YEKIKITHI AKINIU 13:12 - Sumi Naga CL (Re-edited) Bible (BSI)

¹² Julo, Alhou no ni sakipheu shino ni gholo ani, eno Pa chinemi no aghüshi fuko pesü nongu sasü aghü shinike kuniye kutope ani. O Israel nuliqo, Ampeu nongu puasü Lhou sasü aghüshi kevilo, kughengu nongu ye tomla nani.”

BAIBEL (BSI)

¹² Alhou ampino ni sakipheu ke eno pawu achinemiye afukoqo pesu hile ani eno ningu pelo nongu sasu aghu shi penike afuko ighani ke kutope ani ke. Israil lo timiqo, AMPEU nongu puasu Lhou sasu aghu shi kevilo! Nonguye tomoke!”

YEKIKITHI AKINIU 13:12 Iomraidhean Croise

YEKIKITHI AKINIU 24:20

Tile Alhou Ghungu no achineu Jehoiada nu Zechariah peitha luve, eno pa no timiqo zülo puthugho no ighamku pi, “Alhou no ishi piani, ‘Nongu ye kushiye Ampeu no azah tsükeu hebideve keu lono ikoishe mlave ani kea? Nongu no Ampeu pheve kehu Pa no nongu phevae.’”

YEKIKITHI AKINIU 32:8

Pa gholo ye timi küka ani, ikemu ni gholou ye ni kuphu no ni ghenguno aghü shitsüni keu Ampeu ni Lhou ani.” Akükau Hezekiah tsa hipaqo no timiqo shikumto luve.

JOB 40:9

No ye Alhou u kumto toikeu ani keo, eno Pa sütsa toi mghachhoi ighalu nani keshea?

JOB 9:4

Pa ye alokütsü eno aküka kughushu ke khuu no Pa mjochile no toluve akea?

LESHELE 20:7

Khami no khurkulu eno khami no khurshi shou pükhübe cheni, ikemu ningu ye Ampeu ni Lhou shou pükhü cheni.

LESHELE 46:7

Aqokitikhi Mpeu ye ningu gholo ani; Jacob Lhou ye niw sükusho liwo ke.

ISAIAH 45:9

“Khuu no pa lhokeu sasü mtoni keno ahasapue, pa ye ayeghi li dolo lakhike! Aghani ye ali kümlau vilo, ‘No ye kiu mla ani kea?’ momu ali ye akümlau vilo, ‘O kümla ye akixi kühae’ ipi luni keshea?

ISAIAH 54:17

Kiu ghünanu mu o ghüzamla nani; eno atsa kükügha lo o nguku kemi kümtsü shou nono ghechilelu nani. Hi ye Ampeu qemi mheghi ke, eno I launo ighi keu xaphekulupu küka ke, ipi Ampeu no piani.

ISAIAH 8:10

Kughu küqhaju lo, ikemu avehu shimo nani; atsa pijulo, ikemu tolumo nani, kughengu Alhou no ni gholo anie.

JEREMIYA 2:37

Hipau lo ghi no ye o u no o kütsü nhape wu nani, kughengu nono pükhübe akeu ye Ampeu no kilevae, eno no ye pano vecheo ikoishe lumo nani.

JEREMIYA 50:24

O Babylon, I no o ghenguno alichhe shipe o kitime kemu no ye ithimoe; o phuluve eno küghaluvae, kughengu nono Ampeu mjoke.

EZEKEL 17:9

“Ampeu Alhou no ishi pilopi: Tipau ye thuwulu nani ma? Pa ye tipau kuhu nhüve eno axathi pughothave, tishianguno ti ye thizümüive, eno anipa xüthilei mini ipeche keqo ye thizümüive pemoni keshea? Tipau kuhu lono nhüveni keu ye aküka kumtomi lakhi momu timi kutomo avehupu shimo nani.

ZEKHARIA 10:5

Panongu ye aghüshi lo aghütomi toi nani, alaghila lo aniba lono aghümi nedaqhi nani; Ampeu no pano gholo ani kehu panongu no aghü shino khurghüshimi shikukujo nani.

AKIKIHI 14:41

Ikemu Moses no pi, “Nongu ye tomoni keghi kushiye Ampeu zakütsü hexa ani kea?

AKIKIHI 23:21

Pa ye Jacob hasapu ithulu amoe, momu Israel lo aküküpna ithulu amoe. Ampeu panongu Lhou ye pano gholo ani, akükau sütsa ye pano gholo anie.

AKIKIHI 31:6

Moses no ghüshimi hekütsülu keqo aghüshi lo puwuve, panoqo gholo achineu Eleazar nu Phinehas pelo akimthe-a lo abohu ngo kütüghü kepu afuko ishi pesü wupe.

Apostolmi 5:39

ikemu hi no Alhou launo shiaghi aye, nongu ye panongu theqhimla nani. Nongu ye Alhou küla aghi luvike!” Ikehu hohomi no paw mijekütsü luve.

Rommi 8:31

Tishi aye, hipa vehulo ningu ye kiu pini kea? Alhou no ni küdau aghi aye, khuu no ningu mjochile kulupu kea?

ZAKINIU 20:4

kughengu Ampeu nongu Lhou no nongu züqhushi aghü shinike no gholo wucheni eno tokulu nongu tsü nani.’

ZAKINIU 28:29

Nongu ye puchomghü lo ghi anhethi kighichemi toi kükauve nani eno no kümla lo tokulu shimo nani. Nongu qhasüve eno ishokibe pükaqhi nani, eno khunomu nongu kuphumo nani.

IBRIMI 2:10

Kughengu pa ghime vecheo anuli kutomo ajuküvüpu lo süghilu keu lo Alhou khuu vecheo thime kümtsü acheni keno Pa no Jisü pelo xakulupu la lo amiheu shilupe keu ye achipilo ke.