YEKIKITHI AKINIU 14:14 - Sumi Naga CL (Re-edited) Bible (BSI)

¹⁴ Panongu no Gerar hokümxa lo mishighünaqo kümtsü leluve, Ampeu kümsa no kümtsü shou ikughive. Panongu no mishighüna kümtsü xüleve tsü, kughengu tile xulelu kepu kutomo ake.

BAIBEL (BSI)

¹⁴ Tithiu panonguno Gerar hokumxa qhalo aphughiqo kutsaleve tsu kughengu timiqoye AMPEU no shikumsave tsuke. Ghushimino aphughi tipaqo kumtsu tulepinyive tsu eno thime kumzapu khasupe leluve.

YEKIKITHI AKINIU 14:14 Iomraidhean Croise

BOTHUBO 35:5

Panongu no chesü wuche kelo, Alhou launo thüghüi kepu lakhi panongu hokümxa lo mishighünaqo shou ikughive, ikehu panongu ye Jacob nuliqo hawu move.

KUKAMI ATUGHIU 15:23

Akükau Asa kümla kütau, pa kumto kümla eno pa no kiu shi keno kümtsü Judah Kükami Yekikithi Kaku lo yepüani ke kumo keshea? Ikemu pa teasü loye pa pukhu lo aküsü ikughive.

KUKAMI AKINIU 7:16

Tithiu timiqo no ipeghi no Syriami ghazü kümtsü lheluve. Ampeu no pike toi ashomkhu akiviu ahu küthü lo ghükayi lakhi eno ashothi ahu tsügho lo ghükayi lakhi no je.

YEKIKITHI AKINIU 14:15

Panongu no lhoxü kipighimi phiki ghixüve tsüno ambe ngo sayeshi kütsasa sasü wuve. Tishino panongu ye Jerusalem lo idewove.

YEKIKITHI AKINIU 17:10

Judah cheaxü lo kükaqha kümtsü lo Ampeu kümsa ighive, eno khunomu Jehoshaphat sasü aghü shimove.

YEKIKITHI AKINIU 20:25

Kughou Jehoshaphat ngo paw timiqo no anhemgha likütsü niye ighi keno panongu no tile thime kivi, aphimini, akughupu thime, kutomo ithulu no pütüta no pemlave ke kutolo hekütsü lue. Tipaqo no kütsasa kehu panongu ye ti pekishe keu no atsala küthü puwove.

YEKIKITHI AKINIU 20:29

Ampeu kümsa no aghakhu kükaqha kümtsü shou ikughive, kughengu Ampeu no Israelmi ghümi sasü aghü shikeu panongu no chiluve.

JOB 15:21

Pa kini lo thüghüi keu sütsa acheni, alokughuno shi akelono shiküpsami no pa shou leighive cheni.

LESHELE 68:12

“Ghüshimi kükami—panoqo ye povae, pokhavae!” Totimi aki lo akeqo no hakhokulu thime kije luvae.

ISAIAH 31:9

Pano sükushou ngo kijemi no msa kelauno amchipu qhive no atuthu küha kuhave nani,” ipi Ampeu, khuu miküqü no Zion lo acheni keno, Jerusalem lo küau no shuphe ani.

ISAIAH 33:23

Nongu kighi ye ichonhei ani; tino ashuka tsükucho mtotoi mlano fusawu kepu phi xakholu amoe. Tishino hakhokulu thimeqo pofushi kije no kulhokughomi ghi pano saje ithulu nani.

Rommi 8:37

Moe, Khuu no ningu kimiye cheni keno Pa vecheo ningu ye hi kümtsü lo aghütomi nguno alau tokulupu ani.

ZAKINIU 2:25

Ishi tsala nguno I no atsütsü qholo nongu ghili chilu kemi ashiaye kümtsü pelo nongu msauve peni eno nongu zülo khokhoshi peni.’

JOSHUA 2:24

Pama no Joshua vilo pi, “Kuchou no Ampeu no ayeghi kuchopu pesü ni tsüvae. Eno tile küami kümtsü no ningu msa auvae.”

JOSHUA 5:1

Jordan ghoki kulolau Amorimi kükami eno azüghi mkülo Canaanmi kükami kümtsü Ampeu no Israelmi no Jordan kathalu mphi kutolo Ampeu no qhaive tsükeu sütsa chilu kemtsa, panongu mlo hauve eno Israelmi ghili kümsüpe aghungu aphi ije move.

XAKUTHAMI 14:19

Tileno Ampeu Ghungu no pa shou ikughive, eno pa no Ashkelon lo iqi no tile xüküami shighi heqhive no pano phiminiqo hakho pewo sülekutho pikeqo tsüve. Pa ye ighono amloidesü papu kilo idewove.

SAMUEL ATUGHIU 14:15

Tile kichimamai keu no aghazü lo, aluza lo, eno timiqo gholo ighive. Ghüshimi mqo eno akilemi ghi thüthüshi, ayeghi no ithauve, eno tino shishe kichimamaive.