YEKIKITHI AKINIU 23:11 - Sumi Naga CL (Re-edited) Bible (BSI)

¹¹ Tishino panongu no akükau nu saipeghi no akütsükuqho pa pipe eno ashepe pa tsü. Panongu no pa pesü akükau kepi sheshu, eno Jehoiada ngo pa nuli no pa nukisheve, tishino panongu no pi, “Akükau axüshu peniu!”

BAIBEL (BSI)

¹¹ Tithiu Jehoiada no Joas sasu khalau saipeghi eno kukami no kishi ayehpe kepu keno tipau yezah kaku lakhi pa tsu. Tishi puzu pa pesu akukau shivepe. Achineu Jehoiada ngo pa nuliqono teli pesu Joas nukishelu eno kumtsuno, “Akukau axu shupeniu!” ipi asheshu.

YEKIKITHI AKINIU 23:11 Iomraidhean Croise

SAMUEL AKINIU 1:10

Ikehu I no pa phivilo puthugho no pa ghiqhive, kughengu pa no ikiqive kethiu, pa ye xülumo nani pi I no mtsüqhei ithive. I no pa kütsü lono akütsükuqho ngo pa umlo lono aküsa ikhiluve no tipaqo I mpeu lau süghi anie.”

SAMUEL AKINIU 16:16

Kughou David küsau Arkhimi Hushai no Absalom lau ighi keno, pa no Absalom vilo pi, “Akükau axüpushu lo! Akükau axüpushu lo!”

SAMUEL AKINIU 5:3

Tighenguno Israel lo layemi kümtsü Hebron lo akükau lau ighi, eno David no Ampeu zülono panongu sasü puloshoqhi lakhi Hebron lono shi, eno panongu no Israel kükau shi David nukishe luve.

KUKAMI ATUGHIU 1:25

Kughengu ishi tsala lono pa ye amshitsü, athakupu mishiti, eno ambe kutomo pesü aghashi no o nuli kümtsü, ghüshimi zatsüu Joab, eno achineu Abiathar kusü ani. Eno panongu no alokivishi pa sasü aghulhu shino, ‘Akükau Adonijah, axüshu peniu!’ ipi igha ani.

KUKAMI ATUGHIU 1:34

Achineu Zadok ngo tungkupu Nathan pama pelo pa pesü Israel kükau shi nukishe pelo. Tishino afuko igha no pilo, ‘Akükau Solomon axüpushu peniu!’

KUKAMI ATUGHIU 1:39

Tileno Zadok no thazü pesü aphiki lono Solomon nukisheve. Tishino panongu no afuko igha, eno timi kümtsü no pi, “Akükau Solomon axüpushu lo!”

KUKAMI AKINIU 11:12

Tishino Jehoiada no akükau nu saipeghi no aküka kütsükuqho pa pipe eno ashepe pa tsü. Panongu no pa pesü akükau kepi shuphe eno nukisheve, tishino panongu no au kukhu ishi pi, “Akükau axüshu peniu!”

YEKIKITHI AKINIU 22:11

Ikemu akükau nga Jehoshabeath no akükau nuliqo pithi akelono Ahaziah nu Joash sawo küsü no pa eno pa saputhu akeu aqeliu pama aküzü chebo lo qhive. Hitoi Jehoshabeath khuu Jehoram nga eno achineu Jehoiada nipu eno Ahaziah chepu ghi keno, li no Joash pesü Athaliah launo küsüve eno pa ye pithi move.

YEKIKITHI AKINIU 23:10

Pa no timi kümtsü pelo akükau ghukhemi shi pütüta ghünanu au lo tsüqüpe ngope, aki apeu küdau no ahuu kutolo, akümlla-khache hokümxa eno aki khepe.

YEKIKITHI AKINIU 23:12

Kughou Athaliah no timiqo kupo eno akükau sheqhe keu ghügha chilu keno, li no Ampeu kilo timiqo lau ighi.

LESHELE 132:18

I no akukujopu pesü pa ghümi pipe nani, ikemu küka kütsüqho no pa shou yepüvü nani.”

LESHELE 21:3

Kughengu Nono kinikülü kükümgha pesü pa sasü kusho; Nono ameshoyi akiviu kütsükuqho pesü pa kütsü qhotsü.

LESHELE 78:5

Pa no Jacob lau ashepe lakhi tsü eno Israel lo Ayezah süsü tsüe, Pa no ni puasü vilo pano tianuli shika penike azah tsüe,

LESHELE 89:20

I no I qeu David ithulue; thazü kimthe pesü I no pa nukishevae,

LESHELE 89:39

No ye O qeu sasü puloshoqhi shikeu phevae; Nono pa küka kütsüqho ayeghimkhu lono kitiqeve tsüae.

IPEKULU 25:16

Eno I no o tsüniye akeu zakütsü pesü abohu lo ashepe lakhi shi qhini.

IPEKULU 25:21

Eno akünha ye puloshoqhi bohu kütsüqa lo qhini, eno puloshoqhi bohu lo I no o tsüniye akeu zakütsü pesü nono ashepe lakhi shi qhini.

IPEKULU 31:18

Kughou Ampeu no Sinai Naghuto lono Moses pütsa tave keno, Pa no ashepe tulupha kini, Alhou uloti no yepuku keu atulupha küma pesü Moses tsüve.

ISAIAH 49:23

Kükami no nongu papu kishe shi nani; eno kükalimi no nongu paza shi nani. Panongu no pano gi pishiqhope nongu agigihu tsü nani; eno nongu pukhu lo ayeghimkhu mineve tsü nani. Tileno nongu no Ni ye Ampeu kepi ithi nani; khunono I khe cheni keno, tipaqo ye kujovemo nani.”

ISAIAH 8:16

I no kütsü shikave keu tsape liküzü no mekhape I papemi gholo qhivelo.

ISAIAH 8:20

Ampeuw shiküka eno ashepe lulo! Panongu no hipau kiqi lono pimo aye, panongu ye alolo aküvü küha kemie.

MATTHEW 21:9

Jisü züu eno pa thiu aqokitikhi chekeqo no ighamku, “David Nu Sheqhelo! Khuu no Ampeu je lono cheni keno Alhou no pa kümgha tsülo! Kungugha lono Alhou sheqhelo!”

IBRIMI 2:9

Ikemu Jisü khuu ado hami ghenguno kungumi nguno akuchuniu shivetsü keno ningu no ithulu ani, akithi ghime ghenguno itehi ajekipi eno agigihu kütsükuqho pu akeu ye Alhouw küpükini vecheo pa no kümtsü ghenguno akithi miche kepu shive kehue.

James 1:12

Pujupeju kelo puqhelu kemi kümghapue, kughengu pekuju lo puthugholu kemi ye Alhou no Pa kimiye chekeqo tsünie pi püakeu aküxüpu kütsükuqho ithulu nani.

James 2:5

I qhuu athiküzümiqo, inilo, Alhou no ayeghi lo kumlhomi kishelu no aküpülü lo kinimi shilupe eno Pa kimiyekemi tsüni keu shi piqhi püakeu kükaqha mheghi kiyighimi shilupe kekumo keshea?

Piyeküsü 19:12

Pa nhethi ye ami mili toi eno pa kütsü lo kükakütsüqho kutomo ae, pa ye aje lakhi yepe dapuche kemu pa likhino kumo aye khunomu ithimo.

Piyeküsü 4:10

layemi muku bidi huno Khuu kükalakhü lo iqa no pülhapuju eno alholo xüacheni keno, Pa zülo itsaqi no mllae. Panongu no kükalakhü zülo pano kütsükuqho lhaqhi no pi,

Piyeküsü 4:4

Kükalakhü kütau muku bidi no tipau vehope ae, eno layemi muku bidi no aphimini kimiye pepusü ameshoyi kütsükuqho xapu tipaqo lo iqa aghi.

Piyeküsü 5:10

eno panoqo pesü kükaqha eno achinemi shi ghi ni Lhou lau tsüve kehu panoqo no ayeghi lo ayepe nanie.”

SAMUEL ATUGHIU 10:1

Tithiu Samuel no thazü bohu ikhiphepe Saul kütsü lo lepuku no pa müma eno pi, “Ampeu no Paw timi Israelmi shou yepeu shi penike o nukisheve ake kumo keshea? Nono Ampeuw timiqo shou ayepe nani eno aghümi pano homxape akemi launo panongu xalu nani. Ampeu no o pelo Pa mheghi shou sakipheu shi penike o nukishe keu michipu hino shinani.

SAMUEL ATUGHIU 10:24

Samuel no timi kümtsü vilo pi, “Ampeu no khuu kisheve akeno nongu ye pa ithulu anima? Timiqo dolo khumu pa toikeu kühae.” Eno kümtsü no ighamku, “Akükau axüpushu peniu!”