YEKIKITHI AKINIU 16:8 - Sumi Naga CL (Re-edited) Bible (BSI)

⁸ Ethiopiami ngo Libyami ye ghüshimi kihikha kümlapu shi akeu gholo khurkulu ngo khurshimi kutomo ake kumo keshea? Ikeghi nono Ampeu pükhü ke ghenguno Pa no tipaqo pesü o u lo sütsüke kumo keshea?

BAIBEL (BSI)

⁸ Sudanmi ngo Libiyami khurkulu ngo khurshimi kutomo akeu ghushimi kuha kesha? Ikemu nono AMPEU pukhu ke ghenguno panoqo shou pano opelo tokulu shilupeke.

YEKIKITHI AKINIU 16:8 Iomraidhean Croise

YEKIKITHI AKINIU 12:3

Khurkulu 1,200, khurshimi 60,000, eno kihikha kümla ghüshimi no Shishak sasü Egypt lono ighi—tipaqo ye Libya, Sukkim, eno Ethiopia timiqo ke.

YEKIKITHI AKINIU 13:16

Israelmi no Judahmi zülono pove, eno Alhou no panongu pesü Judah u lo sütsü.

YEKIKITHI AKINIU 13:18

Judahmi no Israelmi mhoqhive, kughengu panongu no Ampeu pano puasü Lhou shou pükhübe ke.

YEKIKITHI AKINIU 14:8

Asa ye Judah lono ghüshimi azüto kijeje kipemi ngo angu kipemi lakh küthü, eno Benjamin lono azüto kipemi ngo shexilika kipemi lakh kini qhethonhe lhotache ache. Hipaqo kümtsü aghütomi ke.

YEKIKITHI AKINIU 16:7

Tipa ghuloki lo tungkupu Hanani no Judah kükau Asa lau wuno pi, “Nono Ampeu o Lhou pükhüni ke züqhulo Syria kükau shou pükhübe kehu, Syria kükau ghüshimi ye o launo poka luvae.

YEKIKITHI AKINIU 24:24

Syria ghüshimi ye aghulo likhi ighi keghi Ampeu no panoqo pelo ghüshimi kutomo shou toluvepe, kughengu Judah no Ampeu pano puasü Lhou qhiveke. Hitoi panongu no Joash shou küghathabe.

ISAIAH 18:2

amtübo shuka lono lashikami pesü aghoki lono puwu chekeu! Nongu akümthü ghinimi, puyelei eno qhemghai kemi shiye lau, aphivilo eno putou küami no msa chekeu, akumto eno qhaküsü shiye lau wulo, aghokiqo no pano yeghi kotha ani.

NAHUM 3:9

Cush eno Egypt ghi kihikütha kühano li kumtopu lakhi shiche; Put ngo Libyami ye li kukuphumi shiche.