YEKIKITHI AKINIU 32:25 - Sumi Naga CL (Re-edited) Bible (BSI)

²⁵ Ikemu pa lau shitsü ketoi pa ye Ampeu tsüchile move, kughengu pa mlo lo aqheküza iloghive. Tighenguno pa shou eno Judah ngo Jerusalem shou aloghu ighive.

BAIBEL (BSI)

²⁵ Ikemu Hezekiya ye AMPEU no pa ghenguno kiu shitsu keno tipaulo shikimthini kepulo aqhekuza ihulo keu shive, ike Juda ngo Jerusalem ye tipau ghenguno shishe aghime shive.

YEKIKITHI AKINIU 32:25 Iomraidhean Croise

SAMUEL AKINIU 24:1

Itaghi Israel shou Ampeu loghu ye iqü ipeghi, Pa no David xukutho no pi, “Wulo, Israel ngo Judah kihiju lo.”

KUKAMI AKINIU 14:10

No ye kuchou no Edom theqhivae eno tino o mlo mtolu ani. Ikemu o jekipi tino lukümkha shive no aki lo auve lo. Kushiye aküküpna xukutho no tino no eno Judah ghi o gholono ikiqi apeni kea?”

KUKAMI AKINIU 20:12

Tipa ghuloki lo Baladan nu Merodach-baladan, Babylon kükau no aghakhu züqhukishimi eno yesü gholo aküzü-agho pesü Hezekiah lau tsüpuwu, kughengu pa no Hezekiah ye süae pi chilue.

KUKAMI AKINIU 20:13

Hezekiah no panongu sasü pivi eno pa kini pekükütsü ki, ghükayi, ameshoyi axokütsüngü, akughupu thazü, pa ghünanu, eno thokha paw tinhemgha kiqhi kilo akeqo panongu piye. Pa kilo momu pa kükaqha lo Hezekiah no panongu piyemo keu kiumu kühave.

YEKIKITHI ATUGHIU 21:1

Tithiu Satan no Israelmi ghobide ithughive eno David pelo Israelmi kihiju peniye xukutho.

YEKIKITHI AKINIU 19:2

Ikemu Hanani nu tungkupu Jehu no akükau sasü kushoni ye ighi no pi, “No ye kixikilami kuphu eno Ampeu mithi chekemi kimiye masave keshea? Hi ghenguno Ampeu loghu o shou ighivae.

YEKIKITHI AKINIU 24:18

Panongu no pano puasü Lhou Ampeu chineki pheve no Asherah ngo ajulhoqo qeuve. Akipimi hipau ghenguno Judah ngo Jerusalem shou aloghu ikughive.

YEKIKITHI AKINIU 25:19

Nono piani, ‘Julo, I no Edom theqhivae,’ eno tino aqheküza shi o süqhe ani. Ikemu itehi ye aki lo ngove lo. Kushiye aküküpna xukutho no Judah ghi o gholono ikiqive apeni kea?”

YEKIKITHI AKINIU 26:16

Ikemu kughou pa no akumto shive keno, pa ye qhezauve no pa kuluqhive. Pa ye pa Lhou Ampeu lau amikucho shimove eno Ampeu chineki lo tsüngqüi keu kiptia lo piti nike ilove.

YEKIKITHI AKINIU 32:31

Ikehu kughou Babylon yepemi lachemi no Hezekiah vilo aghakhu lo amchipu vehu ighiju niye ighi keno, Alhou no Hezekiah peju no pa mlo lo kiu ani keno kümtsü ithi niye pakutoshi qhive.

ISAIAH 39:1

Tipa ghuloki lo, Babylon kükau, Baladan nu Merodach-Baladan, no Hezekiah ye süano viluve kepi chilu kehu züqhukishimi u lono yesü ngo agho pesü tsüpuwu.

ISAIAH 39:2

Hezekiah no amloqi qhiyi panongu sasü, eno pa küakini kilo ghükayi, ameshoyi, tsüngqüikeu mukhu, akughupu thazü, eno aghü nanu, tile akeqo kümtsü piyeve. Pa kilo eno aghakhu lo akeu thaqhü pa no piyemo keu kiumu kühave.

EZEKEL 28:17

O jukivi ghenguno no ye qhezave; o jekipi ghenguno nono o lokütsü shipüsave. I no ayeghi lo o peve; kükami shipiye no o ju peniye shike.

EZEKEL 28:2

“Timi nu, Tyre kükapuu vilo pilo, Ampeu Alhou no ishi piani: “O mlo ye aqheküza eno nono pike, ‘Ni ye alhou, ni ye alhouqo lakhü lo eno azüghi mta lo iqa acheni,’ ikemu nono alhou toi kümsü anamu no ye timi thono alhou kumoe,

EZEKEL 28:5

ow lhidikishi lo o lokütsü vecheo nono o küakini kughuko luno o küakini shou qheza ke,

EZEKEL 31:10

“Tighenguno Ampeu Alhou no ishi piani: Tino qhemghai thuiku khüngküsü tove no chuqumghaive keu lono qhezave kehu

DANIEL 11:12

Kughou aqokitikhi sawuve keno, pa mlo ye qhezave nani, eno pa no qhethonhe chighi shou ghiqhive nani ikemu tokulu shimo nani.

DANIEL 5:20

Ikemu kughou pa mlo no qhemghaive eno pa ghungu no mkave no aqheküza shive keno, pa ye pa kükalakhü lono sünheqhive eno pa juküvü ye pa launo ikhiluve.

DANIEL 5:23

ikemu kungugha lo Ampeu shou no ampi süqheke. Eno Pa kilo abohuqo o zülo süghipe eno no ngo o qholo ampemi, o nipuqo eno o nipu amishiuqo no tipaqo lono aji shomzüe. Nono ghükayi, ameshoyi, alazayi, ayi, asü-atu lhou, khunoqo ithulu chemo, chilu chemo, momu ithi chemo keno panoqo sheqheke, ikemu Alhou khuu u lo o tuthu ani, eno khuu no o laghi keno, nono gihu movae.

HOSIYA 14:2

Atsa pesü Ampeu lau idewo eno Pa vilo pilo, “Axine kümtsü ikhive tsülo; kiu no alo keno ikhilu tsülo, eno ni kichi lono tushoqhi ketoi nino amshitsü pesü tsüni.

HABAKUK 2:4

“Julo, pa ngulho ye aqheküzae; pa ye akümzümi kumoe, ikemu achipiu-mikuchomi ye aküpülü lono xü nanie.

2 Kor. 12:7

Ike akümzapu piyeküsü I lau ighikeu pesü I no qhezauve nosa kehu I phimpi lo asahu qhusü tsüe, ti ye Satan ghinimi lakhishi I heqhi peniye, tishianguno I pelo qhezape moniye ke.

ZAKINIU 32:6

Nongu mbomzü eno akükümsü küha keqo, hitoi Ampeu lochileni keshea? Pa ye nongu Papu, Pulhoküsüu, nongu iqhikumto tsüke kumo?

ZAKINIU 8:17

Ikehu nongu mlo lono, ‘I küka kumto lono küakini hipau ithulue,’ ipilu nosake tsükhüi lo.

1 Tim. 3:6

Pa ye anileshi Khristo chineye lukemi shimoni, tikumo aye pa ye aqheküza lono kumobeive no tüghami gholo küghaküthapu lo ikiqive nani.