XAKUTHAMI 7:20 - Sumi Naga CL (Re-edited) Bible (BSI)

²⁰ Tipa mtsa aloji kütami no afuko igha eno ayeghi li hephove. Panongu kümtsü no au piyiu no akulu küqüpe, eno au ajeu no afuko pesü igha, panongu no ishi ighamku, “Ampeu ghenguno azütakikihi eno Gideon ghenguno azütakikihi!”

BAIBEL (BSI)

²⁰ tipau mtsa lono aloji amqo kini hughi titoi shi. Panongu kumtsu au piyiu no akulu kuqupe, eno au ajeuno afuko peno ighathuve; “AMPEU eno Gideon ghenguno Azutakihi lakhi!”

XAKUTHAMI 7:20 Iomraidhean Croise

ISAIAH 27:13

Tipa tsala lo afuko kuloghi küigha nani, eno khunoqo Assyria yeghi lo pühave momu Egypt yeghi lo haphe sawuve keno, panongu no ighi no Jerusalem lo akimthe toghi lono Ampeu mlla nani.

JEREMIYA 47:6

Ah, Ampeu zütakikihi! No ye ado khitohi thiuno inaqhoive nani kea? O bohu lo ilovelo; inaqhoi shino akulhoqhi lo!

1 Kor. 15:52

pai anhekütsü khavi, afuko ashekhau igha kemtsa ningu kümtsü kilive nani. Kughengu afuko igha nani, kithimi pesü thi kithemo kepushi xüputhuve nani, eno ningu ye kilive nani.

2 Kor. 4:7

Ikemu ningu ye akini hipau aghani likoli lono ani, ti ye aküka akiqheu ye Alhouw kethono niw kumoe piniye ke.

1 Thes. 4:16

Kughengu Ampeu ampi no kungugha lono iqighi nani, tile azakütsü ghügha anani, kungumi atou sütsa chilu nani, Alhou fuko igha nani, eno Khristo laumi shi thive kemi paghino ithughi nani.

IBRIMI 11:4

Aküpülü lono Abel no Cain nguno ikhikulupu ghakishi Alhou lau tsü, eno Alhou no pa kümllagho ikhilu tsüno aküpülü vecheo pa ye amikucho kepi kihi tsüe. Pa ye thive namu aküpülü vecheo pi chephie.

JOSHUA 6:16

Eno ghuthu akütsüniu homxave kemtsa achinemi no afuko ighave kethiu, Joshua no timiqo vilo pi, “Ighalo, kughengu Ampeu no mishighüna hipau nongu tsüvae.

JOSHUA 6:20

Ikehu achinemi no afuko igha eno timiqo no ighamku kelo aliwo no ilaqive. Tishino timiqo no pütüta no ngo akeu lono müzüchoi aphughi lo chesü ilo leluve.

JOSHUA 6:4

Achinemi tsüni no afuko lakhikhi pesü Puloshoqhi bohu züu chewulo. Atsala akütsüniu loye, nongu no ghuthu tsüni homxani, tishino achinetomi no afuko ighani.

2 Peter 1:15

Eno I no wuve kethiu mu nongu pelo kiukiu tüqhüdo lomu hipa vehuqo kümsüchilelu peniye ni ye ahe-agho pephepe mla nani.

XAKUTHAMI 7:19

Zübumta lo aghukhe kikili lono Gideon no pa lojimi 100 sasü aghazü phelo ighi. Panongu no afuko igha eno panongu no peche keu ayeghi li hephove.

XAKUTHAMI 7:21

Timi kümtsü no pütüta-a lo aghazü homxa puthugho, ikelo ghüshimi kümtsü no ighasü pokhave.

SAMUEL ATUGHIU 11:11

Thoghiu Saul no timiqo amqo küthü shi kijeve. Eno panongu no tsükutholau no aghazü mta lo ighive no puchomta kutolo Ammonmi ghiqhi thuve. Khunoqo xülu keno panongu ye apanaghave kehu panongu dolo mikini mu kümtsa ngomlave.