YEKIKITHI AKINIU 19:10 - Sumi Naga CL (Re-edited) Bible (BSI)

¹⁰ kughou no thiküzümi mishighüna lo ache kemi launo atsakügha kepu nongu lau süghini keno, ti ye aji peleve keu vehu, momu ayezah, azakütsü, pimheye vehu lo, nongu ye panongu ghutu masae, tishianguno panongu ye Ampeu zülo akipimi shimo nani, momu aloghu no nongu eno no thiküzümi shou ikughimo nani. Hitoi shi aye, nongu ye akipimi shimo nani.

BAIBEL (BSI)

¹⁰ Kugho kughomu noghakhumi akusami lakhino aphughiqo gholo lakhi lono timi heqhive keu tsa kughanike nongu zulo sughini momu ayezah eno ahza hexave keu kutau kiuala sughi kelo panongu tsa kugha akelo panoqo ye kiu toi kishi kutokupui masa keno nonguno panoqo lau akukutsu tsa tsulo tishianguno panongu pelo AMPEU shou axine kuiqu shipemoni ke. Nonguno titoi shimo napiaye nongu eno noghakhumiqo ye AMPEU loghu kighide pukepu shive nani. Ikemu nongu kumlapu saje shilu aye nonguye akuiqupu angsu shimo nani.

YEKIKITHI AKINIU 19:10 Iomraidhean Croise

YEKIKITHI AKINIU 19:2

Ikemu Hanani nu tungkupu Jehu no akükau sasü kushoni ye ighi no pi, “No ye kixikilami kuphu eno Ampeu mithi chekemi kimiye masave keshea? Hi ghenguno Ampeu loghu o shou ighivae.

YEKIKITHI AKINIU 19:9

Pa no azah panongu tsü: “Nongu ye Ampeu sükümsa, amikucho eno amlo kuchou no hitoi shilo:

IPEKULU 18:16

kughou panongu no kütsala keu ani keno, I lau ighi no I no milakhikhi dolo xathatsü cheni, eno panoqo pelo Alhou khuaye ngo ayezah ithipe chenie.”

EZEKEL 3:17

“Timi nu, I no o pesü Israel laghami ghukheu shive tsüae. Kughou nono I kichi lono atsa chiluni keno, no ye I ghenguno panoqo ghutu pilo.

EZEKEL 33:6

Ikemu aghukheu no azütakikihi cheghi keu ithulu anamu afuko küigha move, tishikeu lono timiqo ghutu move, eno azütakikihi ighive no panoqo khukhumu yive aye, timi tipau ye pa kipimi lono yivae, ikemu pa ji ye I no aghukheu launo khu nani.

AKIKIHI 16:46

Eno Moses no Aaron vilo pi, “O mikhu ikhilu püzü akümlla-khache lono ami küqüpe süluve lo eno axokütsüngü tipau shou bepüzü mtazü tipau pesü timiqo lau wulo eno panoqo ghenguno aghakishi kümlla tsüve lo kughengu Ampeu loghu ipeghive no püsa huthuvae.”

AKIKIHI 17:11

Ampeu no azah tsüke toi Moses no shive.

Apostolmi 20:31

Tighenguno tsükhüi alo, I no anhezü piji, ampe küthü kutolo tamono putho pucho nongu lakhikhi shika chekeu kümsü lulo.

ZAKINIU 21:5

Tishino Ampeu nongu Lhou no Pa qe penike eno Pa je lono kümghatsü penike kishelu keqo Levimi achinemi no ighi no panongu tsa vecheo aküküpna eno hekiqhi jeli xatha tsüni.

1 Thes. 5:14

Athiküzümiqo, nino nongu hakite ani, akipichimi lomipi lo, amlo kulotimi shikumto lo, miqemlei kemi kuphulo, panongu kümtsü lau kutuu kulu shilo.