YEKIKITHI AKINIU 32:8 - Sumi Naga CL (Re-edited) Bible (BSI)

⁸ Pa gholo ye timi küka ani, ikemu ni gholou ye ni kuphu no ni ghenguno aghü shitsüni keu Ampeu ni Lhou ani.” Akükau Hezekiah tsa hipaqo no timiqo shikumto luve.

BAIBEL (BSI)

⁸ Paye timi launo ighi keu kuka anike ikemu ninguye nikuphuni ke eno ni ghenguno aghu shitsuni keu AMPEU ni Lhou anie.” Timiqoye akukau tsa hipaqono panoqo shikumtoluve.

YEKIKITHI AKINIU 32:8 Iomraidhean Croise

KUKAMI AKINIU 18:5

Hezekiah no Ampeu Israel Lhou shou shishe pülübe, pa züumu pa thiumu Judah kükami khumu pa toike ipeghi moe.

KUKAMI AKINIU 6:16

Elisha no pi, “Msa kevilo, kughengu panongu gholo chekemi ye, ni laumi pachi ani.”

YEKIKITHI ATUGHIU 5:22

Tile aghümi kutomo ikiqive, kughengu aghüshi tipau ye Alhouw ke. Tithiu panongu ye haphe sawuve moke kutolo tile acheuve.

YEKIKITHI AKINIU 13:12

Julo, Alhou no ni sakipheu shino ni gholo ani, eno Pa chinemi no aghüshi fuko pesü nongu sasü aghü shinike kuniye kutope ani. O Israel nuliqo, Ampeu nongu puasü Lhou sasü aghüshi kevilo, kughengu nongu ye tomla nani.”

YEKIKITHI AKINIU 14:10

Asa no pa mjonike wuno Mareshah lo Zephathah Khila lo kithepe ngoluve.

YEKIKITHI AKINIU 14:11

Asa no Ampeu pa Lhou lau ighamku inikhu, “O Ampeu, akumtomi ngo miqemlei kemi dolo kuphu tsüni keu O toike khumu kühae. Ni kuphu tsülo, kughengu ningu ye O shou pükhü ani, eno O je lono ningu ye aqokitikhi sasü kumjoni ke ighi ani. O Ampeu, No ye ni Lhou ke, khuu pelomu ni theqhivepe kevilo.”

YEKIKITHI AKINIU 16:7

Tipa ghuloki lo tungkupu Hanani no Judah kükau Asa lau wuno pi, “Nono Ampeu o Lhou pükhüni ke züqhulo Syria kükau shou pükhübe kehu, Syria kükau ghüshimi ye o launo poka luvae.

YEKIKITHI AKINIU 20:15

Pa no pi, “Judah timi kümtsü, Jerusalem lo küami, eno Akükau Jehoshaphat, inilo: Ampeu no ishi piani, ‘Msa kevilo eno hi aqokitikhi kije jupe aghüthisü kevilo, kughengu aghüshi ye nonguw kumoe ikemu Alhouw ke.

YEKIKITHI AKINIU 20:17

Nongu ye hipa ghüshi shimo nani. Mtotoi puthugho lulo, eno nongu züqhushi Ampeu no xakulu tsükeu julo, O Judah ngo Jerusalem timi.’ Msa kevilo eno aghüthisü kevilo. Thoghiu panongu küpüghü nike wulo, eno Ampeu no nongu gholo anani.”

YEKIKITHI AKINIU 20:20

Thanau inaqhe ithe ithu no panongu no Tekoa sayeqha lo wuve. Kughou panongu no tilau ipeghi keno Jehoshaphat no puthugho no pi, “Judah ngo Jerusalem timiqo, I tsa inilo! Ampeu nongu Lhou pülülo, nongu no mtotoilu nani; Paw tungkupmi pülülo nongu no tolu nani.”

YEKIKITHI AKINIU 32:15

Tighenguno itehi Hezekiah pelo nongu pishiqhi momu hipa gholau no nongu sabidepe kevi eno pa pülü kevilo, kughengu khuno shiye momu kükaqha lhou nomu I u momu I puasüqo u lono paw timiqo xalu mphie. Imaye nongu lhou ye I u lono kishino nongu xaphe luni kea?’”

JOB 40:9

No ye Alhou u kumto toikeu ani keo, eno Pa sütsa toi mghachhoi ighalu nani keshea?

LESHELE 118:8

Timi shou pükhü akepu ye Ampeu ijeluve keu pavie.

LESHELE 20:7

Khami no khurkulu eno khami no khurshi shou pükhübe cheni, ikemu ningu ye Ampeu ni Lhou shou pükhü cheni.

LESHELE 46:11

Aqokitikhi Mpeu ye ni gholo ani; Jacob Lhou ye ni sükusho liwo ke.

LESHELE 46:7

Aqokitikhi Mpeu ye ningu gholo ani; Jacob Lhou ye niw sükusho liwo ke.

IPEKULU 4:31

Eno timiqo no pülüve; kughou panongu no Ampeu no Israelmi xuju ighivae eno Pa no panoqo ghime ithuluvae pi chilu keno, panongu no pano kütsü pishiqho luve no mllae.

AHOLE 12:25

Amlo lo kütakihi keu no timi qaqhive cheni ikemu atsa kivi no pa mlo vepiqitsü cheni.

ISAIAH 30:32

Ampeu qheküsü no panongu shou hepuku keu kiqi lono qüqüpu ngo küghaküsü lebo ghi küigha nani. Pa u kumto pesü Pa no panoqo küpüghü nani.

ISAIAH 31:3

Egyptmi ye Alhou kumono timi, panow khurshi ghi ashi phimpi kethono aghungu kumoe. Ampeu no Pa u chhopuwo kelo akukuphu tsü akeu ngo ithulu akeu kinikujo ikiqi pühave nani.

ISAIAH 36:18

Tsükhüi lo tikumo aye Hezekiah no, “Ampeu no ningu xaphelu nani” ipikeu lono nongu saküghüzüve nosae. Shiyeqo lhou khuana no Assyria kükau u lono pano yeghi xaphe püanio?

ISAIAH 41:10

I no o sacheni ke msa kevilo; aghüthisü kevilo kughengu Ni ye o Lhou ke; I no o shikumto eno o kuphu nani, I chipiu mikucho pesü I no o süqhe nani.

ISAIAH 8:10

Kughu küqhaju lo, ikemu avehu shimo nani; atsa pijulo, ikemu tolumo nani, kughengu Alhou no ni gholo anie.

JEREMIYA 17:5

Ampeu no ishi piani: “Khuu no timi shou pükhübeni, aphimpi kumto pükhüni eno Ampeu launo tsüghüveni keno müsüinivae.

JEREMIYA 42:11

Nongu no msa akeu Babylon kükau jupe ighü kevilo, Ampeu no sheshu, kughengu I no nongu gholo ani, eno pa u lono nongu xaphe luve nani.

ZEKHARIA 4:6

Ikehu pa no I vilo pi, “Hi ye Zerubbabel tsükeu Ampeu tsa ke: Akumto no kumo, momu aküka nomu kumoe, ikemu I Ghungu vecheo noe, ipi aqokitikhi Mpeu no pi.

Apostolmi 18:10

kughengu I no o gholo ani, khunomu o ghüzamo nani, kughengu mishighüna hipau lo Iw timi kutomo ani.”

ZAKINIU 20:1

“Nongu no aghü küpüghü wukelo, now khurshi ngo khurkulu eno ghüshimi nguno alau ithulu namu msa kevilo, kughengu Ampeu khuu Egypt lono nongu xaphelu keno nongu Lhou no nongu gholo anani.

ZAKINIU 20:3

‘Inilo, O Israel, ishi tsala lo nongu ye aghümi sasü küpüghü nike cheni, amlo loti kevilo. Msa kevi, amlo hauve kevi momu pano jukichive kevilo,

ZAKINIU 20:4

kughengu Ampeu nongu Lhou no nongu züqhushi aghü shinike no gholo wucheni eno tokulu nongu tsü nani.’

2 Tim. 4:17

Ikemu Ampeu no I gholo puthugho no I shikumto tsüe, tishikeu lono I vecheo atsakiviu qhoi shuphelu no Jewkumomi kümtsü pelo inilu peke. Ikehu abongshuu baxa lono I xaphelue.

2 Tim. 4:22

Ampeu no o ghungu gholo apeniu. Ampeuw Küpükini no o gholo apeniu.

JOSHUA 10:42

Joshua no ghuthu khavino kükami hipaqo eno pano yeghi kümtsü leluve, kughengu Ampeu Israel Lhou no Israel züqhushi aghüshi tsüke.

1 John 4:4

Atianuliqo, nongu ye Alhou laumi eno kichile tungkupmi theqhi luvae, kughengu nongu lolo Khuu ani keno Pa no ayeghi lo akeu nguno akijeu ke.

SAMUEL ATUGHIU 17:45

Tile David no pa vilo pi, “No ye azütakikihi, angupa eno ayi ghasü pesü I lau ighi ani, ikemu ni ye aqokitikhi Mpeu, Israel ghüshimi Lhou, khuu nono khü ani keno Pa je lono o lau ighi ani.