YEKIKITHI AKINIU 24:22 - Sumi Naga CL (Re-edited) Bible (BSI)

²² Hitoi akükau Joash no Zechariah papu Jehoiada no pa lau kikimiye piye keu kümsülu move no Jehoiada nu heqhive. Zechariah no thiuche kelono pi, “Ampeu no ithulu no amkhülu tsü peniu!”

BAIBEL (BSI)

²² Akukau ye Zekharia papu Jehoiada no aghokulushi pa qeche keu kumsumave eno pano Zekharia pithive peke. Zekharia no thihu chekelo pano igha ishi pi, “Nonguno kiu shi ani keno AMPEU no jutsu peni eno nongu ghimeqhi peni!”

YEKIKITHI AKINIU 24:22 Iomraidhean Croise

BOTHUBO 42:22

Tile Reuben no panoqo khochile, “Apu shou axine shikelo pi I no nongu vilo pike kumo? Ikemu nongu no I tsa initsü moke. Ikehu itehi ye pa ji no ningu shou ikughi anie.”

BOTHUBO 9:5

Eno nongu küxü ji luve tsükeu ye I no kihikülai keu avehupu shi nani: tüghashi eno timi kümtsü launo I no kihikülai keu avehupu shi nani. Timi küxü ghenguno I no pa küsau launo kihikülai keu avehupu shi nani.

LESHELE 10:14

Ikemu No ye ithulu ani, aveküsa eno aghime Nono kihi ani, tishikeu lono Nono O u lono ikhilu niye ke; akukuphu küha kemi no O lau pa ampi kulhuqhi tsü; Nono mighimi kukuphuu shi ighivae.

LESHELE 109:4

Iw kikimiye züqhulo panongu no I nguku ani, ikemu ni ye panongu ghenguno inikhu ani.

LESHELE 9:13

I küpüqhiyi tsülo, O Ampeu! O, No khuu akithi khagho lono I sünhelu cheni keno, I mithi kemi launo I ghime kitikhi ithulu tsülo,

AHOLE 17:13

Khuana no alhoksa pesü akivi lochile aghi aye alhoksa ye khilemu pa ki lono ipemae.

JEREMIYA 11:20

Ikemu, aqokitikhi MPEU, amikucho xaküthau, amlo eno akükümsü peju chekeu, panongu shou O mkhükulu I pelo ithulu pelo, kughengu ni ye O lau I vehu kulhuqhivae.

JEREMIYA 51:56

kughengu ghikiqhiu ye Babylon shou ikughivae; li ghüshimiqo ye leluvae, pano süzüqo hechhe pinyivae, kughengu Ampeu ye lochile chekeu Lhoue, Pa ye mtsüqheino lochile nani.

Luke 11:51

Abel ji lono wo tungkupu, khuu akiptia ngo achineki khala alou dolono pithive keno, Zechariah kutolo. Iyei, I no nongu vilo piani, hipa tiqhelimi no khokichile tsü masa nani.

John 10:32

Jisü no panoqo khochile, “I no nongu zülo akümla kivi kutomo Apu launo ighikeu piyevae; tipaqo dolo khikhiu ghenguno nongu ye atu pesü I veqhi niye ani kea?”

2 Tim. 4:14

Ayikiyiqiu Alexander no ighono I kijipüsae; Ampeu no pa kümla kiqi lono tsüchile nani.

2 Tim. 4:16

Iw sükusho tsa kükügha atüghüu loye khunomu I gholo puthugho move, kümtsü no I qhive. Alhou no pano nguku pemoniu!

JOSHUA 22:23

ti ye nino Ampeu gholu moveno ni kütashi akiptia mlave ke. Momu nino akipti kümllagho tsünike, tüxatini gho mllani ke momu külakishi gho mllani ke hi mla aghi aye, Ampeu pelo ni ghime peni.

Piyeküsü 18:20

O kungugha eno nongu küpülümi, apostolmi ngo tungkupmiqo, li jupe alovilo, kughengu Alhou no nongu saphu no li shou küghakütha bevae!”

Piyeküsü 19:2

kughengu Paw küghakütha ye kuchou eno achipie; Pa no kütüqhaliu khuu ngosükümla lhoaye pesü ayeghi shipixi chekeno, li shou küghathabe tsü, eno li shou Pa qemi ji pele keu mkhü lutsüe.”

XAKUTHAMI 8:35

Eno Jerubbaal (ti ye Gideon) no Israelmi lau akümla kivi kutomo shitsü keu theli lo, panongu ye pa kibolomi lau ghi kiumu iqemokeu kikimiye piyemoe.