YEKIKITHI AKINIU 20:6 - Sumi Naga CL (Re-edited) Bible (BSI)

⁶ eno pi, “O Ampeu, ni puasü Lhou, No ye kungugha lo Alhou ke kumo keshea? Nono ayeghi lo kükaqha kümtsü shou ayepe ani. O u lo aküka eno akumto akeu ghenguno timi khumu o mjochile mlae.

BAIBEL (BSI)

⁶ eno ighamuku akighini shi, “O AMPEU, nipuasuqo Lhou, nono kungugha lono ayeghiqha lo shiyeh kumtsu shou ayeh pe ani. Noye akuka kumtou eno akughushuu ke, timi khumu omujochile mlake.

YEKIKITHI AKINIU 20:6 Iomraidhean Croise

KUKAMI ATUGHIU 8:23

eno pi, “O, Ampeu Israel Lhou, atsütsü qholo eno ayeghi shou khumu O toike kühae, Nono O qemi no amlo kuchopu ikhiphepe aghokulu shi ake thaqhü lo Ow timiqo sasü puloshoqhi shikeu pape eno O kikimiye panongu lau pephe piye ke.

KUKAMI ATUGHIU 8:30

O qeu eno ow timi Israelmi no a-a hipau küdau juno inikhu kelo chilu tsülo. Eno kungugha lo O kungo-a lono ini tsüno ni kipimi qhitsü lo.

YEKIKITHI ATUGHIU 29:18

O Ampeu, ni puasü Abraham, Isaac, eno Jacob Lhou, hitoi keu kimji eno akükümsü pesü pülhapuju Ow timiqo lolo qhi püatsü eno panongu mlo pesü O phivilo qhi püatsü lo.

YEKIKITHI AKINIU 20:5

Judah ngo Jerusalem lo timiqo no Ampeu ki khala akitheu zülo kumqo akelo Jehoshaphat no puthugho,

YEKIKITHI AKINIU 25:8

Ikemu nono wuni aye wulo, aghüshi ghenguno mtolo. Alhou no o ghümi zülono o pelo ikiqivepe nani, kughengu Alhou ye kuphulu kepu eno ikiqivepe kepu küka ani.”

YEKIKITHI AKINIU 5:14

eno tipa ghenguno achinemi ye puthughope huthu mlave, kughengu Ampeu juküvü no Alhou ki chhitoive ke.

YEKIKITHI AKINIU 6:14

eno inikhu, “O Ampeu, Israel Lhou, tsütsü qholo eno yeghi shou khumu O toikeu Lhou kühae! Nono O qemiqo no amlo kuchopu ikhiphepe aghokulu shi ake thaqhü lo, Ow timiqo sasü puloshoqhi shikeu pape, eno O kikimiye panongu lau pephe piyeke.

JOB 9:4

Pa ye alokütsü eno aküka kughushu ke khuu no Pa mjochile no toluve akea?

LESHELE 115:3

Ni Lhou ye kungugha lo ani; eno Pa no pulo keu kümtsü shicheni.

LESHELE 46:11

Aqokitikhi Mpeu ye ni gholo ani; Jacob Lhou ye ni sükusho liwo ke.

LESHELE 47:2

Kughengu Ampeu, Shishe Akiqheu, ayeghi kümtsü shou akükau kije huye sümsa kepue.

LESHELE 47:8

Alhou no shiyeqo shou ayepe cheni; Alhou ye Pa kimthe kükalakhü lo iqa ani.

LESHELE 54:1

O Alhou, O je lono I xalu tsülo, eno O kumto lono I chipiu she petsülo.

LESHELE 62:11

Alhou no ghuthu lakhi pivae; I no akiniu ghi chiluvae: ti ye, aküka ye Alhouw ke,

IPEKULU 3:6

Eno Pa no pi, “Ni ye o pu Lhou, Abraham Lhou, Isaac Lhou eno Jacob Lhou ke.” Moses no pa gi küsüve, kughengu pa ye Alhou junike msave.

ISAIAH 14:27

Kughengu aqokitikhi MPEU no kughuve ke khuu no moe pini kea? Pa u chhove ke khuu no tuchile luni kea?

ISAIAH 66:1

Ampeu no ishi piani: “Kungugha no I kükalakhü, eno ayeghi no I pukhu kinepu ke; tishiaye nongu ye I ghenguno kiu toikeu ki shitsü luni kea? Eno kiutoi keu lo I pelo ngopeni kea?

JEREMIYA 49:19

Julo, abongshuu lakhi no Jordan ghasa lono atsüni kümtsha-a lo ipeghi ketoi I no Edommi pelo züleno pano yeghi lono povepe nani. Tithiu no I no kishelu keu pelo tipau shou ayepe penani. Kughengu I toike khuu ani kea? Khuu no I khülu nani kea? Ambekheu khuu no I mjolu nani kea?

DANIEL 4:17

Aghime xakütha tsa ye hikujuu yezah lono ke, xakütha ye akimtheu tsa kiqi lono ke, hi kutolo xü akemi no ithi peniye ke, ti ye Shishe Akiqheu huno timi kükaqha shou ayepe acheni, tipau pesü khukhumu Pa no tsüni keu tsü cheni, eno tipau lo timi aqhoumi dolo aqhou süsüve cheni.’

DANIEL 4:25

ike no ye timiqo gholono hapupove nani, eno o kungo-a ye aghasa lo tüghashiqo gholo shive nani. No ye amshitsü lakhi toi atsüni chuuve nani, atsütsü lo tsüzü no o pütsü nani, eno Shishe Akiqheu no timi kükaqha lo ayepe cheni eno tipau pesü khukhumu Pa no pulo keu tsüve chenie pi nono ithi moke kutolo kihiküthado tsüni no o hecheve nani.

MATTHEW 6:13

Eno ghukuju lo ningu sailotsü kevilo, ikemu alhoksau launo ni xaphe tsülo.”

MATTHEW 6:9

Tishiaye hitoi inikhu lo: “O ni Pu kungugha lo küau, O je akimthe shilo,

Apostolmi 11:17

Tishiaye Ampeu Jisü Khristo pülülu kelo ningu tsüke toi, Alhou no agho aphiphi pesü panoqo tsükeu lo ni ye khuue pi I no Alhou laghi hakhani kea?”

Rommi 9:19

Nongu khami ye I vilo piluvi, “Kishino Alhou ye itehi ghi timi kipimi phucheni kea? Kughengu khuu no Pa pulou lakha luni kea?”

ZAKINIU 4:39

Tighenguno ishi tsala lo hi ithi no nongu mlo lo qhilulo, Ampeu ye kungugha lo eno ayeghi lo Alhou ke; kütami khumu kühae.

JOSHUA 2:11

Nino ti chilu kemtsa ni mlo hauve eno nongu kümsa no timi khumu aghungu aphi ije move, kughengu nongu Mpeu Alhou no kunguu atsütsü lo ngo aqhou ayeghi lo Alhou ke.