YEKIKITHI AKINIU 24:25 - Sumi Naga CL (Re-edited) Bible (BSI)

²⁵ Kughou panongu no Joash ghüzave no idewove keno, pa qemi no pa no Jehoiada nu heqhive keu mkhü lutsüni ke küsüqeve, eno pa züa lono pithive.

BAIBEL (BSI)

²⁵ Ighono pa ghuzave eno kughou aghumino idewove keno pa qholo kijemi kinino pa pithivenike kuchughuve eno Jehoiada nu heqhive keu mukhu lutsuni ke ghenguno azualo ake lono pa yive. Paye David Phughilo qhove ikemu kukamiqo kumokilo qhomoe.

YEKIKITHI AKINIU 24:25 Iomraidhean Croise

KUKAMI ATUGHIU 15:27

Issachar laghami Ahijah nu Baasha no Nadab shou küsüqe. Eno Nadab no Israelmi kümtsü sasü Philistiami phughi Gibbethon le kelono Baasha no Nadab pithive.

YEKIKITHI AKINIU 21:16

Ampeu no Ethiopiami phivilo akemi Philistiami ngo Arabmi xukutho no Jehoram shou axuide ipeghipe.

YEKIKITHI AKINIU 22:6

Tileno pa ye Syria kükau Hazael sasü Ramah lono aghüshi kelono Syriami no pa ghüzave keu lono viluve niye Jezreel lo idewove. Eno Jehoram nu Ahaziah Judah kükau ghi chesü Jezreel lo Ahab nu Joram no izave kehu pütsa niye iqie.

YEKIKITHI AKINIU 22:9

Pa no Ahaziah phuwu no Samaria lo itshü aghi kelono küghaluve. Panongu no pa sasü Jehu lau ighi no pithive. Panongu no pa shiqhove, kughengu panongu no pi, “Pa ye amlo kuchopu no Ampeu phu chekeu Jehoshaphat tilimi ke.” Eno Ahaziah kibo lo lakhimu kükaqha lo ayepeni keu kühave.

YEKIKITHI AKINIU 24:16

Panongu no David phughi lo kükami kumoki lo pa qhove, kughengu pa no Israelmi lau, Alhou lau, eno achineki ghenguno akümla kivi mlake.

YEKIKITHI AKINIU 24:26

Pa shou küsüqe keu ye Ammonmi Shimeah nu Zabad ngo Moabmi Shimrith nu Jehozabad.

YEKIKITHI AKINIU 25:27

Pa no Ampeu launo tsüghüve kelono panongu no pa pithive niye Jerusalem lono küsüqe thuve, eno pa ye Lachish lo pove. Ikemu panongu no timi puwu no tilau no heqhive.

YEKIKITHI AKINIU 25:3

Pa no tsaqütsalei aküka peluve kemtsa, pa qemi khunoqo no papu akükau pithive keno pa no pithive.

YEKIKITHI AKINIU 28:27

Ahaz ye pa puasüqo gholo zühuve eno panongu no Jerusalem lo pa shiqhove, eno pa nu Hezekiah no pa thisü luve.

LESHELE 10:14

Ikemu No ye ithulu ani, aveküsa eno aghime Nono kihi ani, tishikeu lono Nono O u lono ikhilu niye ke; akukuphu küha kemi no O lau pa ampi kulhuqhi tsü; Nono mighimi kukuphuu shi ighivae.

Piyeküsü 16:6

Kughengu panoqo no küpülümi ngo tungkupmi ji peleve tsü kehu Nono panoqo pijeni ke aji pesü tsüvae. Ti ye panongu no ithulu küzüpu huke!”