YEKIKITHI AKINIU 32:7 - Sumi Naga CL (Re-edited) Bible (BSI)

⁷ “Mtotoi eno amlo kumto shilo. Assyria kükau ngo pa gholo hi amqo shishe kije chekeqo jupe msa kevi momu aghüthisü kevilo, kughengu pa gholo chekeu nguno akichiu ningu gholo ani.

BAIBEL (BSI)

⁷ “Itha kevino amlo kumto shilo eno Asiriyami kukatou msakevi momu pano sasu chekeu ghushimi jupe msa kevilo. Pa gholo akuka akeu nguno ningu gholouno akuka kumto alau anike.

YEKIKITHI AKINIU 32:7 Iomraidhean Croise

KUKAMI AKINIU 18:30

Hezekiah no nongu vilo, ‘Ampeu no ningu xaphelu nani pütsa eno mishighüna hipau ye Assyria kükau u lo ilomo nani,’ ipikeu vecheo nongu ye Ampeu shou pükhübe kevilo.

KUKAMI AKINIU 18:5

Hezekiah no Ampeu Israel Lhou shou shishe pülübe, pa züumu pa thiumu Judah kükami khumu pa toike ipeghi moe.

KUKAMI AKINIU 6:16

Elisha no pi, “Msa kevilo, kughengu panongu gholo chekemi ye, ni laumi pachi ani.”

YEKIKITHI ATUGHIU 22:13

Tsala Ampeu no Moses vecheo Israelmi tsükeu khuaye eno pimheyeqo nono tsaqütsalei pelu aye, no ye ikoishelu nani. Akumto shino amlo kuloghi shilo. Msa kevi; alomtshüve kevilo.

YEKIKITHI ATUGHIU 28:10

Itehi tsaqütsalei shilo, kughengu o pelo akimthe chineki mla penike Ampeu no o kisheluvae; ikehu akumto shino mla thulo.”

YEKIKITHI ATUGHIU 28:20

Tithiu David no itaghi pa nu Solomon vilo pi, “Mtotoi amlo loghi no mlalo. Msa kevi eno aghüthisü kevilo, kughengu Ampeu Alhou, I Lhou, no o gholo ani. Ampeu huthuni ke ghenguno akümla shiqhi moke kutolo Pa ye o qhivemo momu o phevemo nani.

YEKIKITHI AKINIU 15:7

Ikemu nongu ye akumto shilo! Nongu u qeive kevilo, kughengu nongu kümla ghenguno asaxü tsü nani.”

YEKIKITHI AKINIU 16:7

Tipa ghuloki lo tungkupu Hanani no Judah kükau Asa lau wuno pi, “Nono Ampeu o Lhou pükhüni ke züqhulo Syria kükau shou pükhübe kehu, Syria kükau ghüshimi ye o launo poka luvae.

YEKIKITHI AKINIU 20:15

Pa no pi, “Judah timi kümtsü, Jerusalem lo küami, eno Akükau Jehoshaphat, inilo: Ampeu no ishi piani, ‘Msa kevilo eno hi aqokitikhi kije jupe aghüthisü kevilo, kughengu aghüshi ye nonguw kumoe ikemu Alhouw ke.

YEKIKITHI AKINIU 20:17

Nongu ye hipa ghüshi shimo nani. Mtotoi puthugho lulo, eno nongu züqhushi Ampeu no xakulu tsükeu julo, O Judah ngo Jerusalem timi.’ Msa kevilo eno aghüthisü kevilo. Thoghiu panongu küpüghü nike wulo, eno Ampeu no nongu gholo anani.”

NEHEMIA 4:8

Panongu kümtsü ighi no Jerusalem lenike kughu eno kübangü keu süghi tsüniye kuchughu.

LESHELE 118:8

Timi shou pükhü akepu ye Ampeu ijeluve keu pavie.

ISAIAH 35:4

Amlo süsüshi akemi vilo pilo, “Akumto shilo eno msa kevilo! Julo, nongu Lhou no tsüchile kepu, amkhükulu pesü ighi nani. Pa no ighi no nongu xalu nani.”

JEREMIYA 42:11

Nongu no msa akeu Babylon kükau jupe ighü kevilo, Ampeu no sheshu, kughengu I no nongu gholo ani, eno pa u lono nongu xaphe luve nani.

DANIEL 10:19

Pa no pi, “O shishe kimiyekicheu timi, msa kevilo, aloino keu o lolo alo; akumto shilo eno amlo loghilo.” Eno pa no I pütsa akelo ni ye akumto shikithe luve no pi, “I mpeu no pijulo, kughengu nono I shikumtovae.”

ZEKHARIA 4:6

Ikehu pa no I vilo pi, “Hi ye Zerubbabel tsükeu Ampeu tsa ke: Akumto no kumo, momu aküka nomu kumoe, ikemu I Ghungu vecheo noe, ipi aqokitikhi Mpeu no pi.

ZEKHARIA 8:23

Aqokitikhi Mpeu no ishi piani: Tipa ghuloki lo shiye eno ashiaye kütüta lono timi chighi no Jewmi lakhi kuuphi tsüqü luve no pi nani, ‘Ni pelo o gholo wu pelo, kughengu Alhou ye o gholo anie pi nino chiluvae.’”

ZEKHARIA 8:9

Aqokitikhi Mpeu no piani: “Aqokitikhi Mpeu ki boqha ghoke tsala lo tungkupmi kichi lono atsa hipaqo pikeu chilu ighi kemi nongu kümtsü no achineki shiqhelu kepushi nongu u mtotoi luvelo.

Rommi 8:31

Tishi aye, hipa vehulo ningu ye kiu pini kea? Alhou no ni küdau aghi aye, khuu no ningu mjochile kulupu kea?

Ephesiami 6:10

Ashekhashi, Ampeu küka kumto lono mtotoi shilo.

ZAKINIU 20:1

“Nongu no aghü küpüghü wukelo, now khurshi ngo khurkulu eno ghüshimi nguno alau ithulu namu msa kevilo, kughengu Ampeu khuu Egypt lono nongu xaphelu keno nongu Lhou no nongu gholo anani.

ZAKINIU 31:23

Eno Ampeu no Nun nu Joshua süküsü shino pa vilo pi, “Akumto shilo eno amlo mtolo, kughengu nono Israelmi sasü I no tushoqhi keu yeghi lo ilo nani, eno I no o gholo anani.”

2 Tim. 2:1

Tishiaye, I nu, no ye Khristo Jisü gholo küpükini akeu vecheo mtotoi shilo,

1 John 4:4

Atianuliqo, nongu ye Alhou laumi eno kichile tungkupmi theqhi luvae, kughengu nongu lolo Khuu ani keno Pa no ayeghi lo akeu nguno akijeu ke.