YEKIKITHI AKINIU 24:12 - Sumi Naga CL (Re-edited) Bible (BSI)

¹² Akükau ngo Jehoiada pama no ti pesü achineki kümla lo ampi shitsü akeqo tsüve. Panongu no Ampeu ki pukho kitheni ke, aki kishimi ngo asü kümlami piqe, eno ayi kümlami ngo alazayi kümlami ghi piqeve.

BAIBEL (BSI)

¹² Akukau ngo Jehoiada pamano timi khunoqono Achineki pukho keulo ampi shi akeno pisa pesu tipaqo tsuveche eno timi tipaqono atu mlakemi, asu mlakemi, ayi kiyiqimi pelo pukho keu kumlalo piqesu che.

YEKIKITHI AKINIU 24:12 Iomraidhean Croise

SAMUEL AKINIU 5:11

Tyre kükau Hiram no David lau aghinimi puwu, eno cedarbo ngo asükümlami eno atukümlami pelo David ki mla penike puwu.

KUKAMI ATUGHIU 5:15

Solomon ye itaghi atu heküthami 80,000 eno akipemi 70,000 ato yeghi lo ache,

YEKIKITHI AKINIU 24:11

Kugho kughomu abohu lo pisa no chhive no Levimi no akükauw kijemi lau abohu peighi kelo, akükauw akiyeu ngo achinetouw kijemi no luve no itaghi abohu pewo qhiveche. Tsala kipetsü panongu no tishi, eno pisa kütsasa kütsü luve.

YEKIKITHI AKINIU 24:13

Akümla shi akeqo no pükapütsa mla kehu akümla ighono ajuiche lu, tishino panongu no Alhou ki shikithepe mtotoi püzüu tho shiluve.

YEKIKITHI AKINIU 24:27

Pa nuli xülhe ngo pa shou pipuku keu tsa kutomo eno pa no Alhou ki shiqhe kithe keu ye Kükami Xülhe Kaku lo yepüani. Eno Pa nu Amaziah no pa thisü luve.

YEKIKITHI AKINIU 34:8

Josiah yepe mpe chighiakütacheu lo, ti ye pa no aghakhu ngo achineki shikimthe luve kethiu, pa no Azaliah nu Shaphan ngo Maaseiah mishighüna lo angh, eno Joahaz nu yekikithiu Joah, ishi Ampeu pa Lhou ki pukho kithe penike puwu.