YEKIKITHI AKINIU 2:3 - Sumi Naga CL (Re-edited) Bible (BSI)

³ Pa no Tyre kükau Hiram lau asütsa pi puwu: “Nono I pu David sasü kilhisho no pa no ngokepu ki shiqhelu penike cedar pa tsüpuwu ketoi I lau ghi tishi tsülo.

BAIBEL (BSI)

³ Solomon no Tur lo akukau Hiram lau asutsa ishi puwu: “Puzuu nono akukau ipu David lau alhi shipuwuno pa kukaki shilu penike kedarsu tsupuwu cheketoi nighi tsulo.

YEKIKITHI AKINIU 2:3 Iomraidhean Croise

SAMUEL AKINIU 5:11

Tyre kükau Hiram no David lau aghinimi puwu, eno cedarbo ngo asükümlami eno atukümlami pelo David ki mla penike puwu.

YEKIKITHI ATUGHIU 14:1

Tyre kükau Hiram no David ghenguno akighiki mla tsüniye asütsa kipemi gholono cedar sübo, atukümlami, eno asükümlami puwu.

YEKIKITHI AKINIU 13:11

Panongu no ina kijili atsütsü Ampeu lau akipti kümllagho ngo axokütsüngü pesü tsücheni, ameshoyi akiviu kibepu lo asho kutope qhitsü cheni, eno ameshoyi kulu kibepu tucho cheni, tishianguno akulu pelo kijili atsütsü iqü peniye ke. Ningu ye Ampeu no azah tsükeu pape cheni, ikemu nongu ye Pa phevae.

YEKIKITHI AKINIU 24:14

Kughou panongu no mla tave keno, ghükayi achili pesü akükau ngo Jehoiada pama lau süghi, eno Ampeu ki ghenguno akümlla lo ngo akipti kümlla lo peitha kepu bohu, axokütsüngü khu, eno ameshoyi ngo ghükayi bohu mlave.

YEKIKITHI AKINIU 4:19

Ikehu Solomon no Alhou kilo abohu akeqo kümtsü mlae: ameshoyi kümlla khache, Alhou tsükeu sho kibepu,

YEKIKITHI AKINIU 8:13

eno Moses zakütsü kiqi lono tsalakipetsü akümllagho pesü tsüe: Sabbath tsala, aqhi kithe, eno ampe lo tiqhetini küthü—Kholaqhi Sümokeu Sho, Ghile Tiqhetini, eno Apusho lo Pine Tiqhetini.

EZRA 6:3

Akükau Cyrus mpe atüghüu lo, akükau Cyrus no xaküthaza lakhi tsü: Alhou ki Jerusalem lo akeu ghenguno, a-a khileno aghakishi mlla cheni keno aki tipau shiqhe kithelu pelo eno tipa boqhaqo gholuve pelo. Akiqhelau auxakuchho muku tsüni eno akijelau auxakuchho muku tsüni,

NEHEMIA 10:34

Ningu achinemi ngo Levimi eno timi kümtsü no asü kipti kümllagho ghenguno asaqhi ani eno ti ye ampe ampe lo, ado kihitha tsükeu lono, eno ningu alagha kiqi lono, ni Lhou kilo pesü iloghi no akiptia lono piti mlla nike piqhi ani, hi ye Ayezah lo akeu kiqi lono ke.

IPEKULU 25:30

Akimthe sho ye alhokuthu I zülo akibepu shou qhilo.

IPEKULU 29:38

“Akümlla-khache lo nono mllani keu ye hike: tsala kipetsü ampe lakhi mbeti kini.

IPEKULU 29:39

Ambeti lakhi no inaqhe no eno lakhiu no avelau no mllani.

IPEKULU 29:41

Inaqhe kümllagho, Ampeu lopu xokütsüngü, achuqupu kümllagho tsü ketoi, ambeti akiniu avelau no athi kümllagho ngo atsaizü kümllagho gholono pesü mllani.

IPEKULU 30:7

Eno tipau shou Aaron pelo axokütsüngü piti mlla pelo. Inaqhe atsütsü kughou pa no akulu küqüni keno axokütsüngü pitilo,

ACHINE 23:2

“Israelmi pütsa no pilo, Ampeu lau tiqhetini hipaqo ye akimthe hoho kiqi lono sheshu lo; hipaqo ye I no kihitha tsüke.

ACHINE 9:17

Inaqhe akipti kümllagho nguno alau pa no athi kümllagho peithatsü, akümllagho süghi keu lono pa u kichhi lakhi luve no akiptia lono pitive.

AKIKIHI 28:11

Aqhi bothu lo Ampeu lau akipti kümllagho hitoi tsülo: tukutiye kühakeu mishitsü kini, anetsü lakhi, ampe lakhi mbetsü tsüni;

AKIKIHI 28:9

“Sabbath tsala loye ampe lakhi mbetsü tukutiye kühakeu kini, athi kümllagho shi ashomkhu ahu bidi thazü gholono kunuve keu, eno atsaizü kümllagho tsülo: