YEKIKITHI AKINIU 24:20 - Sumi Naga CL (Re-edited) Bible (BSI)

²⁰ Tile Alhou Ghungu no achineu Jehoiada nu Zechariah peitha luve, eno pa no timiqo zülo puthugho no ighamku pi, “Alhou no ishi piani, ‘Nongu ye kushiye Ampeu no azah tsükeu hebideve keu lono ikoishe mlave ani kea? Nongu no Ampeu pheve kehu Pa no nongu phevae.’”

BAIBEL (BSI)

²⁰ Tileno Alhou ghunguno achineu Jehoiada nu Zekharia peithaluve. Timiqono pa ithulu kepu alo pano puthugho puzu ighamuku pi, “AMPEU Alhou no iniju akeuno nonguye kushiye pano ahza tsukeu hebide ani eno no likhi no shou kutsakungo keu sughi ania!”

YEKIKITHI AKINIU 24:20 Iomraidhean Croise

YEKIKITHI ATUGHIU 12:18

Tile aghütomi shighi dolo atou timi lakhi Amasai, ipikeu shou Alhou Ghungu ikughive no pa no pi, “O Jesse nu David, ningu ye ow, eno o gholo anie, O David! O gholo eno o kukuphumi lau aloino keu alo, kughengu o Lhou no o kuphu achenie.” David no panoqo saluve no paw ghüshimi mqo lo kijemi shivepe.

YEKIKITHI ATUGHIU 28:9

“I nu Solomon, amlo kümtsü süno puloniqhiyi keu kükümsü xapu o pu Lhou ithilo, kughengu Ampeu no timi mlo lheju no alolo kughu eno kümsüpu akeu kümtsü ithi achenie. Nono Pa phuju aye phulu nani, ikemu nono Pa qhive aye Pa ghi alhokupuju ghenguno o qhive nani.

YEKIKITHI AKINIU 12:5

Rehoboam ngo Judah lo sakiphemi no Shishak ghenguno Jerusalem lo hekütsüpe akelono tungkupu Shemaiah no ighi no panongu vilo pi, “Ampeu no ishi piani, ‘Nongu no I qhiveke ghenguno I no nongu pesü Shishak u lo süve tsüae.’”

YEKIKITHI AKINIU 20:14

Ikelo Ampeu Ghungu no kumqope akeqo gholo Levimi lakhi shou ikughive: pa ye Asaph lagha lo Mattaniah nu Jeiel nu Benaiah nu Zechariah nu Jahaziel ke.

YEKIKITHI AKINIU 23:11

Tishino panongu no akükau nu saipeghi no akütsükuqho pa pipe eno ashepe pa tsü. Panongu no pa pesü akükau kepi sheshu, eno Jehoiada ngo pa nuli no pa nukisheve, tishino panongu no pi, “Akükau axüshu peniu!”

YEKIKITHI AKINIU 24:24

Syria ghüshimi ye aghulo likhi ighi keghi Ampeu no panoqo pelo ghüshimi kutomo shou toluvepe, kughengu Judah no Ampeu pano puasü Lhou qhiveke. Hitoi panongu no Joash shou küghathabe.

YEKIKITHI AKINIU 25:16

Ikemu pa no pi aphi lono Amaziah no ghechile, “Ningu ye o pelo akükau mijekütsüu shivepe akea? Tavelo! Kushiye o pithive apeni kea?” Ikehu tungkupu no tave, ikemu ishi pi, “I no ithi anike Alhou ye o kütsave niye shivae, kughengu nono hi shive no Iw mijekütsü ini movae.”

YEKIKITHI AKINIU 29:8

Tighenguno Ampeu loghu Judah ngo Jerusalem shou ikughi, eno Pa no tipaqo lau akümsapu, akichiqhipu, jukünatha kepu shivetsü, ti ye nongu nhethi ghi ithulu anie.

JEREMIYA 2:19

O lhoksa no o ghimeqhi nani, o hekibede no o sakiyi nani. O Mpeu Alhou pheve keu ye alhoksa eno khumtsai kepi ithilo, I sümsa keu o lolo kühae, aqokitikhi Mpeu Alhou no sheshu ani.

JEREMIYA 26:2

“Ampeu no ishi piani: Ampeu kikhala lo puthugho lo, Ampeu kilo mlla nike ighi kemi Judah lo mishighüna kümtsü vilo I no o pelo pi penike azah tsükeu pesü pilo, atsathi lakhimu süchile kevilo.

JEREMIYA 4:18

O laghiqo eno o kümlaqo no o shou hipau süghivae. Hi no o ghimepu tsala, hi ye khumtsai o mlo kutolo ilo chuxutsü ani.

JEREMIYA 5:19

Kughou now timiqo no, ‘Kushiye Ampeu ni Lhou ye akümla hipaqo ni shou mla kea?’ ipini keno, no ye panongu vilo pilo, ‘Kughengu nongu no I kümsümave eno no yeghi lo inami lhou mllauve, ikehu nongu ye no yeghi kumo keu lo inaghami qeuve nani.’”

JEREMIYA 5:25

O kümla lhoksa no hipaqo tutsüghüsü wuvae, o xine ghenguno o launo akivi süwuvae.

AMUS 5:10

Panongu no khagho lo shikithetsü kemi mithi, eno kuchou tsa pi kemi jukuchhube cheni.

AKIKIHI 14:41

Ikemu Moses no pi, “Nongu ye tomoni keghi kushiye Ampeu zakütsü hexa ani kea?

MATTHEW 23:35

tishikeu lono ayeghi lo amikuchomi ji pele püakeu kümtsü nongu shou ikughi nani, ti ye amikuchou Abel ji lono huthu no wo Barakhiah nu Zechariah, khuu nongu no achineki khala alou ngo akiptia dolono ghiqhive keno, pa kutolo ke.

Luke 11:51

Abel ji lono wo tungkupu, khuu akiptia ngo achineki khala alou dolono pithive keno, Zechariah kutolo. Iyei, I no nongu vilo piani, hipa tiqhelimi no khokichile tsü masa nani.

ZAKINIU 31:17

Tipani I mlo kighide panongu shou ikughi no panoqo pheve nani, panongu launo I gi kughove nani, tileno panongu ye kütsaleve nani. Panongu shou alhoksa ngo shiluküsa kutomo ikughi nani, eno panongu no pi nani, ‘Alhoksa hipaqo ni shou ikughi akeu ye, ni Lhou no ni gholo kühave kehu keshea?’

XAKUTHAMI 6:34

Ikemu Ampeu Ghungu no Gideon peitha luve, pa no afuko igha eno pa pape penike Abiezermi kütüghü.