YEKIKITHI AKINIU 28:9 - Sumi Naga CL (Re-edited) Bible (BSI)

⁹ Ikemu Ampeuw tungkupmi lakhi Oded ipikeu no Samaria lo Israel ghüshimi idewo chekeqo vilo pi, “Julo, Ampeu nongu puasü Lhou no Judah lau amlo ideve no nongu pelo panoqo leluvepe, ikemu nongu no axukighide lono panongu ghiqhive keu no iku atsütsü tovae.

BAIBEL (BSI)

⁹ Timi lakhi Oded ipikeu, AMPEU wu tungkupumi ye Samaria phughilo ache. Israil ghushimi ide woche kelo Judami akughumi sasu aphughi lo ilo chekelo pano tipaqo sasu kusholu eno pano pi, “AMPEU nongu puasu Lhou ye Juda lau amlo ideveke eno nongu pelo panoqo leluvepe ke ikemu itehiye nonguno kusakugha shi panoqo ghiqhi keu pano chiluvae.

YEKIKITHI AKINIU 28:9 Iomraidhean Croise

BOTHUBO 11:4

Tithiu panongu no pi, “Ighilo, ningu ampi no mishighüna eno qogheki lakhi, tipa kütsüqa no atsütsü ikuto mlani nolo, eno ni likhi ni juaje shini nolo, tikumo aye ningu ye ayeghi lono apanaghave nosae.”

BOTHUBO 4:10

Ampeu no pi, “No ye kiu shive akea? O thiküzüu ji ghügha huno ayeghi lono I lau igha ikughi anie.

KUKAMI ATUGHIU 20:13

Tile tungkupu lakhi no Ahab lau ighi no pi, “Ampeu no ishi piani, No ye ghüshimi aqokitikhi ithulu anima? Julo, ishi tsala lono I no hipaqo o u lo sütsüni, tishianguno o pelo Ni ye Ampeu kepi ithi penie.”

KUKAMI ATUGHIU 20:22

Tithiu tungkupu huno Israel kükau lau ighi no pi, “Ighilo, o shikumto lulo, eno nono kiu shimasa keno tsaqüi kughu lo, kughengu woche keu tsülü tusho lo Syria kükau ye o lenike ighi nani.”

KUKAMI ATUGHIU 20:42

Pa no akükau vilo pi, “Ampeu no ishi piani, ‘I no pithive penike o u lo sütsü keu nono phe puwuve kehu o küxü no pa küxü züqhu shini eno ow timi no paw timi züqhu shiniae.’”

YEKIKITHI ATUGHIU 21:13

Tile David no Gad vilo pi, “Ni ye shishe avesavae. Ikemu ni ye timi u lo kumono Ampeu u lomu ikiqi iloni, kughengu Paw kimiyekini ye ighono kije ke.”

YEKIKITHI AKINIU 28:5

Tighenguno Ampeu no Ahaz pesü Syria kükau u lo süvetsü eno Syria kükau no pa leluve no timi kutomo küghape Damascus lo wuve. Pa ye Israel kükau u lo ilove eno Israel kükau no akumto shi pa theqhive.

EZRA 9:6

ishi pi: “O I Lhou, O lau I gi peqheni ke ni ye kujo ighü ani kughengu ni xine no ningu kütsü nguno qhemghai ikughivae I Lhou, eno ni kipimi no atsütsü tohi ikuvae.

LESHELE 69:26

Kughengu panongu ye Nono ghüza püakeu pishipuju ke, eno Nono ghüza püa keqo ghime ghili kügha acheni.

ISAIAH 47:6

Ni ye Iw timi shou amloideve; I no I mheghi shikitiqeve ke; I no panoqo pesü o u lo süvetsüe, nono pano kipimi qhitsü moe; nono kitemi mghachhoi peithae.

JONAH 1:2

“Ithulo, mishighüna kije Nineveh lo wulo, eno tipau lakichile tsa pilo, kughengu pano küsakügha no iku I tovae.”

ZEKHARIA 1:15

Eno Ni ye ililai akeqo shiye jupe shishe amloide ani; Ni ye kitila likhi amloide akemu panongu no ihulo ghimeve ake.

Piyeküsü 18:5

kughengu li xine ye amoqhe keshi iku kungugha to ani, ikehu Alhou no li kipimi kümsüchilelu anie.

XAKUTHAMI 3:8

Tighenguno Ampeu no Israelmi lau axuideve no panoqo pesü Mesopotamia kükau Cushan-rishathaim u lo süvetsü. Tishino Israelmi ye ampe tache Cushan-rishathaim qeche.