YEKIKITHI AKINIU 15:15 - Sumi Naga CL (Re-edited) Bible (BSI)

¹⁵ Judahmi kümtsü no puloshoqhi ghenguno alovi, kughengu panongu no amlo kümtsü süno ashoqhi shi, eno pulopinyi Pa phu kelo phulue. Ikehu Ampeu no aqha kümtsü lono alokughuno panoqo tsüe.

BAIBEL (BSI)

¹⁵ Juda lo akemi kumtsu alokivi shive kughengu panonguno amlo kuchopu supuzu puloshoqhi hipau shi luke. Panonguye AMPEU mllani keulo azukuvu shike eno pano panoqo ikhilu eno aqha kumtsulo alokughuno panoqo tsue.

YEKIKITHI AKINIU 15:15 Iomraidhean Croise

KUKAMI AKINIU 23:3

Akükau no atsükucho phivilo puthugho no pa mlo kuchopu eno pa ngulho kuchopu süno Ampeu pape, Pa zakütsü, pimheye, eno xaküthaza gholu nike Ampeu zülo puloshoqhi shi, eno puloshoqhi kaku lo yepüakeu tsaqo pekupu nike piqhie. Timi kümtsü no puloshoqhi tipau lo pulo küqhave.

YEKIKITHI ATUGHIU 16:10

Pa kimthe jelo ajuküvüpu shilo; Ampeu phukemi no alovilo!

YEKIKITHI AKINIU 11:16

Israel shiaye dolo khunono Ampeu Israel Lhou mllani shikeno tipaqo ye Levimi papesü Jerusalem lo wuve, eno panongu no Ampeu pano puasü Lhou lau aghashie.

YEKIKITHI AKINIU 14:6

Pa no Judah lo aliwo kumto mishighünaqo shiqhe, kughengu aghakhu ye akulhoqhi ake. Tipa ghuloki lo pa ye aghü shimoe kughengu Ampeu no alokughuno pa tsüke.

YEKIKITHI AKINIU 14:7

Pa no Judah lo akemi vilo pi, “Ningu mishighüna hipaqo shiqheni ighilo, eno tipaqo homxape aliwo ngo qogheki eno khagho ngo akhaduqo mlanie. Aghakhu hi ye niw aphi, kughengu nino Ampeu ni Lhou phu kelo Pa no ako kümtsü lono iqüghai keu ningu tsüe.” Ikehu panongu no shiqhe eno ikoishelu.

YEKIKITHI AKINIU 15:12

Panongu no pano mlo kümtsü eno angulho kümtsü süno Ampeu pano puasü Lhou phunike puloshoqhi shive,

YEKIKITHI AKINIU 15:14

Panongu no afuko ngo akibo küigha no asütsa kuloghi lono Ampeu lau ashoqhi shive.

YEKIKITHI AKINIU 15:2

eno pa no Asa sasü kusholu nike wuno pi, “Asa, eno nongu Judah ngo Benjamin lo küami kümtsü I tsa inilo: Ampeu ye nongu no Pa gholo ake tivilo nongu gholo ani. Nongu no Pa phu aye phulu nani, ikemu nongu no Pa pheve aye, Pa no nongu pheve nani.

YEKIKITHI AKINIU 15:4

Ikemu kughou panow shiluküsa lono panongu no Ampeu Israel Lhou lau ideighi no Pa phu keno, panongu no Pa phulue.

YEKIKITHI AKINIU 15:6

Panongu pesü atachu shi hephove, shiye no shiye qhasü eno aphughi no aphughi qhasü, kughengu Alhou no aküküpna jeli pesü panongu pünaqhi ke.

YEKIKITHI AKINIU 19:3

Tishimu o lolo akivi hami phulue, ti ye nono Asherah julho aghakhu lono ikhive tsüno o mlo tsüqhiyi Alhou phuke.”

YEKIKITHI AKINIU 20:30

Jehoshaphat yekipeqha ye iqüghai lue, kughengu pa Lhou no aqha kümtsü lono pa kulhoqhi tsüke.

YEKIKITHI AKINIU 29:10

Itehi Ampeu, Israel Lhou sasü puloshoqhi shinike I no xatha luvae, tishianguno Pa xukighide ningu launo tave peni.

YEKIKITHI AKINIU 29:36

Hezekiah ngo timi kümtsü no alovi kughengu Alhou no timiqo ghenguno pekithi tsükeu vecheo hi kümtsü paikhavi lono shiluve ke.

YEKIKITHI AKINIU 34:31

Akükau no puthugho no pa mlo eno pa ngulho kuchopu no Ampeu papeni ke, eno Pa zakütsü, akhuaye eno pimheyeqo gholuni ke, Ampeu zülo puloshoqhi shi, eno puloshoqhi kaku lo yepüa keu tsaqo pekupu nike piqhi.

NEHEMIA 8:9

Angh Nehemiah ngo Achineu Ezra gholo Ayezah kiyemi eno timi shika akeqo Levimi no timi kümtsü vilo pi, “Atsala hipau ye nongu Lhou Ampeu lau akimthe shikeu tsalae, tighenguno mloqa momu ighaqa kevilo.”

JOB 34:29

Pa no iqünheive namu khuu no akipimi Pa tsüluni kea? Pa no Pa gi küsüluve kelo shiye na lüthü namu khuu no Pa ithuluni kea?

LESHELE 119:10

I mlo kuchopu pesü I no O phucheni; I pelo O zakütsüqo launo itsüsü wuvepe kevilo!

LESHELE 119:106

O mikucho pimheye pape nike I no ashoqhi lakhi shino tipau shikupu luvae.

LESHELE 119:111

O zakütsüqo ye lhokta kutolo I mheghi ke, kughengu tipaqo no I mlo lo alokivi süghi tsü cheni.

LESHELE 32:11

O amikuchomi, Ampeu lau alokiqi shino alovilo, eno nongu amlo kümzümiqo, alovi ighamku lo.

IPEKULU 24:3

Moses no ideighi no timiqo vilo Ampeu tsa eno akhuaye kümtsü pive. Eno timi kümtsü no asütsa lakhi lono khochile pi, “Ampeu no atsa piqhive keu kümtsü ningu no shini.”

AHOLE 3:17

Li laghi ye alokiqipu laghi eno li laghi kümtsü iqüghai ke likhie.

ISAIAH 26:8

O Ampeu, Ow küghakütha laghi lono nino O laju khe ani; O je eno O kümsüchilelu keu no ni ngulho no mine chekeu ke.

ISAIAH 45:19

Ni ye aküzü yeghi lono tuqhou no pi püanike kumoe; Ni ye Jacob kughukomi vilo, ‘Adou lono I phulo,’ ipimoe. Ni Ampeu ye kuchou tsa picheni; Ni ye kiu no achipi keno ti sheshu cheni.

2 Kor. 1:12

Kughengu ni qheküzapu ye hi ke, ni lolo kiviküsa lotsü no ashepe tsü anike ningu ye ayeghi lo akikhi eno Alhou lau amlo tsüqhiyi shi, ayeghi lo lokütsü lono kumono Alhouw küpükini lono xücheni, eno akhoto no nongu lau tishi acheni.

ZAKINIU 26:11

Ampeu nongu Lhou no thokha akivi pesü tsüke ghenguno nongu eno no kibolomi, Levimi eno kachenami no gholo akemi sasü alovilo.

FILIPIAMI 1:23

Ni ye hi küma dolo I tsakibipe ani: hipa yeghi qhive no Ampeu gholo auve keu pavi keke tiuno I pulou shi ani;

JOSHUA 23:1

Ampeu no Israelmi pano hokümxa lo aghümi launo akulho qhitsü keu ado kushuo thiu, Joshua ye ighono kitemi shive.

JOSHUA 24:25

Tighenguno Joshua no timiqo sasü tipa tsala lo Shechem lono puloshoqhi shino pape kepu khuayeqo kithipe qhitsü.