XAKUTHAMI 7:2 - Sumi Naga CL (Re-edited) Bible (BSI)

² Ampeu no Gideon vilo pi, “O gholo timi akeqo ye ihulo anike Ni ye Midianmi pesü ow timiqo u lo sütsü mlae, tikumo ye Israelmi no I qhive no aqheküza shi, ‘I u ampi no I xalue’ ipiuve nosae.

BAIBEL (BSI)

² AMPEU no Gideon vilo pi, “Nono sasu ngo akeqo timi ye ighenguno ihulokeu shi auve ake ghenguno Midiyami shou tokulu pesu tsunikeu sho ani. Kughengu panonguno akuto shi kumsukeu no panonguno tolu kughashiveno ije pipi tsumo nani.

XAKUTHAMI 7:2 Iomraidhean Croise

BOTHUBO 46:2

Alhou no putho lo kungunhetsü lono pa pütsa no pi, “Jacob, Jacob.” Eno pa no pi, “Ni hile ani.”

YEKIKITHI AKINIU 14:11

Asa no Ampeu pa Lhou lau ighamku inikhu, “O Ampeu, akumtomi ngo miqemlei kemi dolo kuphu tsüni keu O toike khumu kühae. Ni kuphu tsülo, kughengu ningu ye O shou pükhü ani, eno O je lono ningu ye aqokitikhi sasü kumjoni ke ighi ani. O Ampeu, No ye ni Lhou ke, khuu pelomu ni theqhivepe kevilo.”

ISAIAH 10:13

Kughengu pa no pike: “I kumto, I lokütsü lono I no tolue, kughengu ni ye vethakulu anie; I no ashiayeqo dolo alughi xavetsü, eno pano küakini xüle luve tsü; amshitsü toi I no kükami shokulue.

ISAIAH 2:11

Aqheküza nhethi xapu kemi ngo tsütsüngoju kemi ye sünheqhipe kuchunive nani, eno tipani ye Ampeu likhino chuqumghai nanie.

ISAIAH 2:17

Timiqo kuchhoma eno tsütsüngoju keu sünheqhipe kuchunive nani; tipani ye Ampeu likhino chuqumghai nani.

JEREMIYA 9:23

Ampeu no ishi piani: “Alokütsümi pelo pa lokütsü lo qhezape kevilo, akumtomi pelo pa kumto lo qhezape kevilo, kinimi pelo pa küakini lo qhezape kevilo,

EZEKEL 28:17

O jukivi ghenguno no ye qhezave; o jekipi ghenguno nono o lokütsü shipüsave. I no ayeghi lo o peve; kükami shipiye no o ju peniye shike.

EZEKEL 28:2

“Timi nu, Tyre kükapuu vilo pilo, Ampeu Alhou no ishi piani: “O mlo ye aqheküza eno nono pike, ‘Ni ye alhou, ni ye alhouqo lakhü lo eno azüghi mta lo iqa acheni,’ ikemu nono alhou toi kümsü anamu no ye timi thono alhou kumoe,

DANIEL 4:30

tile akükau no pi, “Babylon, khikhi I kughushu küka vecheo I no kükami kungo-a eno I kükanguagha juküvü ghenguno shiqhe keno, hi ye kije kekumo keshea?”

HABAKUK 1:16

Ikehu pa no aghakishi pesü pa khame tsü eno akümllagho pesü ghokütsü keu khame tsüe; kughengu tipaqo vecheo pa ye tule-pele xüani, eno pa chuqupu ye nibonilei anie.

ZEKHARIA 12:7

“Ampeu no Judah phikiqo lau paghi xakulu tsü nani, tishianguno David lagha juküvü eno Jerusalem lo küami juküvü ye Judah kiyeve pemo niye ke.

ZEKHARIA 4:6

Ikehu pa no I vilo pi, “Hi ye Zerubbabel tsükeu Ampeu tsa ke: Akumto no kumo, momu aküka nomu kumoe, ikemu I Ghungu vecheo noe, ipi aqokitikhi Mpeu no pi.

AKIKIHI 31:4

Ashiaye lakhi lo ghüshimi qhethonhe lakhikhi puwulo.”

Rommi 11:18

aloka kütauqo jukünatha kevilo. Nongu no titoi shi aye, akuhu no nongu püxüpe ani kethono nonguu no kumo kepi kümsülu lo.

Rommi 3:27

Tishi aye, aqheküzapu ye khile ani kea? Ti ye kophevae. Kiu yezah lono? Ayezah pelu keu lono keo? Moe, aküpülü khuaye lonoe.

2 Kor. 4:7

Ikemu ningu ye akini hipau aghani likoli lono ani, ti ye aküka akiqheu ye Alhouw kethono niw kumoe piniye ke.

Ephesiami 2:9

akümla lame ithulu keumu kumoe, tishianguno khuu pelomu qheza laki pemo niye ke.

ZAKINIU 32:27

ikemu tino pano ghümi tsabo shiveni keu ighüve ke, tikumo aye pano ghümi no vetha pimive no ishi piuve nosae, “Hi ye nino tolu kethono Ampeu no kumoe.”’

ZAKINIU 8:17

Ikehu nongu mlo lono, ‘I küka kumto lono küakini hipau ithulue,’ ipilu nosake tsükhüi lo.

ZAKINIU 8:18

Ampeu nongu Lhou kümsülu chelo, kughengu nongu pelo kinimi shilu penike aküka tsükeu ye Pa noke, tishikeu lono ishi tsala lo toi, Pa no nongu puasüqo sasü puloshoqhi shikeu shikupu niye ke.

James 4:6

Ikemu Pa no küpükini alau tsü kehu Kuchoyesü no ishi pie, “Alhou no aqheküzami lakhave cheni ikemu aqhokighemi lau küpükini tsü cheni.”

SAMUEL ATUGHIU 14:6

Jonathan no apumi pa ghünanu kupuu vilo pi, “Ighilo, nikujo aphighüyiko ghamo kemi lau ikuni. Ampeu no nikujo ghenguno akümla shitsü peni, kughengu Ampeu no xaluni keu ye kutomo vecheo shi aghina aghulo vecheo shi aghi namu lakha chile mlae.”