YEKIKITHI AKINIU 33:13 - Sumi Naga CL (Re-edited) Bible (BSI)

¹³ Pa no Alhou lau inikhu, eno pa kighini no Alhou mlo buve no Pa no itaghi Jerusalem lo pa kükaqha lo sachile ighive. Tileno Manasseh no Ampeu ye Alhou kepi ithive.

BAIBEL (BSI)

¹³ Alhou no Manase kighini ikhiluve tsuno tipau khochiletsu no pa pelo Jerusalem lo idewolupe eno ayeh pekithelu peke. Hipau lono AMPEU ye Alhou kepi Manase no mutsumishei ithiluve.

YEKIKITHI AKINIU 33:13 Iomraidhean Croise

BOTHUBO 25:21

Isaac no pa nipu ghenguno Ampeu vilo inikhu, kughengu li ye anuhami ke. Eno Ampeu no pa kighini khochile tsüno pa nipu Rebekah ye mishive.

KUKAMI ATUGHIU 18:39

Kughou timiqo no ti ithulu keno, panongu no agi pishiqhope ayeghi lo ikiqi no pi, “Ampeu ye Alhou; Ampeu ye Alhoue,”

KUKAMI ATUGHIU 8:50

Panongu xine eno hekibide kümtsü qhive tsülo eno pano ghümi pelo pano kimiyelu pelo.

KUKAMI AKINIU 13:4

Tile Jehoahaz no Ampeu vilo inikhu, eno Ampeu no Syria kükau no kishi Israelmi shikimighi ani keno ithulu no pa kighini chilutsü.

YEKIKITHI ATUGHIU 5:20

Panongu no Hagritmi ngo pano gholo akemi shou toluve, kughengu panongu no aghüshiqa lono Alhou lau pükhübe no kuphu penike khekulhoshi khu kelo Alhou no chilu tsüno aghümi pesü pano u lo sütsüe.

YEKIKITHI AKINIU 12:7

Kughou panongu no kuchunive keu Ampeu no ithulu keno, Ampeu tsa Shemaiah lau ighi: “Panongu no pano kuchunive ake ghenguno Ni ye panongu kütsa moae, ikemu I no panongu xaphelu kepu tsüni, eno Shishak vecheo Jerusalem lo I loghu lepuku moae.

YEKIKITHI AKINIU 33:18

Manasseh kümla küghütha kütau, pa Lhou lau pa kighini, eno tungkupmi khunono Ampeu Israel Lhou je lono pa pütsa keno, tipaqo ye Israelmi Kükami Yekikithi Kaku lo yepüani.

YEKIKITHI AKINIU 33:19

Pa kighini no kishi Alhou buve keno, pa xine, pa küpülü küküha, eno pa ampi kuchuni mphi züu pa no a-a khipaqo lo qhemghaike-a shiqhe no Asherim ngo ajulho mlape qhi keno, tipaqo ye Tungkupmi Yekikithi kaku lo yepüani.

YEKIKITHI AKINIU 34:27

aphughi hipau eno hile xüküami shou Ampeu no pikeu tsaqo nono chilu kelo, nono kuchunipe o phimini süxü no I zülo mloqa keu Ni ghi chiluvae, ipi Ampeu no sheshu ani.

EZRA 7:27

Ningu puasü Lhou, Ampeu sheqhelo, Pa no Jerusalem lo Ampeu ki akeu pesü juviqhiyi tsüniye hitoi keu pesü akükau mlo lo sütsü ke,

EZRA 8:23

Tighenguno ningu no hipau ghenguno kümvü eno ni Lhou vilo qhüiniju, eno nino khukeu Pa no chilu tsü.

JOB 22:22

Pa kichi lono kütsü-shika keu lulo eno o mlo lo Pa tsa qhilulo.

JOB 22:23

Nono Akughushuu lau ideighi aye o chukhepuku nani; o ki lono kuchokumo ikhive aye,

JOB 22:27

Nono Pa lau akighini shikelo Pa no chilutsü nani eno o shoqhi shikeu shikupulu nani.

JOB 36:11

Pa tsa chilu no Pa huthu aye, panongu ye kinikülü shi aküxü kupukülai lunani, eno alokughuno shi pano küxü mpe puwolu nani.

JOB 36:9

Pa no pano kutokumo piphetsü, eno pano qheküza lhoaye pesü panongu piye cheni.

LESHELE 107:13

Tithiu pano ghime lono panongu no Ampeu lau qae, eno pano ghime kitikhi lono Pa no panoqo xaphelue.

LESHELE 46:10

“Iqüghai lo, eno Ni ye Alhou kepi ithilo. Shiyeqo gholo I je süqhe nani, ayeghi lo I je süqhe nani!”

LESHELE 46:11

Aqokitikhi Mpeu ye ni gholo ani; Jacob Lhou ye ni sükusho liwo ke.

LESHELE 86:5

O Ampeu, No ye aloe eno akipimi qhitsü cheni, O ku chekemi kümtsü lau iqemokeu kikimiye piye cheni.

LESHELE 9:16

Ampeu no Paw küghakütha pephe piyevae; küsaküghami ye pano u lo kümla lono kitime luvae.

AHOLE 16:7

Kughou milakhi no Ampeu lopu shini keno, Ampeu no pa ghümiu ghi pesü külashitsü cheni.

AHOLE 21:1

Akükau mlo ye Ampeu u lo aghoki zü aketoi, khilekhile mu Pa gholau no sawu cheni.

JEREMIYA 24:7

I no panoqo pelo Ni ye Ampeu kepi ithi kepu mlo panongu tsünani, tishino panongu no Iw timi shi eno I no panongu Lhou shi nani, kughengu panongu ye amlo kuchopu no I lau xaide ighi nanie.

JEREMIYA 36:7

Ishiake panongu no kimiye tsü penike Ampeu zülo qhüiniju luvi, eno kümtsü no Ampeu mlokighide eno aloghu panongu shou shuphe püakeu no kije kehu pano kümla lhoksa lono tsüghü ighi luvike.”

AKUMLO 3:56

I no qhüiniju keu Nono chilu tsü, ‘I no akukuphu ghenguno ighamku kelo O kini kiyikhave kevilo!’

DANIEL 4:25

ike no ye timiqo gholono hapupove nani, eno o kungo-a ye aghasa lo tüghashiqo gholo shive nani. No ye amshitsü lakhi toi atsüni chuuve nani, atsütsü lo tsüzü no o pütsü nani, eno Shishe Akiqheu no timi kükaqha lo ayepe cheni eno tipau pesü khukhumu Pa no pulo keu tsüve chenie pi nono ithi moke kutolo kihiküthado tsüni no o hecheve nani.

DANIEL 4:32

eno no ye timiqo dolono hasasü wuve nani, o kungo-a ye aghasa lo tüghashiqo gholo shive nani. No ye amshitsü lakhi toi atsüni mzachupe nani, eno Shishe Akiqheu no timi kükaqha shou ayepe cheni eno tipau pesü khukhumu Pa no pulo keu tsüve cheni ipi ithi moke kutolo kihiküthado tsüni no o hecheve nani.”

DANIEL 4:36

I kükümsü I lau idechile ighive kemtsa I kükaqha juküvü ghenguno I kükanguagha ngo ajekipi I lau idechile ighive. I qholo mijekütsümi ngo ampemi no I phuighive no I kükaqha lo I süqheve, eno itaghi ajekipi alau I lau küphatsüe.

MATTHEW 6:33

Ikemu atüghüshi Alhou yekipe eno Pa mikucho phulo, eno thime hi kümtsü pesü nongu lau küphatsü nani.

John 17:3

Lhokta küxü ye hike: panongu no kuchou Lhou O likhi akeu ithi, eno Nono puwukeu Jisü ithikeu noke.

John 4:10

Jisü no li khochile, “Alhou no agho tsükeu nono ithi aghi, eno o vilo, ‘Azü I piyelo’ ipi akeu ithi aghike aye, no ye pa vilo aküxüpu zü khuniche eno pa no o tsüniche.”

ZAKINIU 29:6

Nongu ye asho chumphi, atsaizü momu aji kümka shomphi, tishikeu lono nongu no Ni ye Ampeu nongu Lhou kepi ithi peniye ke.

IBRIMI 8:11

Panongu khumu pano küsau momu pano thiküzümi vilo, ‘Ampeu ithilo’ ipimo nani, kughengu panongu gholo akitilau lono akijeu kutolo kümtsü no Ni ithi nani.