongu no tipau shipixive ke ghenguno I no I loghu panoqo shou lepukue.

Rommi 1:18

Kughengu Alhou kümthami ngo amikuchokumomi khunono pano mikuchokumo lono kuchou qhasüpe acheni keno, kümtsü shou Alhou loghu ikughini ke kungugha lono pephe piyevae.

Rommi 4:15

Kughengu Ayezah no aloghu süghi cheni, ikemu khile Ayezah küha keno, tile ye küqüve kepu ghi kühae.

ZAKINIU 28:15

“Ikemu ishi tsala lo Ampeu nongu Lhou zakütsü eno akhuaye I no azah nongu tsü akeqo nongu no gholumo eno pape move aye, müsüini keu hi kümtsü nongu shou ikughi nani.

SAMUEL ATUGHIU 9:9

(Püzüu Israel lo kughou milakhi no Alhou lau wuno kighinikile juni keno, pa no piche, “Ighilo, ningu ithukuluu lau wuni,” kughengu ishiw “tungkupu” huye azüu ye ithukuluu ipi cheke).