YEKIKITHI AKINIU 30:18 - Sumi Naga CL (Re-edited) Bible (BSI)

¹⁸ Kughengu timi aghiu, akhoto no Ephraim, Manasseh, Issachar, eno Zebulun laghami kutomo no mithemo no ighi, ikeghi akhuaye veche ghi Hechekulu ghulhu chuve. Ikemu Hezekiah no panongu ghenguno inikhu tsü, “Ampeu akiviu no kümtsü kipimi qhitsü peni,

BAIBEL (BSI)

¹⁸ Tinguno alau no Efraim, Manase, Isakhar eno Zebulun lagha lono ighikemi kutomono shikimtheve keu chine chinimono ake tighenguno panonguye kithikiyimono Hechekulu ikhilu ake. Akukau Hezekiya no panoqo ghenguno akighini hipau shitsu:

YEKIKITHI AKINIU 30:18 Iomraidhean Croise

BOTHUBO 20:17

Tishino Abraham no Alhou lau inikhu, eno Alhou no Abimelek eno pa nipu ngo totimi aqemi ghi shipivi tsüe, tishikeu lono panongu ghi atianuli punulue.

BOTHUBO 20:7

Ikehu itehi, timi nipu hu tsüchileve lo, kughengu pa ye tungkupu ke pa no o ghenguno inikhu tsü nani, eno no ye xülu nanie. Ikemu tsala nono li tsüchile moaye, no eno o gholo akeqo kümtsü mtsüqheino thive nanie pi ithilo.”

KUKAMI AKINIU 5:18

Avehu hipau ghenguno Ampeu no o qeu kipimi qhitsü peni: kughou I mpeu no Rimmon chineki lo mllani ye iloni keno, pa no I bighi lo mungu no ni ghi ayeghi lo itsaqi masave kelo, hipau vehu lo Ampeu pelo o qeu kipimi qhitsü pelo.”

YEKIKITHI AKINIU 30:11

Tishimu Asher ngo Manasseh eno Zebulun laghami khami ye kuchunive no Jerusalem lo ighi.

YEKIKITHI AKINIU 30:25

Judah lo kumqo kemi kümtsü, achinemi ngo Levimi, Israel lono ighi kemi kümtsü, inaghami Israel lono ipeghi kemi, eno inaghami Judah lo xüakemi kümtsü no alokivi shike.

YEKIKITHI AKINIU 34:9

Panongu no achinetou Hilkiah lau ighi no Ampeu ki kulaghi lo abohu khemi Levimi no Manasseh ngo Ephraim eno Israelmi ghükulumi, ti ye Judah, Benjamin, eno Jerusalem lo akemi launo qhakütsülu keu pisa pesü pa tsüve.

YEKIKITHI AKINIU 6:21

Kughou o qeu ngo ow timiqo no akümllaki küdau juno inikhuni keno, panongu kighini chilu tsülo. Kungugha lo O kungo-a lono initsü lo eno kughou Nono chiluni keno ni kipimi qhitsülo.

LESHELE 119:68

No ye aloe eno akivi shicheni; O zakütsüqo I shika tsülo.

LESHELE 25:8

Ampeu ye akivi eno achipiu; tighenguno Pa no axinemi lau Pa laghi kütsüshika cheni.

LESHELE 36:5

O Ampeu, Ow iqemokeu kikimiye ye kungugha kutolo, O pükhükulu ye atsütsü kuto ikuto ani.

LESHELE 86:5

O Ampeu, No ye aloe eno akipimi qhitsü cheni, O ku chekemi kümtsü lau iqemokeu kikimiye piye cheni.

DANIEL 9:19

O Ampeu, inilo; O Ampeu, akipimi qhitsülo. O Ampeu, amlo tsüqhiyi shino mla tsülo. O je ghenguno munu kevilo, O I Lhou, kughengu Ow mishighüna eno Ow timiqo ye O je ku achenie.”

ACHINE 10:20

Moses no ti chilu no pa mloqive.

AKIKIHI 19:20

“Tsala mithekumou no pa ampi qhukimthe mo aye, pa ye Ampeu kungo phiki shikitiqe ani kehu Israelmi gholono hapheveni. Qhukimthe kepu zü huno pa shou lepuku mphi kehu pa ye mithelu mphi ke.

AKIKIHI 9:7

pi, “Ningu no akithi kumo buluke lono mithe move aghi namu kushiye azah shipüakeu tsala lo ni pelo kütami gholono Ampeu lau akümllagho tsüpemo kea?”

1 Kor. 11:28

Ikehu milakhi khino chheju no tithiuno asho chu eno ajukhu ikhilu lo.

1 John 5:16

Khuana no pa thiküzümi lakhino akithipu kumo xine shi aghi keu ithulu aye, Alhou lau khulo, eno Alhou no aküxü pesü akithipu kumo xine shive kemi tsü nani. Akithipu lo sailove chekeu xine ghi ani; tipau ghenguno inikhu kepue pi ni ye piamoe.