XAKUTHAMI 8:27 - Sumi Naga CL (Re-edited) Bible (BSI)

²⁷ Gideon no tipaqo pesü Ephod mla, eno pesü pa no xüsüve keu phughi, Ophrah lo qhive. Ikelo Israelmi kümtsü no ti mllauve eno tino Gideon ngo pa kibolomi ghi meluve.

BAIBEL (BSI)

²⁷ Gideon no shuna pesu ajulho lakhi mla eno tipau pesuno paki Ofra lo ghope qhie. Tileno Israilmi kumtsu Alhou pheveno ajulho tipau mllaukhave. Hipau no Gideon eno pa kibolomi meluve.

XAKUTHAMI 8:27 Iomraidhean Croise

LESHELE 106:35

ikemu shiyeqo sasü kitekungo xüuve eno panongu no shiche keqo shika luve.

LESHELE 106:39

Ikehu panongu ye pano kümlaqo vecheo mithe move, eno pano kümlaqo sasü kütüqhauve ke.

LESHELE 73:27

Kughengu O launo putosü lo akemi ye pühave nani; O pükhü kümlami kümtsü Nono kishekhave tsü nani.

IPEKULU 23:33

Panongu ye no ghakhu lo küghüna moni, tikumo aye panongu no nongu pelo I shou axine shipe nani; kughengu nongu no pano lhouqo mlla aye, tino nongu ghenguno alichhe shive nani.”

IPEKULU 32:4

Pa no panoqo u lono ikhiluve no kogheküghü mla chekeu tinhemgha pesü ameshoyi mishitsü lakhi mlave. Timiqo no pi, “O Israel, hipaqo no nongu lhou, Egypt yeghi lono nongu saipeghi keqoe!”

IPEKULU 34:16

nongu no pano ngaqo pesü nongu nuli nipu shi lutsü, eno anga tipaqo no pano lhouqo sasü kütüqha no nongu nuli pesü itaghi tipaphi shiuvepe nosae.

ISAIAH 8:20

Ampeuw shiküka eno ashepe lulo! Panongu no hipau kiqi lono pimo aye, panongu ye alolo aküvü küha kemie.

EZEKEL 7:20

Panongu ye panow jukivi chiku-chila pesü qheza eno tipau pesü panow aphikümqhüpu julhoqo eno niqhinilai keu juthoqo mlae. Tighenguno I no hipaqo pesü panoqo ghenguno mithekumo thime shive tsüni.

HOSIYA 2:2

“O za lomipi lo— kughengu li ye I nipu kumoe, eno ni ye li kimi kumovae— tishino li pelo kütüqha pemove, eno li pelo asalha tave pelo;

HOSIYA 3:4

Kughengu Israel tianuliqo ye atsala kutomo akükau momu kükapumi kühano xünani, aghakishi momu chini kepu tsükucho küha nani, ajulho shisükeu momu asü atu julho pe asaqhi chekeu kühave nani.

ZAKINIU 12:5

Ikemu Ampeu nongu Lhou no Pa je ghenguno eno Pa kungo-a shikepu nongu shiaye yeghi lo khile kisheni keno nongu ti phuni, eno tilau wuni.

ZAKINIU 7:16

Ampeu nongu Lhou no nongu u lo sütsü keu shiaye kümtsü kütsave lo. Nongu nhethi no kimiyeqhiyi pano jumoni, momu pano lhouqo mlla moni, kughengu tino nongu meluve nani.

ZAKINIU 7:25

Pano lhou julhoqo pitive tsü masae. Nongu ye ajulho shou ameshoyi ngo ghükayi aghi keqo jumine moni, momu nongu sala lumoni, tino nongu meluve nosae, kughengu ti ye Ampeu nongu Lhou ghenguno aphikümqhüpu ke.

XAKUTHAMI 17:5

Micah ye pa kümlla khache ache, ikehu pa no Ephod ngo aki lhouqo mla no pa nuli lakhi pelo pa chineu kümla shipe.

XAKUTHAMI 18:14

Tileno pano pungu Laish lo ayeghi pujuwu keqo no pano thiküzümi vilo pi, “Aki hipau lo Ephod, aki lhouqo, ajulho, eno ghükayi julho qhipüa keu nongu ye ithi anima? Nongu ye kiu shini keno kümsü julo.”

XAKUTHAMI 18:17

Ayeghi pukujumi pano pungu no vejoi aki sholokuu ilo no Ephod, aki lhouqo, ajulho, eno ghükayi julho ikhiluve; tishi akelo achineu ye ghüshimi 600 gholo khagho ikulo lo ae.

XAKUTHAMI 2:2

nongu ye hipa ghakhu lo küghüna akemi sasü khilemu puloshoqhi shi kevilo; eno nongu ye panongu kümlla khacheqo tuleqhi khave masae.’ Ikemu nongu no I tsa lumovae. Nongu ye kiu shive akea?

XAKUTHAMI 2:3

Tighenguno itehi I no piani, Ni ye nongu zülono panoqo hapupomo nani ikemu panongu no nongu sahu shipeni eno pano lhouqo no nongu lichhe shive peni.”

XAKUTHAMI 6:11

Tipa ghuloki lo AMPEUw kungumi lakhi no ighi no Ophrah lo Abiezer laghami Joashw aphisübo qholo ngove; pa nu Gideon ye Midianmi launo küsüve niye atsaizü kütsüghü-a lono ashothi munu ae.

XAKUTHAMI 6:24

Gideon no akiptia lakhi tile shiqhe no, “Ampeu ye aloino” ipi kuvetsü. Ishi kutolo Ophrah lo ti aphi eno ti ye Abiezer laghamiw ke.

XAKUTHAMI 8:26

Ameshoyi kinikighi qhalu keu huju kelo ahu 19 qhemi aghi, eno akughupu tünananu, achila ngo hughaike phi Midian kükami no pepu chekeu, panow sayeshiqo no akuo lo xini chekeqo ye kihisü moe.

XAKUTHAMI 8:28

Ikehu Midianmi ye Israelmi zülo ikiqive eno panongu ye pano kütsü peqhe move. Gideon küxü tivilo ampe lhobidi kutolo aghakhu ye akulho qhilue.