YEKIKITHI AKINIU 16:2 - Sumi Naga CL (Re-edited) Bible (BSI)

² Tile Asa no Ampeu ki eno kükaki lo akini pekükütsü chebo lo qhipüa keu ghükayi ngo ameshoyi kümtsü Damascus lo Syria kükau Ben-hadad tsüpuwu no pi,

BAIBEL (BSI)

² Tighenguno Asa no Achineki ngo kukaki lono tsandiyi ngo shuna pesu Damaska lo Siriya kukau Benhadad lau tsupuwu puzu asutsa hipau tsupe:

YEKIKITHI AKINIU 16:2 Iomraidhean Croise

KUKAMI ATUGHIU 15:18

Tileno Asa no Ampeu kilo eno kükaki lo akini küakini ghükayi eno ameshoyi kümtsü pa qemi u lo sütsü no Damascus lo Hezion nu Tabrimmon nu Syria kükau Ben-hadad lau puwu no pipe,

KUKAMI AKINIU 12:18

Judah kükau Joash no pa züu Judah kükami Jehoshaphat ngo Joram eno papu Ahaziah no akimthe kümllagho tsükeu, paw akimthe kümllagho gholono Ampeu kilo akini pekükütsü chebo, akükau kilo ameshoyi aghikeu kümtsü pesü Syria kükau Hazael tsü puwuve. Tileno Hazael ye Jerusalem lono idewove.

KUKAMI AKINIU 16:8

Ahaz no achineki eno kükaki lono ghükayi ngo ameshoyi ithulu keqo pesü Assyria kükau lau aküzü-agho shi tsüpuwu.

KUKAMI AKINIU 18:15

Hezekiah no Ampeu ki ngo kükaki lo akini pekükütsü chebo lo ghükayi aghi keu kümtsü pesü tsüve.

YEKIKITHI AKINIU 16:1

Asa yepe mpe shighi akütsüghou lono Israel kükau Baasha no Judah leighi, eno Judah kükau Asa lau ipeilo keu kümtsü lakhave tsüniye Ramah phughi shiqheve.

YEKIKITHI AKINIU 16:3

“Nikujo papu pama dolo visho acheke toi, nikujo dolo ghi anie. Julo, I no ghükayi ngo ameshoyi o tsüpuwu ani. Tighenguno Israel kükau Baasha lau visho shipüa keu xachileve lo. Nono tishi aye, pa ye I launo idechile wove nani.”

YEKIKITHI AKINIU 28:21

Kughengu Ahaz no Ampeu kilo, kükaki lo, eno sakiphemi ki lono akini qhakütsü no sükusho süqha shi Assyria kükau lau tsüpuwu, ikemu tinomu pa kuphu mlave.

JEREMIYA 49:23

Damascus ghenguno: “Hamath ngo Arpad ye avesavae, kughengu panongu ye asütsa lhoksa chiluvae; akümsa no kütakihivae, azüghi no qümüi mla ketoi auvae.