YEKIKITHI AKINIU 23:18 - Sumi Naga CL (Re-edited) Bible (BSI)

¹⁸ Jehoiada no Ampeu kilo aghukhemi pelo ngokhe luvepe, tipaqo ye Moses Yezah lo yepüake toi Levi lagha lo achinemi ngo Levimi Ampeu lau ale phe alokivi kije lono akipti kümllagho tsü penike eno Ampeu kilo ampi shi penike David no süsü keqoke.

BAIBEL (BSI)

¹⁸ Jehoiada no achinemi ngo Levimi pesu Achineki lo akumlapuqo shou ampi shivepe. Panonguye Akukau David no panoqo kumla kughupe puatsu keu kumla shi penikeu shi eno Muse Yezah kiqilo AMPEU lau aghashi keu pesu piti mllani keu shipe. Panonguye ale pheni keu eno peitha nikeqo jeli shou ghi ampi shipeke.

YEKIKITHI AKINIU 23:18 Iomraidhean Croise

YEKIKITHI ATUGHIU 23:25

David no pi, “Ampeu, Israel Lhou no aloino keu pesü Paw timi tsüno Pa ghi alhokupuju Jerusalem lo auvae.

YEKIKITHI AKINIU 29:25

David ngo akükau tungkupu Gad eno tungkupu Nathan zakütsü kiqi lono pa no Levimi pelo küghapayi ngo akighilebo jeli pesü Ampeu kilo ngope, ayezah hi ye tungkupmi vecheo Ampeu launo ighike.

YEKIKITHI AKINIU 29:27

Tishino Hezekiah no akipti kümllagho tsü penike azah tsü. Akümllagho piti kemtsa Ampeu lau shekiqhe le phethuve eno afuko ngo Israel kükau David lebo ghi küigha thuve.

YEKIKITHI AKINIU 29:30

Akükau Hezekiah ngo hiyampemi no Levimi vilo David ngo tungkupu Asaph pamaw Ampeu kishe le phelopi azah tsü. Panongu no alokivi lono phe eno panongu no pishiqhope Alhou mllae.

YEKIKITHI AKINIU 30:27

Tishino achinemi ngo Levimi no ithu no timiqo kümghatsü kelo Alhou no panongu sütsa chilu tsü, eno panongu kighini ye kungugha lo Alhou kungoa tove.

YEKIKITHI AKINIU 35:2

Pa no achinemi pesü panow hiyam lo süsü eno Ampeu kilo huthu penike panongu shikumto.

YEKIKITHI AKINIU 5:5

Eno panongu no Puloshoqhi bohu ngo kuposhukulu phiki ngo aphiki lo akimthe bohu kümtsü Levi chinemi no pesü ighive.

YEKIKITHI AKINIU 7:6

Akükau David no Ampeu kishele ghenguno alebo jeli mla keqo pesü achinemi no panongu no ngoche keu lo puthughove eno Levimi ghi tishi ngoluve—kughengu Paw iqemokeu kikimiye ye alholo acheni—kugho kughomu David no hipaqo sasü akishe le phekelo, hipaqo ghüngüu achinemi no afukoqo küigha che eno Israelmi kümtsü no puthughove che.

EZRA 6:22

Eno panongu no alokivi shi atsala tsüni kutolo Kholaqhi sümokeu Sho Pine ikhilu, kughengu Ampeu no panoqo pelo alovilupe eno Assyria kükau mlo tsüghü sawo panongu gholo alupe, tishikeu lono pa no Israel Lhou, Alhou ki kümla lo panoqo kuphutsü.