YEKIKITHI AKINIU 25:5 - Sumi Naga CL (Re-edited) Bible (BSI)

⁵ Amaziah no Judah ngo Benjamin lo kiptimi kümtsü pütüta li kiqi lono ghüshimi mqo kuto, timi qhethonhe mqo, aqhe mqo zatsümi qhie. Pa no kiptimi ampe muku nguno kunguu kumqo kelo aghü shikulumi eno angu ngo azüto pekithimi lakh küthü hekütsü lu.

BAIBEL (BSI)

⁵ Akukau Amanzia no Juda ngo Benjamin laghalo kiptimi kumtsu ghakuto pesu pututa limi kiqi lono aghushimi muqo kutowo eno timi 1,000 mqo ngo 100 muqo shou ahza tsuni kemi atomi qhiwo ke. Tipaqo gholo kiptimi ampe muku nguno akichiu shive aghikemi kumtsu kumqo kelo timi 3,00,000 ae. Panonguye ghushimi kishekidelu kemi, aghu shikulumi, angu ngo azuto pekithimi ke.

YEKIKITHI AKINIU 25:5 Iomraidhean Croise

YEKIKITHI ATUGHIU 13:1

David no qhethonhe shou, aqhe shou zatsümi lakhikhi sasü küsütsa,

YEKIKITHI ATUGHIU 27:1

Israelmi kikihi, pütüta li eno alagha tomi, qhethonhe eno aqhe shou zatsümi, eno hiyampemi khunoqo no akümla kikije lo akükau kuphu ghi ampe lo aqhi atsütsü ighiju wuveju ache keno, hipau kiqi lono amqo kikije lakhikhi lo timi qhethonhe muku bidi aghi.

YEKIKITHI AKINIU 11:1

Kughou Rehoboam no Jerusalem lo ighi keno, pa no Judah ngo Benjamin lagha lo ghüshimi kishekiphe lakh lakhi qhethonhe lhotache kukütsü no Israel sasü aghü shino kükaqha süsho niye shi.

YEKIKITHI AKINIU 14:7

Pa no Judah lo akemi vilo pi, “Ningu mishighüna hipaqo shiqheni ighilo, eno tipaqo homxape aliwo ngo qogheki eno khagho ngo akhaduqo mlanie. Aghakhu hi ye niw aphi, kughengu nino Ampeu ni Lhou phu kelo Pa no ako kümtsü lono iqüghai keu ningu tsüe.” Ikehu panongu no shiqhe eno ikoishelu.

YEKIKITHI AKINIU 14:8

Asa ye Judah lono ghüshimi azüto kijeje kipemi ngo angu kipemi lakh küthü, eno Benjamin lono azüto kipemi ngo shexilika kipemi lakh kini qhethonhe lhotache ache. Hipaqo kümtsü aghütomi ke.

YEKIKITHI AKINIU 25:6

Pa no ghükayi ahu 3,400 tsüno Israel lono aghütomi lakh lakhi ghi piqe.

YEKIKITHI AKINIU 26:13

Panongu qholo ghüshimi lakh küthü qhethonhe tsüni no aqhe pungu no aküka kumto lono aghümi launo akükau kuphuni kemi ae.

IPEKULU 18:25

Moses no Israelmi dolono shitsami kishe eno panoqo pesü timiqo shou, qhethonhe shou, aqhe shou, lhopungu shou eno chighi shou atou shipe.

AKIKIHI 1:3

Apunu mpe muku nguno kunguu khunoqo aghüshi lo wulu nani keno, amqo amqoshi Aaron nokujo no yekütsüni.

SAMUEL ATUGHIU 8:12

Pa no qhethonhe zatsüu, lhopungu zatsüu, eno pa yeghi hokideni kemi, paw ghile kuhumi, pa ghüshi nanuqo mlani kemi, eno paw khurkuluqo ghenguno tinhemgha mlani kemi süsü nani.