XAKUTHAMI 7:8 - Sumi Naga CL (Re-edited) Bible (BSI)

⁸ Ikehu timiqo no pütüta nhemgha ngo afuko au lo pelu khave. Tishino Gideon no pano 300 kumo aye kütami ye kighide puwove. Midianmi ghazü ye panongu qhou akhila lo ae.

BAIBEL (BSI)

⁸ Ikehu Gideon no “Israilmiqo 300 hu kumoaye tinguno tilauye akilo kighide puwokhave. 300 ye panongu gholo hekutsu pesu ngolukhave. Midiyami ghazuye panongu qhou ti abokhu khila lo ake.”

XAKUTHAMI 7:8 Iomraidhean Croise

ISAIAH 27:13

Tipa tsala lo afuko kuloghi küigha nani, eno khunoqo Assyria yeghi lo pühave momu Egypt yeghi lo haphe sawuve keno, panongu no ighi no Jerusalem lo akimthe toghi lono Ampeu mlla nani.

ACHINE 23:24

“Israelmi pütsa no pilo, Aqhi akütsüniu atsala atüghüu lo akimchi kulhokiqhi tsala pinini, eno ti kümsükulu shi afuko ighani eno akimthe hoho shini.

ACHINE 25:9

Tishino aqhi akütsüniu atsala achighiu Lokichile Tsala lo aghakhu kuchopu lo afuko küigha lo.

AKIKIHI 10:9

No yeghi lo aghümi khunono nongu qhasü cheni keno, nongu no tipaqo sasü aghü küpüghüni kelo afuko ikhonhei igha no kütüghüni, tishianguno Ampeu nongu Lhou no nongu kümsülu eno no ghümi launo xalu nani.

1 Kor. 15:52

pai anhekütsü khavi, afuko ashekhau igha kemtsa ningu kümtsü kilive nani. Kughengu afuko igha nani, kithimi pesü thi kithemo kepushi xüputhuve nani, eno ningu ye kilive nani.

JOSHUA 6:20

Ikehu achinemi no afuko igha eno timiqo no ighamku kelo aliwo no ilaqive. Tishino timiqo no pütüta no ngo akeu lono müzüchoi aphughi lo chesü ilo leluve.

JOSHUA 6:4

Achinemi tsüni no afuko lakhikhi pesü Puloshoqhi bohu züu chewulo. Atsala akütsüniu loye, nongu no ghuthu tsüni homxani, tishino achinetomi no afuko ighani.

XAKUTHAMI 3:27

Kughou pa no Ephraim ghakhu toghi tolu keno afuko ighape Israelmi kütüghü. Tileno Israelmi no ato ghakhu lono pa gholo iqi, eno pa no panoqo sakipheu shive.

XAKUTHAMI 6:33

Tipa ghuloki lo, Midianmi, Amalekmi, eno kipelau shiaye kümtsü hekütsü no Jordan kathasü iku püzü Jezreel Khila lo aghazü shive.

XAKUTHAMI 7:7

Tileno Ampeu no Gideon vilo pi, “Au no azü shope ye keqo pano 300 vecheo I no o xalu nani eno Midianmi pesü o u lo sütsüni, tinguno alau ye pütüta kilo idewove pelo.”

XAKUTHAMI 7:9

Tipa ji Ampeu no pa vilo pi, “Ithulo, iqi aghazü leve lo, kughengu I no pano pesü o u lo süve tsüae.