YEKIKITHI AKINIU 22:9 - Sumi Naga CL (Re-edited) Bible (BSI)

⁹ Pa no Ahaziah phuwu no Samaria lo itshü aghi kelono küghaluve. Panongu no pa sasü Jehu lau ighi no pithive. Panongu no pa shiqhove, kughengu panongu no pi, “Pa ye amlo kuchopu no Ampeu phu chekeu Jehoshaphat tilimi ke.” Eno Ahaziah kibo lo lakhimu kükaqha lo ayepeni keu kühave.

BAIBEL (BSI)

⁹ Ahazia phuju kelo paye Samaria lo itshu aghi. Panonguno Jehu lau pa sawu puzu pa heqhivepe. Ikemu panonguno pasu Akukau Jehosafat gihu kelauno pa kumoye shiqhove tsu, Jehosafat ye pano shiluke thaqhu AMPEU qenikeu shicheke. Akukaqha lo ayeh penikemi Ahazia kibolomi lakhimu aghimove.

YEKIKITHI AKINIU 22:9 Iomraidhean Croise

KUKAMI ATUGHIU 13:21

Pa no ighamku Judah lono ighi keu Alhou timi vilo pi, “Ampeu no ishi piani, ‘Nono Ampeu tsa hebideve no Pa zakütsü pape move akehu,

KUKAMI ATUGHIU 14:13

Israelmi kümtsü no pa ghenguno mloqa no pa shiqho nani, kughengu Jeroboam lagha lo pa likhi no Israel Lhou Ampeu mlo piqilu kehu pa sükumo likhi no shiqholu nani.

KUKAMI AKINIU 9:34

Pa no ilo no chushove, eno pi, “Ghukushou atopuu sükumo shiqhove tsülo, kughengu li ghi akükau nonga ke.”

YEKIKITHI AKINIU 19:3

Tishimu o lolo akivi hami phulue, ti ye nono Asherah julho aghakhu lono ikhive tsüno o mlo tsüqhiyi Alhou phuke.”

YEKIKITHI AKINIU 21:17

Panongu no ighi no Judah leluve eno kükaki lo tinhemgha xüle puwuve, pa nuli ngo pa nipuqo ghi sawuve ikemu pa nu anipau Jehoahaz ye sawu move.

YEKIKITHI AKINIU 21:20

Pa ye ampe shighi kini shi akelono akükau shilu eno Jerusalem lono ampe tache ayepelu. Pa no thive kelo timi khumu amloksa shimoe. Panongu no kükami kumoki lo kumono David phughi lo pa kumo shiqhove.

YEKIKITHI AKINIU 21:4

Kughou Jehoram no papu kükalakhü lo iqa no iqhikumto luve keno, pa thiküzümi kümtsü azütakikihi pesü pithive eno Israel lo sakiphemi khami ghi pithive.

YEKIKITHI AKINIU 22:8

Jehu no Ahab kibolomi shou küghakütha shitsü akelono pa no Judah lo ampemi ngo Ahaziah thiküzümi nu khunoqo Ahaziah gholo chekeno, tipaqo kusholu no heqhive tsü.

YEKIKITHI AKINIU 24:25

Kughou panongu no Joash ghüzave no idewove keno, pa qemi no pa no Jehoiada nu heqhive keu mkhü lutsüni ke küsüqeve, eno pa züa lono pithive.

YEKIKITHI AKINIU 25:27

Pa no Ampeu launo tsüghüve kelono panongu no pa pithive niye Jerusalem lono küsüqe thuve, eno pa ye Lachish lo pove. Ikemu panongu no timi puwu no tilau no heqhive.

YEKIKITHI AKINIU 33:24

Amon qemi no pa shou küsüqeve no pa kükaki lono pithive.

JEREMIYA 29:13

Nongu no I phuighi nani eno I phulu nani. Kughou nongu no amlo kuchopu no I phuighini keno,