YEKIKITHI AKINIU 33:12 - Sumi Naga CL (Re-edited) Bible (BSI)

¹² Kughou pa no aghime lo akeno, Ampeu pa Lhou lau akukuphu khu eno pa puasü Lhou zülo kuchunive.

BAIBEL (BSI)

¹² Pa ghimeqhi akelo paye akumtsha shi chuni iqighive eno AMPEU pa Lhou vilo kuphu penike ghenguno qhuinijuke.

YEKIKITHI AKINIU 33:12 Iomraidhean Croise

YEKIKITHI AKINIU 12:7

Kughou panongu no kuchunive keu Ampeu no ithulu keno, Ampeu tsa Shemaiah lau ighi: “Panongu no pano kuchunive ake ghenguno Ni ye panongu kütsa moae, ikemu I no panongu xaphelu kepu tsüni, eno Shishak vecheo Jerusalem lo I loghu lepuku moae.

YEKIKITHI AKINIU 15:2

eno pa no Asa sasü kusholu nike wuno pi, “Asa, eno nongu Judah ngo Benjamin lo küami kümtsü I tsa inilo: Ampeu ye nongu no Pa gholo ake tivilo nongu gholo ani. Nongu no Pa phu aye phulu nani, ikemu nongu no Pa pheve aye, Pa no nongu pheve nani.

YEKIKITHI AKINIU 15:4

Ikemu kughou panow shiluküsa lono panongu no Ampeu Israel Lhou lau ideighi no Pa phu keno, panongu no Pa phulue.

YEKIKITHI AKINIU 28:22

Paw shiluküsa ghuloki lono pa ye alau Ampeu lau amikucho shimove, hi ye akükau Ahaz ghili pi anike.

YEKIKITHI AKINIU 28:5

Tighenguno Ampeu no Ahaz pesü Syria kükau u lo süvetsü eno Syria kükau no pa leluve no timi kutomo küghape Damascus lo wuve. Pa ye Israel kükau u lo ilove eno Israel kükau no akumto shi pa theqhive.

YEKIKITHI AKINIU 32:26

Ikemu Hezekiah ngo Jerusalem lo küami no pano qheküza lono xaide luve, tishikeu lono Hezekiah ghuloki loye Ampeu loghu panongu shou ikughi move.

YEKIKITHI AKINIU 33:23

Pa pu Manasseh no kuchuni ketoi mono pa ye Ampeu lau pa shikuchuni moe, ikemu Amon hipau ye alau-alau akipimi shi auve.

YEKIKITHI AKINIU 34:27

aphughi hipau eno hile xüküami shou Ampeu no pikeu tsaqo nono chilu kelo, nono kuchunipe o phimini süxü no I zülo mloqa keu Ni ghi chiluvae, ipi Ampeu no sheshu ani.

LESHELE 118:5

I ghime kitikhi lono I no Ampeu kuke; Ampeu no I khochile tsüno I khaqhiphe.

LESHELE 120:1

I ghime kitikhi lono I no Ampeu kue, eno Pa no I khochile.

LESHELE 130:1

Akuthoku lono I no O lau ighamku ani, O Ampeu!

LESHELE 130:2

O Ampeu, I sütsa chilu tsülo! Kimiyeqhiyi tsü penike I no inikhu akeu sütsa küdau O kini kugho puwo tsülo!

LESHELE 50:15

eno shiluküsa tsala lo I kulo I no o xalu nani, eno nono I sheqhe nani.”

IPEKULU 10:3

Ikehu Moses ngo Aaron pama no Pharaoh lau wuno pa vilo pi, “Ampeu, Hebrewmi Lhou no ishi piani, ‘No ye I zülo ado khitohi no ampi pesü aqhokigheu shini keu mili anani kea? Iw timiqo puwuvelo, tishianguno panoqo pelo I qelu pelo.

JEREMIYA 13:18

Akükau eno Kükaliu paza vilo pilo: “Aqhou lakhü lo iqave lo, kughengu ow jukivi kütsükuqho ye o kütsü lono ikiqivae.”

JEREMIYA 36:7

Ishiake panongu no kimiye tsü penike Ampeu zülo qhüiniju luvi, eno kümtsü no Ampeu mlokighide eno aloghu panongu shou shuphe püakeu no kije kehu pano kümla lhoksa lono tsüghü ighi luvike.”

DANIEL 4:36

I kükümsü I lau idechile ighive kemtsa I kükaqha juküvü ghenguno I kükanguagha ngo ajekipi I lau idechile ighive. I qholo mijekütsümi ngo ampemi no I phuighive no I kükaqha lo I süqheve, eno itaghi ajekipi alau I lau küphatsüe.

HOSIYA 5:15

Panongu no pano kipimi ithi no aghime lono müamzü I phuighi moke kutolo Ni ye itaghi I kungo-a lo ideighive nani.

JONAH 2:2

eno pi, “I no I ghime lono Ampeu lau ighae, eno Pa no I khochile tsü; Kithigha po lono I no ighamku, eno Nono I sütsa chilu tsüe.

MICAH 6:9

Ampeu sütsa no mishighüna lau ighamku—O je sümsani keu no kuchou lokütsüe: “Khuu no aküsü kutope qhikeno Pa huqhelo

Apostolmi 9:11

Ampeu no pa vilo pi, “Ithu no Müzüchoi ipi chekeu laghi lo wuno Judas kilo Tarsusmi Saul ipikeu phuwulo, kughengu pa ye akighini shi ani,

James 4:10

Nongu ampi pesü Ampeu zülo kuchuni lo eno Pa no nongu sünheqhe nani.