YEKIKITHI AKINIU 1:11 - Sumi Naga CL (Re-edited) Bible (BSI)

¹¹ Alhou no Solomon khochile, “Hino o mlo lo akehu no ye amheghi, akini, ajekipi, o mithi kemi küxü, momu axükushu khumoe, ikemu timi khunoqo shou I no o pelo akükau shipe keno tipaqo shou ayepe nike nono alokütsü eno akighithi khuke ghenguno,

BAIBEL (BSI)

¹¹ Alhou no Solomon khochile, “Nono achipiu kisheluvae, kuakini khunike zuqhulo momu ajekipiu phumo momu oghumi pithivetsu penike ghenguno khumoe momu oxupushu tsu penike ghenguno khumoe ikemu ino timi khunoqo shou ka peniye kishekeno iwu timi shou ayeh pelupe nike alokutsu akighithi nono khue.

YEKIKITHI AKINIU 1:11 Iomraidhean Croise

KUKAMI ATUGHIU 10:24

Ayeghi kümtsü lono Alhou no pa mlo lo sütsü keu lokütsü inini ke ighiche.

KUKAMI ATUGHIU 3:28

Israelmi kümtsü no akükauw xakütha hipau chilu no agigihu pa tsü, kughengu pa ye achipiu shinike Alhou lokütsü pa lolo anipi panongu no ithive.

KUKAMI ATUGHIU 8:18

Ikemu Ampeu no I pu David vilo pi, ‘Nono I je ghenguno achineki mla tsünike o mlo lo aghikeu ye akivie.

YEKIKITHI ATUGHIU 28:2

Pa no puthugho no pi: “I thiküzümi eno Iw timiqo, I tsa inilo. Ni Lhou pukhu kinepu-a eno Ampeuw Puloshoqhi Bohu kiqhipu-a ghenguno ni ye aki lakhi mlanie pi I mlo lo ache, eno tighenguno thokha kutope qhie.

YEKIKITHI AKINIU 1:12

alokütsü eno akighithi ye o tsüvae. Itaghi I no küakini, amheghi, eno ajekipi o tsüni, ti ye o züu kükami khunomu ithulu püamo eno o thiumu khunomu ithulumo nani.”

AHOLE 14:8

Lotsü-loghümi ye kimchilu kepu lokütsü acheni, ikemu mbomzümi ghüzü ye pishikiqhi ke.

AHOLE 23:7

kughengu pa ye alouno kihi ani. Pa no, “Chusholo!” ipi nani ikemu pa mlo ye o gholo kühae.

AHOLE 8:15

I vecheo kükami no ayepe cheni, eno yepemi no achipiu xaküthaza tsülu cheni;

Apostolmi 5:4

Ti jemphi lonomu ow ke kumo? Eno jeve kethiu ghi o u lo ae. Imaye, kushiye hikithipu shinike o mlo lo kughuphe kea? No ye timi lau kumono Alhou lau mikivae.”

IBRIMI 4:12

Kughengu Alhou tsa ye aküxüküa eno aküka ani, putoputo zütakikihi nguno akütsüghau, angulho eno anguagha, aqüki anhüki kikije-a kutolo ghitha ilo chekeu, eno amlo akükümsü lo akeu kutolo jupililu chekeu ke.

James 3:13

Nongu gholo khuu no alokütsüu eno vethakuluu kea? Pa khuaye kivi vecheo mtshaivü keu lokütsü lono pa kümlaqo pephe piye pelo.

James 3:17

Ikemu kunguu no ighikeu lokütsü ye atüghüu no mqhamqhi keu, tishino alakishi, ivünhei, ikhilu kile keu, akipimi qhikütsü likhi keu eno axathi kivi, agikuju küha no tsaqütsalei keu ke.

SAMUEL ATUGHIU 16:7

Ikemu Ampeu no Samuel vilo pi, “Pa ju akoghe momu pa thethu ju kevilo, Ni ye pa milivae. Kughengu Ampeu ye timi no ithulu aketoi ju chemoe: timi ye ashou aju akoghe jucheni ikemu Ampeu ye amlo jucheni.”