YEKIKITHI AKINIU 13:15 - Sumi Naga CL (Re-edited) Bible (BSI)

¹⁵ Tishino Judahmi no aghügha kije lono aghüleku. Kughou Judahmi no igha keno, Alhou no Abijah ngo Judah zülono Jeroboam ngo Israelmi kümtsü theqhive.

BAIBEL (BSI)

¹⁵ Juda lono ighikeqo no aghugha kuloghi shi igha eno Abija no saphe puzu lethuve; Alhou no Jeroboam ngo Israil ghushimi leluve.

YEKIKITHI AKINIU 13:15 Iomraidhean Croise

KUKAMI AKINIU 5:1

Syria kükau ghüshimi shou zatsüu, Naaman ye pa kükau zülo akighichemi eno amlo kuchuu lakhi, kughengu Ampeu no pa vecheo tokulu pesü Syriami tsüe. Pa ye aghütomi ikemu apügha puche.

YEKIKITHI AKINIU 14:11

Asa no Ampeu pa Lhou lau ighamku inikhu, “O Ampeu, akumtomi ngo miqemlei kemi dolo kuphu tsüni keu O toike khumu kühae. Ni kuphu tsülo, kughengu ningu ye O shou pükhü ani, eno O je lono ningu ye aqokitikhi sasü kumjoni ke ighi ani. O Ampeu, No ye ni Lhou ke, khuu pelomu ni theqhivepe kevilo.”

YEKIKITHI AKINIU 14:12

Ikehu Ampeu no Asa ngo Judahmi zülono Ethiopiami theqhive, eno Ethiopiami ye kuha pove.

YEKIKITHI AKINIU 18:31

Ikehu panongu no akükau Jehoshaphat ithulu kemtsa pi, “Hi no Israelmi kükaue.” Panongu no pa mjonike ighive, tile Jehoshaphat no ighamku kelo Ampeu no pa kuphu; Alhou no pa launo tipaqo satsüghüsü wuve.

YEKIKITHI AKINIU 20:21

Kughou pa no timiqo sasü küsütsa luve keno, pa no alephemi khami pelo akimthe phimini pepusü ghüshimi züuno Ampeu lau ale ishi phe penike kishe, “Ampeu lau shikimthi tsülo, kughengu Paw iqemokeu kikimiye ye alholo acheni.”

YEKIKITHI AKINIU 20:22

Kughou panongu no akishe le phethu keno, Ampeu no Ammonmi, Moabmi eno Seir Toghi lo küami, khunoqo Judah leniye ighi keno, panoqo kheluve no theqhive.

LESHELE 47:1

Ashiayeqo, nongu u kukhulo! Alokivi le vekipighi phepe Alhou sheqhelo!

LESHELE 47:5

Alhou ye asütsa kuloghi lono kunguu ikuvae, afuko ghügha lono Ampeu ye ikuvae.

ISAIAH 37:36

Tishino Ampeuw kungumi no Assyriami ghazü lo wuno pano lakh lakhi qhethonhe lhotache pungu ghiqhivetsü. Kughou timiqo no thanau itheno ithughi keno julo, asükumo likhi aghive.

AKIKIHI 32:4

aghakhu khikhi Ampeu no Israelmi zülono kütsakungove keno, hipaqo ye pichepighi yeghi shi ani, eno ningu ye kutomo ani.”

JOSHUA 11:8

Ampeu no panongu pesü Israelmi lau phesüve tsüno Israelmi no panongu hasü Sidon Akijeu eno Misrephoth-maim, eno kipelau Mizpah khila kutolo wuve. Panongu no tipaqo lakhimu ghümono kütsave.

JOSHUA 6:16

Eno ghuthu akütsüniu homxave kemtsa achinemi no afuko ighave kethiu, Joshua no timiqo vilo pi, “Ighalo, kughengu Ampeu no mishighüna hipau nongu tsüvae.

JOSHUA 6:20

Ikehu achinemi no afuko igha eno timiqo no ighamku kelo aliwo no ilaqive. Tishino timiqo no pütüta no ngo akeu lono müzüchoi aphughi lo chesü ilo leluve.

XAKUTHAMI 4:15

Ampeu no Barak nhethe lono Sisera ngo paw khurkulu ngo timi kümtsü kütsave tsü, eno Sisera ye paw khurkulu lono ilhe iqive no apukhu lono pove.