YEKIKITHI AKINIU 24:18 - Sumi Naga CL (Re-edited) Bible (BSI)

¹⁸ Panongu no pano puasü Lhou Ampeu chineki pheve no Asherah ngo ajulhoqo qeuve. Akipimi hipau ghenguno Judah ngo Jerusalem shou aloghu ikughive.

BAIBEL (BSI)

¹⁸ Tighenguno timiqoye panoqo puasu Lhou, AMPEU Achine kilo mllaumove eno Ashera lhouliu julho kimihiqo mllathuve. Panongu xine hipaqo ghenguno Juda ngo Jerusalem shou AMPEU loghu sughive.

YEKIKITHI AKINIU 24:18 Iomraidhean Croise

SAMUEL AKINIU 24:1

Itaghi Israel shou Ampeu loghu ye iqü ipeghi, Pa no David xukutho no pi, “Wulo, Israel ngo Judah kihiju lo.”

KUKAMI ATUGHIU 14:23

Panongu no pano ghenguno atoghi eno asübo kümtsü lo qhemghai ke-a, atsükucho, eno Asherim mlape qhi,

KUKAMI ATUGHIU 14:9

Ikemu no ye o züumi kümtsü nguno alau axine kije shivae eno I milive no o sala kütau lhou ngo ayi julho mlakeu lono I mlo shikighide tsüke.

YEKIKITHI AKINIU 12:1

Kughou Rehoboam no pa yepe iqhikumto pe mtotoi luve keno, pa eno pa gholo Israelmi kümtsü no Ampeu yezah milive.

YEKIKITHI AKINIU 12:2

Akükau Rehoboam yepe mpe apunguu lono Egypt kükau Shishak no Jerusalem leighi, kughengu panongu no Ampeu pükhü move ke.

YEKIKITHI AKINIU 19:2

Ikemu Hanani nu tungkupu Jehu no akükau sasü kushoni ye ighi no pi, “No ye kixikilami kuphu eno Ampeu mithi chekemi kimiye masave keshea? Hi ghenguno Ampeu loghu o shou ighivae.

YEKIKITHI AKINIU 21:13

eno Israel kükami la lo chewuve eno Ahab kibolomi no Israelmi sasü axine lo iloke toi nono Judah ngo Jerusalem lo xüküami züiza sasü axine lo ilove eno o pu kibolomi, o thiküzümi khunoqo o nguno akiviu keno, tipaqo ghi pithive kehu,

YEKIKITHI AKINIU 22:4

Ahab kibolomi no shike toi pa ye Ampeu zülo kiu no axine keno shike. Kughengu papu thive kethiu panongu no pa lapiyemi shive, eno tino pa pelo ikiqive peke.

YEKIKITHI AKINIU 24:17

Jehoiada thive kethiu Judah lo ampemi no akükau lau ighi no agigihu tsü. Eno akükau no panoqo tsa inive.

YEKIKITHI AKINIU 24:4

Tithiu Joash no Ampeu ki pukho kitheni ke xathave.

YEKIKITHI AKINIU 25:15

Tighenguno Ampeu no Amaziah shou axuideve eno tungkupu lakhi puwu. Tungkupu no pa vilo pi, “Inami lhouqo ye pano timiqo o u lono xaphemla keghi no ye kushiye alhou tipaqo mllauve akea?”

YEKIKITHI AKINIU 28:13

Panongu no pi, “Nongu ye akughumi hilau saghi kevilo, kughengu ningu xine kipimi itehi akeu shou nongu ye itaghi Ampeu lau akipimi alau saghi niye ani. Ningu kipimi ye ighono kije shivae, eno Israel shou aloghu kije ani.”

YEKIKITHI AKINIU 29:8

Tighenguno Ampeu loghu Judah ngo Jerusalem shou ikughi, eno Pa no tipaqo lau akümsapu, akichiqhipu, jukünatha kepu shivetsü, ti ye nongu nhethi ghi ithulu anie.

YEKIKITHI AKINIU 32:25

Ikemu pa lau shitsü ketoi pa ye Ampeu tsüchile move, kughengu pa mlo lo aqheküza iloghive. Tighenguno pa shou eno Judah ngo Jerusalem shou aloghu ighive.

YEKIKITHI AKINIU 34:25

Kughengu panongu no I milive eno pano kümla küghütha vecheo I mlo shikighide tsüniye kütau lhouqo lau akümllagho tsüe, tighenguno I loghu ye a-a hipau shou ikughi nani eno ti ye iqüvemo nani.

IPEKULU 34:12

Jukuto lo, tikumo aye nongu no khilehi wuniye shi ani keno tipau yeghi lo küxümi sasü puloshoqhi shilu nosake, tishive aye tipau no nongu dolo kitime kepu lichhe shive nani.

IPEKULU 34:13

Pano kümlla khache tulave tsü, atsükuchoqo kubove tsü eno Asherah julho loqhive tsülo

JEREMIYA 17:2

pano tianuliqo no asübo eno qhemghai keu toghi lo pano kiptia eno Asherim akeqo kümsülu nani.

HOSIYA 5:14

Kughengu I no Ephraim lau abongshuu toi nani, eno Judah lagha lau abongshuu lhothe toi nani. Niu no aleqhi shi o sütha pinyive no wuve nani; I no xapu wuve nani eno khunomu xaphe mlave nani.

Ephesiami 5:6

Khunomu abokümsa tsa pesü nongu pishiqhipe kevilo, kughengu hipaqo ghenguno hebide kemi shou Alhou loghu ikughi cheni.

JOSHUA 22:20

Zerah nu Achan ye aghümi nhemgha kütsave kepu shi akeu luve kelono aküpülü hephove ke kumo? Eno pa likhi pithive ke kumo keshea?’”

XAKUTHAMI 5:8

Kughou alhou kithe kishe keno aphughi khagho lo aghükishi ighive. Israelmi 40,000 gholo azüto momu angu ithulu keshea?

XAKUTHAMI 8:33

Gideon thive kemtsa, Israelmi ye itaghi idewo Baal mllauve no Baal-berith pesü pano lhou shive.