YEKIKITHI AKINIU 29:6 - Sumi Naga CL (Re-edited) Bible (BSI)

⁶ Kughengu ningu puasüqo ye pükhükulupu shimove eno Ampeu ni Lhou zülo kiu no axine keno shive. Panongu no Pa qhive eno Ampeu kungoa lono pano gi tsüghüsü wuve no azübo kugho puwo tsüe.

BAIBEL (BSI)

⁶ Ningu puasu ye AMPEU ningu Lhou lau pukhukulu shimove ke eno pa mlo qimo kepu kiu keno tipau shiuve ke. Panonguno pa qhive eno pano khilehi ngo cheni keno ti kudau azupo kugho puwove ke.

YEKIKITHI AKINIU 29:6 Iomraidhean Croise

YEKIKITHI AKINIU 34:21

“Wulo, eno kaku hipau lo yepüa keu kiqi lono I ghenguno eno Israel ngo Judah lo akeqo ghenguno Ampeu pütsa julo. Ampeu ye ningu lau shishe aloghu ide ani, kughengu ni puasüqo no kaku hipau lo shilo pikeu pape move ke.”

EZRA 5:12

Ikemu ningu puasüqo no kungugha Lhou mlo shikighide tsüke ghenguno Pa no panoqo pesü Babylon kükau Nebuchadnezzar, Chaldeami u lo süvetsü. Pa no aki hipau kütsave no timiqo küghape Babylon lo wuve.

EZRA 9:7

Ni puasüqo ghuloki lono ishi tsala kutolo ningu ye akipimi kije shi ighivae. Ni xine ghenguno ningu, niw kükami eno ni chinemi ye aghakhu lo kükamiqo u lo ilovae, azütakikihi lono ikiqivae, akughu lo wuvae, pükaqhivae, eno ishi tsala lo toi akukujo kitikhi lo ilovae.

NEHEMIA 1:6

O qeu no akighini shi akeu chilutsü penike, O kini kughope tsaqüi inilo eno o nhethi tsükhope ngo tsülo, kughengu I no O lau putho pucho O qemi Israelmi ghenguno inikhu ani. Eno I no piphe anike ningu Israelmi no pimivae eno O zülo axine shivae. Ni ampi eno I puasüqo ghi axine shivae.

NEHEMIA 9:16

“Ikemu panongu eno ni puasüqo no akuchhoma shi pano kütsü kughove eno O zakütsüqo pape move.

NEHEMIA 9:32

“Tighenguno itehi, ni Lhou, akijeu, akumtou, eno akichiqhipu Lhou, puloshoqhi eno iqemokeu kikimiye pekupu chekeu, Assyria kükami ghuloki lono ishi kutolo aghime ni shou ikughi keu eno niw kükami, sakiphemi, achinemi, tungkupmi, apuasü, eno timi kümtsü shou ikughi keu jukuloti tsü kevilo.

NEHEMIA 9:34

Niw kükami, sakiphemi, achinemi, eno apuasüqo no O yezah papemo, O zakütsü lo amlo tsümo, eno ghutu keu tsa ini tsümoe.

JEREMIYA 16:19

O Ampeu, I kumto eno I liwo, I veküsa tsala lo I kicheqho, ayeghi shekhau no shiyeqo no O lau ighi no pi nani: “Ni puasüqo ye akimki, ala küha keu ameküküha thimeqo kumo aye kiumu ighilu moe.

JEREMIYA 2:13

kughengu Iw timiqo ye axine kini shivae: panongu ye Ni aküxü züpuki phevae, eno pano sala azü tughuko, azü mighemla keu akughupo zütughuko mlake.

JEREMIYA 2:17

Pa no alaghi lo o sawu kelo nono Ampeu o Lhou pheve keu lono hipaqo o shou süghi anike kumo keshea?

JEREMIYA 2:27

Nongu no asübo vilo, ‘No ye I pu,’ eno atu vilo, ‘Nono I punu ke,’ ipi cheni. Kughengu panongu no agi I piye mono kughope azübo I tsüke, Ikemu pano veküsa loye, ‘Ithughi no ni xalulo!’ ipike.

JEREMIYA 26:19

Judah kükau Hezekiah eno timiqo ye pa pithive keshea? Pa ye Ampeu sümsa eno Ampeu pulou qhüiniju ke, Ampeu ye amhekiqi panongu shou pi püakeu süchileve ke kumo? Ikemu ninguu ye ni shou ahaküsapu kije süghini cheni.”

JEREMIYA 44:21

“Judah ngo Jerusalem laghila lo nongu eno no puasüqo, now kükami ngo hiyampemi, eno aghakhu lo timiqo no akümllagho tsükeqo Ampeu ye kümsülu tsüke kumo? Ti ye Pa kükümsü lo ighi move keshea?

AKUMLO 5:7

Ni puasüqo no axine shive, panongu ye kühavae; nino pano kipimi xapu anie.

EZEKEL 18:14

“Tsala timi hipau no anu lakhi, khuu no papu no axine shikeu kümtsü ithuluve akeno; pa no ithulu kemu titoi shimo aye:

EZEKEL 8:16

Pa no Ampeu kilo achebo alou I sailo. Eno julo, Ampeu chineki kulaghi lo akisheqho ngo akümlla-khache küma dolo timi pano muku pungu-a toike aghi, ti ye Ampeu chineki ye panongu zübou shive eno panoqo gi no kipela küdau shive no kipelau khetsünhe mlla aghi.

DANIEL 9:16

“O Ampeu, O mikucho kümla kiqi lono Jerusalem, Ow mishighüna, O kimthe toghi lono O mlokighide eno O loghu tsüghüve tsülo, ni xine eno ni puasüqo kipimi ghenguno Jerusalem eno Ow timiqo ye ningu sühope akemiqo kümtsü zülo küthakügha shivae.

MATTHEW 10:37

Khukhumu apu momu aza kimiye akeu nguno alau I kimiyemo keu ye I laumi shiküzüpu kumoe, eno khukhumu apuanga kimiye akeu nguno alau I kimiyemo keu ye I laumi shiküzüpu kumoe.