YEKIKITHI AKINIU 20:7 - Sumi Naga CL (Re-edited) Bible (BSI)

⁷ O Alhou, Nono Israelmi zülono hile xüküami hapheve tsüno ayeghi hipau pesü O poshuu Abraham polo kughukomi alholo ghenguno tsüke kumo keshea?

BAIBEL (BSI)

⁷ Noye niLhou ke kughou owu timi Israilmi no ayeghi hipaulo iloghi keno nono timi hilehi acheghi keqo haphevetsuno ayeghi hipau pesu oshou Abraham polo kughukomiqo tsuke, tiye alhokupuju panoqo wu shiche peniye ke.

YEKIKITHI AKINIU 20:7 Iomraidhean Croise

BOTHUBO 12:7

Tithiu Ampeu no Abram lau ipeghi no pi, “O tikughukomi lau I no ayeghi hipau tsüni.” Ikehu pa no Ampeu, khuu pa lau ipeghi keno, Pa lau akümlla-khache shiqhe.

BOTHUBO 13:15

kughengu nono ithulu akeu yeghi kümtsü I no alholo ghenguno no eno o polo kughukomi tsüni.

BOTHUBO 17:7

I no o Lhou eno o thiu tikughukomi Lhou shinike Iw puloshoqhi Nikujo dolo shi nani eno o thiu tiqheli kupuju lo shekhaha puloshoqhi shi nani.

YEKIKITHI AKINIU 14:11

Asa no Ampeu pa Lhou lau ighamku inikhu, “O Ampeu, akumtomi ngo miqemlei kemi dolo kuphu tsüni keu O toike khumu kühae. Ni kuphu tsülo, kughengu ningu ye O shou pükhü ani, eno O je lono ningu ye aqokitikhi sasü kumjoni ke ighi ani. O Ampeu, No ye ni Lhou ke, khuu pelomu ni theqhivepe kevilo.”

YEKIKITHI AKINIU 20:8

Panongu no hile acheni eno O gihuni ke achineki shiqhe no pi,

NEHEMIA 9:8

Pa mlo no O shou pükhükulupu shikeu Nono ithulu kehu Canaanmi, Hittimi, Amorimi, Perizimi, Jebusimi, eno Girgashimi yeghi pesü pa lagha tsüniye pa sasü puloshoqhi shike. Eno Nono Ow pikiqhitsa papeke, kughengu No ye amikucho ke.

LESHELE 44:2

No ampi no shiyeqo hapheve, eno ni puasüqo shosüve; Nono ashiayeqo ghimeqhi, ikemu ni puasüqo khaqhi pheve;

LESHELE 44:3

kughengu pano zütakikihi pesü ayeghi leluke kumoe, momu pano kumto no pano xaluke kumoe, ikemu O u ajeu eno O kumto, eno O gi küvü vecheo ke, kughengu Nono panoqo shou O züküvü ake.

LESHELE 80:8

Nono Egypt lono atsaibo lakhi peighi; Nono shiyeqo haleve eno tipau shosüe.

IPEKULU 20:2

“Ni ye Ampeu, khuu Egypt yeghi lo aqüaxe kibo lono nongu saipeghi keno, nongu Lhou huke.

IPEKULU 33:2

I no kungumi o züu puwuni, eno Canaanmi, Amorimi, Hittimi, Perizimi, Hivimi, ngo Jebusimi hapheveni.

IPEKULU 6:7

Iw timi shinike I no nongu ikhiluve nani, eno I no nongu Lhou shive nani, eno nongu no Ni ye Ampeu nongu Lhou, Egyptmi makho kimshi lono nongu saipeghi keu kepi Ni ithi nani.

ISAIAH 41:8

Ikemu no, Israel I qeu, Jacob, khuu I no kishelu keno, Abraham polokiqi, no ye I poshuu ke.

John 11:11

Pa no pive kethiu panoqo vilo pi, “Ningu küsau Lazarus ye zühuvae, ikemu ni ye pa küdani ke wuni.”

John 15:15

Itehi ni ye nongu pesü aqemi ipi moae, kughengu aqemi ye pa mpeu no kiu shicheni keno mthae; ikemu I no nongu pesü aküsami shivae, kughengu I Pu launo chilu keu kümtsü I no nongu vilo pivae.

ZAKINIU 4:38

Nongu zülono nongu nguno akijeu eno akumtou shiyeqo hapheve tsü tishino nongu sailo pano yeghi pesü ishi kutolo nongu mheghi shitsü ke.

James 2:23

eno Kuchoyesü no pikeu shikupuve, “Abraham no Alhou pülü, eno ti ye achipi shi kihitsü”—eno pa ye Alhou küsau ipi kue.

JOSHUA 1:6

Akumto shilo eno amlo kuloghi shilo, kughengu I no panoqo puasü tsünike piqhi püakeu, nono sakipheu shino panongu pelo ayeghi tipau hu amheghi shi ighilu penani.

JOSHUA 23:9

Kughengu nongu nhethe lono Ampeu no kije eno akumto shiyeqo haphevae. Eno ishi kutolo khunomu nongu zülo puthugho lumphie.

JOSHUA 24:13

Nongu no imasümo keu yeghi pesü I no nongu tsü eno mishighüna nongu no shiqhemo keqo lo nongu pelo küghünape. Nongu no shosümo keu tsailu ngo mububo ghutu xathi nongu pelo chupe.’

JOSHUA 24:3

Tileno I no nongu papu Abraham sasü Aghoki kukuu no Canaan yeghi lo ighi no pa tianuli kutomo kughukotsü. I no Isaac pa tsüe.