YEKIKITHI AKINIU 2:6 - Sumi Naga CL (Re-edited) Bible (BSI)

⁶ Ikemu kungugha akiqheu thotsü Pa qhilu kepu-a kühake khuu no Pa ghenguno aki shikulupu kea? Pa zülo akümllagho tsünike ghenguno kumo aye ni ye khuue pi Pa ghenguno aki shiqhe luni kea?

BAIBEL (BSI)

⁶ Ikemu khuno Alhou ghenguno aki shilunia, kughengu kungugha eno akiqheu kungugha ghi pa ghenguno tulalo. Niye khuu keno Pa ghenguno aki shilunia, piti kumlla kepua likhi kumoaye.

YEKIKITHI AKINIU 2:6 Iomraidhean Croise

SAMUEL AKINIU 7:18

Akükau David no alou ilo Ampeu zülo iqa no pi, “O Ampeu Alhou, ni ye khuu eno I lagha ye kiue pi No ye hi kutolo I saighi kea?

KUKAMI ATUGHIU 7:13

Akükau Solomon no Tyre lono Hiram kusaghipe.

KUKAMI ATUGHIU 7:14

Pa ye Naphtali shiaye lo chimemi nu ke, pa pu ye Tyremi, alazayi kümlami. Pa ye alokütsümi, vethakulumi, eno alazayi kümla lo shitsa shi kiukiumu mla chekemi. Pa no Solomon lau ighi no pa kümla kümtsü shitsüe.

KUKAMI ATUGHIU 8:27

“Ikemu Alhou ye kuchou no ayeghi lo xünani keshea? Kungugha akiqheu thotsü O ghenguno ililai moke I no aki hipau shipüa keu ye kishita tülalo kelae!

YEKIKITHI ATUGHIU 22:15

No ye kupukuno shi atu heküthami, akikishimi, asü kümlami, eno akümla jeli shikithimi, kütshakügha shi ameshoyi, ghükayi, alazayi, eno ayi kümla shikithimi kihikhakümla ani. Ithu no mlalo! Ampeu no o gholo apeniu!”

YEKIKITHI ATUGHIU 29:14

“Ikemu ni ye khuue pi eno Iw timiqo ye kiue pi ningu no hi kutolo puloniqhiyi O mlla kulupu shi kea? Kughengu thime kümtsü O launo ighi cheni, eno ningu no Ow pesü O tsüchileve ani.

YEKIKITHI AKINIU 1:10

Itehi ye timi hipaqo sapheni ke alokütsü eno akighithi I tsülo, kughengu khuu no Ow timi hijeje shou ayepe luni kea?”

YEKIKITHI AKINIU 6:18

“Ikemu Alhou ye kuchou no ayeghi lo xünani keshea? Julo, kungugha eno kungugha akiqheu thotsü O qhilu kepu-a ililai moe, tishiaye kishino I no aki hipau shipüa keu no ililai luni kea?

IPEKULU 3:11

Ikemu Moses no Alhou vilo pi, “Ni ye khuue pi Pharaoh lau wuno Israel nuliqo Egypt lono saipeghi luni kea?”

IPEKULU 31:5

eno atu hethape kithilu, asü pesü aye shilu, eno kogheküghü jeli kümtsü mlalu penike Alhou Ghungu pa lolo süve tsüae.

ISAIAH 66:1

Ampeu no ishi piani: “Kungugha no I kükalakhü, eno ayeghi no I pukhu kinepu ke; tishiaye nongu ye I ghenguno kiu toikeu ki shitsü luni kea? Eno kiutoi keu lo I pelo ngopeni kea?

JEREMIYA 23:24

Timi lakhi ye I no pa ithumla kepushi tuqhou-a lo itshülu nanio? ipi Ampeu no sheshu. I no atsütsü eno ayeghi shepichhi ke kumo keshea? ipi Ampeu no asheshu.

2 Kor. 2:16

pühave akemi lau ningu ye akithipu xokütsüngü, xaluve akemi lau ningu ye aküxüpu axokütsüngü ke. Khuu no hipaqo shikulupu kupukülai ani kea?

Ephesiami 3:8

Niu no küpülümi kümtsü dolo akimkheu keghi, Khristow kihikhakümla kini pesü Jewkumomi lau pikülha peniye küpükini hipau I tsü,

ZAKINIU 12:11

tileno Ampeu no Pa je ghenguno kishelu ke-a lo, I no nongu vilo süghi lopi azah tsükeu kümtsü peighini: akipti kümllagho, aghakishi kümllagho, chighi saje, nongu no Ampeu lau ashoqhi kümllagho shikeu akiviu kümtsü süghini.

ZAKINIU 12:14

ikemu Ampeu no nongu shiaye yeghi lo a-a kishetsü keu lo likhino akümllagho tsüni, eno tileno I no azah nongu tsükeu jeli kümtsü shilo.

ZAKINIU 12:26

Ikemu nongu launo akimthe kümllagho ithulu masa kepu, now ashoqhi kümllagho ye pesü Ampeu no kishe tsükeu-a lo wuni,