YEKIKITHI AKINIU 31:10 - Sumi Naga CL (Re-edited) Bible (BSI)

¹⁰ Zadok limi achinetou Azariah no pa vilo pi, “Timiqo no Ampeu kilo agho süghi thuke ningu ye chu ani eno lukümkha shino achili ghi shive ani, kughengu Ampeu no Paw timiqo kümgha tsü kehu ningu ye hijeje achili ipeghi ani.”

BAIBEL (BSI)

¹⁰ ikelo Achinetou Azaria, Zadok polo kughukomi lakhi no pa vilo ishi pi, “Timiqono Achineki lo panoqo gho sughi keu huthuve ake ghenguno chukumkha ithulu ani eno achili ghi kutomo shilu ani. Ninguye hipaqo kumtsu alupekeu ye AMPEU no pawu timiqo kumghatsu keu ghenguno ke.”

YEKIKITHI AKINIU 31:10 Iomraidhean Croise

BOTHUBO 26:12

Isaac no tipa yeghi lo apiti qüsü eno tipa mpe lo ghile ghuthu aqhe no küghüsü ithulu. Ampeu no pa kümghatsüe,

BOTHUBO 39:23

Joseph no ghatou shikeu vehu lo akughu kheu ye kiumu alomsü moe, kughengu Ampeu no pa gholo ake. Eno pa no kiu shi keno kümtsü lo Ampeu no tokulu shilupe ke.

BOTHUBO 39:5

Pa no pa pelo pa kibo eno pa no pighi akeu kümtsü shou jukükütsüu shivepe ke ghuloki lono, Ampeu no Joseph ghenguno Egyptmi kibo hu kümghatsü; Ampeuw kükümgha ye aki lo, aluza lo, eno pa no mla keu kümtsü lo ae.

KUKAMI ATUGHIU 2:35

Tishino akükau no Benaiah pesü Joab theli lo ghüshimi zatsüu shive eno Zadok pesü Abiathar theli lo achineu shive.

YEKIKITHI ATUGHIU 29:16

O Ampeu, ni Lhou, ningu no O kimthe je ghenguno O sala aki shitsü nike hi kümtsü kupukuno shi ikhiphepe tsü akeu ye O u ghü lono ighikeu eno kümtsü Ow ke.

YEKIKITHI ATUGHIU 6:14

Azariah nu Seraiah, Seraiah nu Jehozadak;

YEKIKITHI ATUGHIU 6:8

Ahitub nu Zadok, Zadok nu Ahimaaz,

YEKIKITHI ATUGHIU 6:9

Ahimaaz nu Azariah, Azariah nu Johanan,

YEKIKITHI AKINIU 26:17

Ikemu achineu Azariah eno pa gholo Ampeu chinemi akumtomi lhotache no akükau pape ilo,

YEKIKITHI AKINIU 31:13

Akükau Hezekiah ngo Ampeu kilo atou Azariah pama no timi hipaqo pelo Conaniah ngo pa thiküzüu Shimei kukuphumi shi penike süsüve, Jehiel, Azaziah, Nahath, Asahel, Jerimoth, Jozabad, Eliel, Ismakhiah, Mahath, eno Benaiah.

YEKIKITHI AKINIU 31:9

Hezekiah no agho tipaqo ghenguno achinemi ngo Levimi pütsae.

IPEKULU 36:7

kughengu tinhemgha panongu no akeqo ye akümla kümtsü shiqhilu kepu ae, eno ala ghi ake.

AHOLE 10:22

AMPEUw kükümgha no kinikülü tsü cheni; eno Pa ye tipau lo amlo ghime küphatsü chemoe.

AHOLE 11:24

Khami ye kümsano tsüve namu alau kinimi shi, khamiu ye tsükepu shi akeu süchileve keghi aqüagha shi cheni.

AHOLE 3:10

tishiaye pofushi o biale pichhitsü nani eno o tsaizü tughuko no yeli-qole nani.

AHOLE 3:9

O küakini eno o u ghülo pekighi amsüu pesü Ampeu gihulo;

EZEKEL 44:15

“Ikemu Zadok laghami, Levimi achinemi, khunoqo Israelmi no I launo lavela lo wuve kelo I kimtheki lo aghini shiche keno, panongu no I huthuni ke I kupunu ighi nani. Eno panongu no atha eno aji pesü I mllani ke I zülo puthugho nani ipi Ampeu Alhou no asheshu.

EZEKEL 44:30

Axathi amsüu jeli kümtsü eno akümllagho jeli kümtsü achinemi sala shini. Nongu no asho kunu keu atüghüu pesü achinemi tsülo, tishianguno nongu kibo lo kükümgha apenie.

ACHINE 25:21

I no ampe akütsüghou lono Iw kükümgha nongu shou ighi penike azah tsüno ayeghi no ampe küthü kutolo achuqupu lukümkha shipe nani.

HAGAYI 2:18

Ishi tsala, muku abidiu aqhi atokuu, hipau lono huthusü chhejulo. Ampeu Chineki boqha ghoke tsala lono chhejulo:

MALAKI 3:10

Chighi saje kümtsü Iw pekükütsüki lo süghilo, tishianguno I ki lo achuqupu apenie. Tithiuno I no nongu ghenguno atsütsü lashe khaqhi tsüno nongu no lukümkha shimoke kutolo kükümgha lepiqi tsü nani mala I pejulo, aqokitikhi Mpeu no pi.

AKIKIHI 22:12

Alhou no Balaam vilo pi, “Timi hipaqo gholo wu kevilo eno no ye timi hupaqo müsüini kevilo kughengu panongu ye kükümgha timiqo ke.”

MATTHEW 15:37

Panongu kümtsü no aghapiqi chuluve. Eno munomugho chukha kumo akhopemi no ashoghi tsüni kiche kütsülu.

ZAKINIU 28:8

Ampeu no nongu biale kümghatsü eno no kümla küghütha kümtsü kümghatsü nani. Pa no nongu tsü akeu yeghi lo nongu kümghatsü nani.

FILIPIAMI 4:18

Nongu no I tsüpuwu keu eno tinguno alau ghi ithuluvae. Nongu no Epaphroditus launo agho tsüpuwu keu ithulu ke ni ye lukümkha shivae, ti ye axokütsüngü kümllagho, Alhou lau ikhikulupu eno Pa pulou ghakishi ke.

1 Tim. 4:8

Aphimpi qokiphe lo ame hami acheni aye, Alhou lau amlo tsükeu ye ala kümtsü ame ani, kughengu tino hipa yeghi lo küxü eno ighini keu küxü ghengu ghi piqhi püatsü anie.