YEKIKITHI AKINIU 20:24 - Sumi Naga CL (Re-edited) Bible (BSI)

²⁴ Judah timi no asayeqha qogheki lo ighi no aghümi kütsasa akeqo küdau jupuwu kelo khunomu poka mlano akithi kumo no ayeghi lo aghive.

BAIBEL (BSI)

²⁴ Kughou Juda lo ghushimiqono asayeqhalo aghukhu qoki lakhi akeu tolu keno panonguno aghumi kudau jupuwu eno ithulu keuno tipaqo kumtsu thiveno ayeghilo zuaghive. Milakhi mu pokawumlave.

YEKIKITHI AKINIU 20:24 Iomraidhean Croise

KUKAMI AKINIU 19:35

Tipaji Ampeuw kungumi no wuno Assyriami ghazü lo ghüshimi lakh lakhi qhethonhe lhotache pungu heqhive tsü. Kughou thanau inaqhe panongu no ithughi keno, akumo no aqha kümtsü aghi.

YEKIKITHI ATUGHIU 5:22

Tile aghümi kutomo ikiqive, kughengu aghüshi tipau ye Alhouw ke. Tithiu panongu ye haphe sawuve moke kutolo tile acheuve.

YEKIKITHI AKINIU 20:23

Kughengu Ammonmi ngo Moabmi no Seir Toghi lono ighi kemi lethuve eno tipaqo kütsave, eno kughou panongu no Seirmi pithi khave keno, itaghi panongu dolo lakhi no lakhi kütsa khave.

YEKIKITHI AKINIU 20:25

Kughou Jehoshaphat ngo paw timiqo no anhemgha likütsü niye ighi keno panongu no tile thime kivi, aphimini, akughupu thime, kutomo ithulu no pütüta no pemlave ke kutolo hekütsü lue. Tipaqo no kütsasa kehu panongu ye ti pekishe keu no atsala küthü puwove.

EZRA 9:14

imaye ningu ye itaghi O zakütsüqo hexave no timi khunoqo no aphikümqhüpu hipaqo pape cheni keno tipaqo sasü kütshükungo külauni keshea? Nono ni kütsave no ghükulumi momu pokaluni kemi kühave pemoke kutolo No ye ni jupe axuide moni keshea?

LESHELE 110:6

Pa no shiyeqo shou küghaküthabe nani, akithikumo no pano-a chhive nani, Pa no ayeghi kupuju lo atomiqo haleve nani.

IPEKULU 14:28

Azü no qochile ighi no khurkulu ngo khurshimi yimive; Pharaohw aqokitikhi azüghi lo panoqo hasü ighi keqo dolo khumu xümlave.

IPEKULU 14:30

Ikehu tipa tsalani Ampeu no Egyptmi u lono Israelmi xaluve, eno Israelmi no azüghi mkülo Egyptmi thive keu ithulue.

ISAIAH 37:36

Tishino Ampeuw kungumi no Assyriami ghazü lo wuno pano lakh lakhi qhethonhe lhotache pungu ghiqhivetsü. Kughou timiqo no thanau itheno ithughi keno julo, asükumo likhi aghive.

JEREMIYA 33:5

Panongu ye Chaldeami sasü aghü shinike cheni, ikemu I mlokighide eno I loghu lono ghiqhive kemi kithi kumo no chhitoive nani, kughengu pano kümla lhoksa ghenguno I no mishighüna hipau lono I gi küsüluve nani.