YEKIKITHI AKINIU 16:7 - Sumi Naga CL (Re-edited) Bible (BSI)

⁷ Tipa ghuloki lo tungkupu Hanani no Judah kükau Asa lau wuno pi, “Nono Ampeu o Lhou pükhüni ke züqhulo Syria kükau shou pükhübe kehu, Syria kükau ghüshimi ye o launo poka luvae.

BAIBEL (BSI)

⁷ Tipa ghulokilo tungkupu Hanani no Akukau Asa lau wuno pi, “Nono AMPEU oLhou pukhuni ke zuqhulo Siriya kukau shou pukhube ke ghenguno Israil Kukau wu ghushimi ye olauno pokaluveke.

YEKIKITHI AKINIU 16:7 Iomraidhean Croise

KUKAMI ATUGHIU 15:19

“Nikujo papu dolo visho aketoi nikujo dolo ghi apelo. I no ghükayi ngo ameshoyi pesü agho o tsüpuwu ani. Ikehu Israel kükau Baasha lau visho shipüa keu xachileve lo, tishiaye, pa ye I launo idewove nani.”

KUKAMI ATUGHIU 16:1

Ampeu tsa Hanani nu Jehu vecheo Baasha shou ishi ighi,

KUKAMI ATUGHIU 16:7

Tinguno alau, Ampeu tsa Hanani nu Jehu tungkupu vecheo Baasha ngo pa kibolomi lau ighikeu ye pa no Jeroboam kibolomi toi Ampeu zülo axine shikeu lono Pa mlo shikighide tsü, eno pa no Jeroboam kibolomi kütsave kehue.

KUKAMI AKINIU 18:5

Hezekiah no Ampeu Israel Lhou shou shishe pülübe, pa züumu pa thiumu Judah kükami khumu pa toike ipeghi moe.

YEKIKITHI ATUGHIU 5:20

Panongu no Hagritmi ngo pano gholo akemi shou toluve, kughengu panongu no aghüshiqa lono Alhou lau pükhübe no kuphu penike khekulhoshi khu kelo Alhou no chilu tsüno aghümi pesü pano u lo sütsüe.

YEKIKITHI AKINIU 13:18

Judahmi no Israelmi mhoqhive, kughengu panongu no Ampeu pano puasü Lhou shou pükhübe ke.

YEKIKITHI AKINIU 14:11

Asa no Ampeu pa Lhou lau ighamku inikhu, “O Ampeu, akumtomi ngo miqemlei kemi dolo kuphu tsüni keu O toike khumu kühae. Ni kuphu tsülo, kughengu ningu ye O shou pükhü ani, eno O je lono ningu ye aqokitikhi sasü kumjoni ke ighi ani. O Ampeu, No ye ni Lhou ke, khuu pelomu ni theqhivepe kevilo.”

YEKIKITHI AKINIU 16:6

Tileno Akükau Asa no Judah timi kümtsü sasü wuno Ramah shiqhe akeu lo atu eno asüpa luve no pewo Geba ngo Mizpah shiqheve.

YEKIKITHI AKINIU 19:2

Ikemu Hanani nu tungkupu Jehu no akükau sasü kushoni ye ighi no pi, “No ye kixikilami kuphu eno Ampeu mithi chekemi kimiye masave keshea? Hi ghenguno Ampeu loghu o shou ighivae.

YEKIKITHI AKINIU 20:32

Pa ye papu Asa no shikeu kümla kümtsü shike, eno Ampeu zülo kiu no achipi keno ti likhi shino tipau lono tsüghüve moe.

YEKIKITHI AKINIU 20:34

Jehoshaphat kümla küghütha kütau abothu lono ashekha kutolo, Hanani nu Jehu yekikithi lo yepüani, ti ye Israel Kükami Kaku lo ani.

YEKIKITHI AKINIU 24:24

Syria ghüshimi ye aghulo likhi ighi keghi Ampeu no panoqo pelo ghüshimi kutomo shou toluvepe, kughengu Judah no Ampeu pano puasü Lhou qhiveke. Hitoi panongu no Joash shou küghathabe.

ISAIAH 31:1

Israelmiw Akimtheu, Ampeu pükhümo momu inijumo no Egypt lo khurkulu kutomo aghikeu eno khurshimi no ighono mtotoi aghikeu pükhüpe akukuphu lakuju lono tilau iqi kemi hasapue!

ISAIAH 32:2

Pama ye pasapagha lo akicheqho, amülhü lo aküghütshü-a toi nani, agha itsümoke-a lo atuqu ijelu ketoi, qhaike-a lo aghoki zü hutoi nani.

ISAIAH 39:3

Tileno tungkupu Isaiah no pa lau ighi no pi, “Timi hipaqo ye khilano ighi eno kiu sütsa peighi kea?” Hezekiah no khochile, “Panongu ye aghache ghakhu Babylon lono I lau ighie.”