YEKIKITHI AKINIU 17:3 - Sumi Naga CL (Re-edited) Bible (BSI)

³ Ampeu no Jehoshaphat gholo ae, kughengu pa no pasü David yepe bothu lo toi shike. Pa ye Baal mllamoe,

BAIBEL (BSI)

³ AMPEU no Jehosafat kumghatsu kughengu pano papu kuxu atughulo kishi shiche keno tipau papeke eno Baal mllamoe.

YEKIKITHI AKINIU 17:3 Iomraidhean Croise

BOTHUBO 39:21

Ikemu Ampeu no Joseph gholo ae eno Paw iqemokeu kikimiye pa piye eno akughu kheu nhethe lo pa kimiyeqhiyi ithulu pe.

SAMUEL AKINIU 5:10

David ye alau akumto shive, kughengu Ampeu, Aqokitikhi Lhou no pa gholo ae.

SAMUEL AKINIU 8:15

David no Israel kümtsü shou ayepe luve. Pa no kuchou xakütha eno aqhemi lono timi kümtsü shou ayepe.

KUKAMI ATUGHIU 11:6

Pa pu David toi mono Solomon ye Ampeu zülo xine shiuve eno amlo kuchopu no Ampeu pape move.

KUKAMI ATUGHIU 22:43

Pa ye pa pu Asa no shikeu kümla kümtsü shino Ampeu zülo kiu no achipi keno ti likhi shike, tipau lono tsüghüve moe. Ikemu qhemghai ke-a ye hephomo eno timiqo ye tipaqo lono aghashi eno akümllagho pesü tsüche.

KUKAMI ATUGHIU 3:3

Solomon no Ampeu kimiye eno papu David pimheyeqo papeche, ikemu pa ye qhemghaike-a lono aghashipe mlla che.

KUKAMI AKINIU 14:3

Pa ye kiu no Ampeu zülo achipi keno shike, ikemu pasü David toi kumoe. Papu Joash no kiu mla keno, thokha pa ghi shike.

KUKAMI AKINIU 16:2

Pa ye ampe muku shi akelono Jerusalem lono ampe chighitsügho ayepelu. Pasü David no Ampeu zülo achipiu shicheke toi pa ye shimoe,

KUKAMI AKINIU 18:3

Pasü David no shike toi pa ye thokha kiu no Ampeu zülo achipi keno shike.

KUKAMI AKINIU 22:2

Pa ye Ampeu zülo kiu no achipi keno shino pasü David no shikeu thokha shi, eno pa ye piyiumu ajeumu tsüghüve moe.

YEKIKITHI ATUGHIU 22:18

“Ampeu nongu Lhou ye nongu gholo küha keshea? Pa ye ala jeli lono aloino keu pesü nongu tsüke kumo? Kughengu Pa no hipa cheaxü lo ache kemi pesü I u lo sütsü no Pa eno Paw timiqo zülono ayeghi hi qhasülue.

YEKIKITHI AKINIU 14:11

Asa no Ampeu pa Lhou lau ighamku inikhu, “O Ampeu, akumtomi ngo miqemlei kemi dolo kuphu tsüni keu O toike khumu kühae. Ni kuphu tsülo, kughengu ningu ye O shou pükhü ani, eno O je lono ningu ye aqokitikhi sasü kumjoni ke ighi ani. O Ampeu, No ye ni Lhou ke, khuu pelomu ni theqhivepe kevilo.”

YEKIKITHI AKINIU 15:2

eno pa no Asa sasü kusholu nike wuno pi, “Asa, eno nongu Judah ngo Benjamin lo küami kümtsü I tsa inilo: Ampeu ye nongu no Pa gholo ake tivilo nongu gholo ani. Nongu no Pa phu aye phulu nani, ikemu nongu no Pa pheve aye, Pa no nongu pheve nani.

YEKIKITHI AKINIU 17:2

Pa no Judah lo aliwo kumto mishighüna kümtsü lo, eno Ephraim lo mishighüna papu Asa no hakholu keu kümtsü lo aghukhemi qhive.

YEKIKITHI AKINIU 17:4

ikemu pa puasüqo Lhou phuke, eno Israelmi khuaye kumono Alhou zakütsüqo pape.

YEKIKITHI AKINIU 20:32

Pa ye papu Asa no shikeu kümla kümtsü shike, eno Ampeu zülo kiu no achipi keno ti likhi shino tipau lono tsüghüve moe.

YEKIKITHI AKINIU 21:12

Elijah tungkupu no Jehoram lau yesü lakhi hitoi tsü puwu: “Ampeu o sü David Lhou no ishi piani, nono o pu Jehoshaphat la lo chemo momu Judah kükau Asa la lo chemove kehu,

YEKIKITHI AKINIU 22:9

Pa no Ahaziah phuwu no Samaria lo itshü aghi kelono küghaluve. Panongu no pa sasü Jehu lau ighi no pithive. Panongu no pa shiqhove, kughengu panongu no pi, “Pa ye amlo kuchopu no Ampeu phu chekeu Jehoshaphat tilimi ke.” Eno Ahaziah kibo lo lakhimu kükaqha lo ayepeni keu kühave.

YEKIKITHI AKINIU 27:6

Ikehu Jotham ye akumto shive kughengu pa no Ampeu zülo müzüchoi xüke.

YEKIKITHI AKINIU 29:2

Pa sü David no shike toi pa ye thokha kiu no Ampeu zülo achipi keno shike.

YEKIKITHI AKINIU 34:2

Pa ye Ampeu zülo kiu no achipi keno shike eno pa sü David no shikeu thokha shino piyiumu ajeumu tsüghü wuve moe.

LESHELE 46:11

Aqokitikhi Mpeu ye ni gholo ani; Jacob Lhou ye ni sükusho liwo ke.

LESHELE 46:7

Aqokitikhi Mpeu ye ningu gholo ani; Jacob Lhou ye niw sükusho liwo ke.

IPEKULU 3:12

Pa no pi, “Ikemu I no o gholo anani, eno I no o puwu akeu shi hi no o ghenguno amchipu shi nani: kughou nono timiqo Egypt lono saipeghini keno, no ye naghuto hipau lono Alhou qe nani.”

IPEKULU 4:12

Tighenguno itehi wulo, eno I no o gholo shino nono kiu pikepu keno o shika nanie.”

ISAIAH 41:10

I no o sacheni ke msa kevilo; aghüthisü kevilo kughengu Ni ye o Lhou ke; I no o shikumto eno o kuphu nani, I chipiu mikucho pesü I no o süqhe nani.

ISAIAH 8:10

Kughu küqhaju lo, ikemu avehu shimo nani; atsa pijulo, ikemu tolumo nani, kughengu Alhou no ni gholo anie.

JEREMIYA 2:23

No ye kishino ‘Ni ye Baal lhouqo lau wu püamo ke kitiqe mphi,’ ipini kea? Akhila lo o laghi julo; nono kiu mlave akeno ithilo, sayeshi lhothe no ngosümla no hile hule powu aketoi,

MATTHEW 1:23

“Julo, ilimi huno mishipuve no anu lakhi punu nani, eno panongu no pa je Immanuel kutsü nani” (Immanuel kiqi ye Alhou no ni gholo ani).

MATTHEW 18:20

Kughengu I je lono khilehi mikini momu miküthü kumqoni keno ni ye tile panoqo gholo ani.”

MATTHEW 25:16

Aqemi khuu ghüka 5,000 ithulu keno pa no mtazü wuno tipaqo pesü kimje, eno ghüka 5,000 ala kimje luve.

MATTHEW 28:20

eno I no azah nongu tsükeu kümtsü pelu penike panoqo shikalo. Eno julo, tiqheli shekha kutolo ni ye alhokuthu nongu gholo anani.”

2 Tim. 4:22

Ampeu no o ghungu gholo apeniu. Ampeuw Küpükini no o gholo apeniu.

JOSHUA 1:5

Nono xüake tivilo timi khunomu o theqhimla nani. I no Moses gholo acheke toi o gholo anani. Ni ye khilemu o qhivemo momu o phevemo nani.

JOSHUA 1:9

Akumto shilo eno amlo kuloghi shilopi azah o tsüve ake kumo keshea? Msa kevi momu amlo tülalo kevilo kughengu ni Ampeu o Lhou ye nono khilekhile chemu, o gholo che nani.”

XAKUTHAMI 2:11

Israelmi no Ampeu zülo küsakügha shiuve eno Baal mllau khave.

XAKUTHAMI 2:18

Kugho kughomu Ampeu no panongu ghenguno xaküthami süsü aye, Ampeu no pa gholo ache, eno pa küxü tivilo pa no aghümi u lono timiqo xaphe che. Kughengu aghümi no ghime keu ghügha ghenguno Ampeu no panongu kimiyeve cheke.

XAKUTHAMI 6:12

AMPEUw kungumi no pa lau ipeghi no pi, “Ampeu no o gholo ani, O, aghü kivimi.”

XAKUTHAMI 8:33

Gideon thive kemtsa, Israelmi ye itaghi idewo Baal mllauve no Baal-berith pesü pano lhou shive.

SAMUEL ATUGHIU 18:12

Saul ye David msave kughengu Ampeu no pa qhive no David gholo auveke.

SAMUEL ATUGHIU 18:14

Eno pa no shikeu kümtsü lo tokulu shilu, kughengu Ampeu no pa gholo ake.

SAMUEL ATUGHIU 18:5

David ye Saul no khile pa puwu keno tokulu shi, ikehu Saul no pa pesü ghüshimi shou atou shive. Eno hi ye timiqo eno Saul qemi zülo akivi shilue.