XAKUTHAMI 9:24 - Sumi Naga CL (Re-edited) Bible (BSI)

²⁴ tishikeu lono Jerubbaal nuli 70 lau akümla lhoksa shikeu ipeghive peniye ke, eno panongu ji ye pano thiküzüu Abimelek khuu panongu pithive keno pa shou, eno Shechemmi khunono Abimelek shikumto keno, tipaqo shou ghi ikughi peniye ke.

BAIBEL (BSI)

²⁴ Hishi shikeu ye Abimelek ngo Shekem lo kuami khunoqo kuqhano Gideon nuli panongu lhotsuni heqhi pithive tsukeno tipau mukhu angusu ithulu peke.

XAKUTHAMI 9:24 Iomraidhean Croise

KUKAMI ATUGHIU 2:32

Pa no aji peleve keu Ampeu no pa kütsü lo pukutsü nani, kughengu I pu vilo pimono pa no timi kini, Ner nu Abner Israel ghüshimi zatsüu ngo Jether nu Amasa Judah ghüshimi zatsüu, pa nguno amikuchou eno akiviu pithive tsüe.

KUKAMI ATUGHIU 2:33

Pama heqhive keu ngusü ye Joab ngo pa lagha shou alholo anani. Ikemu David ngo pa lagha eno pa kibolomi ngo pa kükalakhü ye Ampeu launo alholo aloino ache nani.”

ESTHER 9:25

Ikemu kughou no akükau zülo hipa vehu süghi keno, pa no akiye lono azah tsüve, eno Haman no küsakügha kukughu Jewmi shou shiniye shikeu huno pa kütsü shou ikughive, eno pa ngo pa nuliqo ye tshükiqhi-a lono tshüqhi pithi kepu shive.

LESHELE 7:16

Paw pishikiqhi no pa kütsü shou ikughi cheni, eno paw ngukangugha no pa boghe shou ikughive cheni.

LESHELE 7:17

Ampeu mikucho ghenguno I no shikimthi tsüni, eno I no Shishe Akiqheu Mpeu lau shekiqhe le pheni.

AKIKIHI 35:33

Nongu no küghüna akeu yeghi shipixi moni, kughengu aji kichijive keu no ayeghi shipixive cheni eno ayeghi lo aji kichijive keu ye timi hekiqhiu ji no kumo aye kiunomu lochile mlae.

ZAKINIU 27:25

“‘Khukhumu pimimo kemi ji pele nike külügho lukeu ye müsüinivae.’ Eno timi kümtsü no ‘Amen,’ ipini.

XAKUTHAMI 1:7

Tileno Adoni-bezek no pi, “Kükami pano 70 auloqu ngo apukhuloqu ghithave kemi no I no ilhu cheke-a lo ikiqive keqo kiche chuche. I no panongu lau mlake toi itehi ye Alhou no I lau mlavae.” Eno panongu no pa sasü Jerusalem lo ighi no pa ye tilauno thive.

XAKUTHAMI 9:25

Shechem lo sakiphemi no naghuto tsüqo kümtsü lo timiqo pesü pa theniye küghütshü, eno tipaqo no timi kümtsü pükaqhi. Ikelo asütsa hipau Abimelek tove.

SAMUEL ATUGHIU 15:33

Samuel no pi, “O zütakikihi no totimi pelo anuhami shivepe ketoi o za ghi totimi dolo anuhami shive nani.” Eno Samuel no Gilgal lo Ampeu zülono aleqhi shi Agag ghekuchove.