YEKIKITHI AKINIU 30:8 - Sumi Naga CL (Re-edited) Bible (BSI)

⁸ Itehi no puasüqo toi kuthovi kevilo, ikemu nongu pesü Ampeu tsüve lo eno Pa kimthe khache, khikhi Pa no alholo ghenguno shikimtheve akeno, tile ighi lo eno Ampeu nongu Lhou huthu lo, tishianguno nongu launo Pa loghu tsüghüve nani.

BAIBEL (BSI)

⁸ Panoqo toi nonguye kuthovi akevilo ikemu AMPEU gholulo. Jerusalem lo Achineki khipau AMPEU nongu Lhou no alhokupuju ghenguno akimthe shive tsu keno tilehi ighilo eno pa mllalo tishianguno paye nongu lau aloghu ide kithe pemo nike.

YEKIKITHI AKINIU 30:8 Iomraidhean Croise

KUKAMI AKINIU 23:26

Tishimu Ampeu no pa loghu khikhi Judah shou puku keno, tipau lono ideighi moe, kughengu Manasseh no ala thokha lono Pa xukutho ke.

YEKIKITHI ATUGHIU 29:24

Sakiphemi, ghüshitomi, eno akükau David nuli kümtsü no akükau Solomon gholo kutuponi keu shi puloluve.

YEKIKITHI AKINIU 28:11

Ikehu itehi I tsa inilo, no bolomi akughumi gholono kügha saghi akeqo kighide puwove lo, kughengu Ampeu loghu ye nongu shou ikughivae.”

YEKIKITHI AKINIU 28:13

Panongu no pi, “Nongu ye akughumi hilau saghi kevilo, kughengu ningu xine kipimi itehi akeu shou nongu ye itaghi Ampeu lau akipimi alau saghi niye ani. Ningu kipimi ye ighono kije shivae, eno Israel shou aloghu kije ani.”

YEKIKITHI AKINIU 29:10

Itehi Ampeu, Israel Lhou sasü puloshoqhi shinike I no xatha luvae, tishianguno Pa xukighide ningu launo tave peni.

YEKIKITHI AKINIU 36:13

Pa no akükau Nebuchadnezzar khuu no pa pelo Alhou je lono ashoqhi shipe keno, pa ghi hebide ke. Pa ye ighono kuthovi auve eno Ampeu Israel Lhou lau pa mlo tsümove.

YEKIKITHI AKINIU 6:5

‘I no Egypt lono Iw timiqo saipeghi ke tsala lono, Israel yeghi lo I je ghenguno aki shiqhe nike aphughi lakhimu kishemoe, eno timi khumu Iw Israelmi yepeu shi penike kishemoe;

YEKIKITHI AKINIU 6:6

ikemu I je apeni kehu I no Jerusalem kishelu eno David pelo Iw timi Israelmi shou ayepe penike kishelue.’

YEKIKITHI AKINIU 7:16

Kughengu itehi aki hipau ye I no kishekimthepe qhivae, tishianguno alholo I je tile ache peni. Ado kümtsü lo I nhethi eno I mlo ye tile ache nani.

EZRA 10:14

Niw hiyampemi no aqo kümtsü züqhu shivetsü pelo. Ni Lhou xukighide no ningu launo tsüghüve moke kutolo niw mishighünaqo lo inaghalimi sasü külave aghi keqo no kihikütha dolono ighilo, eno aphughi lo layemi ngo xaküthami no panoqo sasü ighilo.”

EZRA 10:19

Panongu no pano nipuqo pheveni pi tushoqhi eno pimive ke ghenguno akipimi kümllagho shi anetsü pesü mlla.

LESHELE 63:2

Ikehu ni ye akimthe kilo O küka eno ajuküvü phuighi ke.

LESHELE 68:24

O Alhou, Nono shekujo chekeu ithuluvae, I Lhou, I kükau no shekujo ala chesü akimthe-a lo ilovae—

LESHELE 68:31

Egypt lono aküxü kivimi ighi nani; Cush no akimighi shi Alhou lau li u süqhe nani.

LESHELE 73:17

tileno I no Alhou kimthe-a lo iloju kelo; pano shekuho ye kiu toive nani keno I no kimchilue.

LESHELE 78:49

Pa no amlo kighide, aloghu, axukighide, eno aghime küsa pesü kütsakungo chekeu kungumi launo puwue.

IPEKULU 32:9

Eno Ampeu no Moses vilo pi, “I no timi hipaqo ithuluvae, julo, panongu ye kuthovi kemie.

JEREMIYA 50:15

Li sümxape aghüle kulo; Babylon ye qhoi liqhivae; li qoghekiqo ye ikiqivae; liw aliwoqo ye hepholevae. Kughengu hi ye AMPEUw amkhükulue: li shou amkhü lulo, li no shike toi li peitha lo.

MATTHEW 4:10

Tileno Jisü no pa vilo pi, “Chevelo, Satan! Kughengu ishi yepüani, ‘No ye Ampeu o Lhou mlla lo eno pa likhi huthu lo.’”

John 12:26

Khuu no I qeni keno pa ye I pape masae; I no khile ani keno I qemi ghi tile anani. Khuu no I qeni keno I pu no pa gihu nani.”

Rommi 10:21

Ikemu Israel vehulo Alhou no pi, “Atsala kupuju Ni ye aghokulu kumomi ngo hekibidemi lau I u sükhope khe ighivae.”

Rommi 6:22

Ikemu itehi nongu ye axine lono kuqhophe pe Alhou qüaxemi shive akehu nongu küxü ikhiphe pe akimthepu lo tsülu keu huno nongu la ke, eno tipau shekuho ye lhokta küxü.

ZAKINIU 10:16

Tighenguno nongu mlo shikimthe lo, eno hinguno hilau ye kuthovi kevilo.

ZAKINIU 6:13

Ampeu nongu Lhou sümsa lo, Pa likhi huthu lo eno Pa je lo likhino tushoqhi lo.

ZAKINIU 6:17

Nongu ye amlo tsüqhiyi Ampeu nongu Lhou zakütsü, Pa shepe eno akhuayeqo pelulo.

JOSHUA 24:15

Ampeu qekeu no o ghenguno axine shive aghi aye, nono khuu qeni keno ishi tsala lono kishelu lo, nongu puasüqo no Aghoki kukuu qe chekeu lhouqo qeni keo, Amorimi khuno yeghi lo itehi nongu no küghüna ani keno pano lhouqo qeni kea? Ikemu ni eno I kibo ye Ampeu qeni.”

Piyeküsü 7:15

“Ikehu panongu ye Alhou kükalakhü zülo ngono putho pucho Pa chineki lono Pa huthu acheni; eno Khuu kükalakhü lo iqa ani keno Pa ampi no panoqo süsho nani.