XAKUTHAMI 7:13 - Sumi Naga CL (Re-edited) Bible (BSI)

¹³ Kughou Gideon no iqighi keno, timi lakhi no pa samo hitoi pa küsau vilo lhe aghi keu chilu. Pa no pi, “I samouno barley sho lakhi ningu ghazü shou ikughi no aphiki lakhi lo vepuku kelo, aphiki huye ilaqive no ayeghi lo vedave cheghie.”

BAIBEL (BSI)

¹³ Kughou Gideon no tipa alo ighikeno, timi lakhi no pa samo hitoi pa kusau vilo lhe aghikeu chilu. Pano hitoi lhe-aghi, “Isamouno barli sho lakhi ningu ghazu shou ikughino aphiki lakhi lo velu. Ikelauye aphiki hu ilaqiveno ayeghilo vedave cheghie.”

XAKUTHAMI 7:13 Iomraidhean Croise

1 Kor. 1:27

Ikemu alokütsümi shikujo niye Alhou no ayeghi lo kiu no mbomzü keno ti kishelu; eno akumtomi shikujo niye Alhou no ayeghi lo kiu no miqemlei keno ti kishelue.

XAKUTHAMI 3:15

Tithiu Israelmi no Ampeu lau ighamku, Ampeu no panongu xaphekuluu Benjamin limi Gera nu, Ehud puwu, pa ye au piyiu sülami. Israelmi no Ehud u lono sükusho süqha pesü Moab kükau Eglon tsüpuwu.

XAKUTHAMI 3:31

Pa shelo sakipheu Anath nu Shamgar ighi, pa no ayikümtsü küsü pesü Philistiami 600 heqhi pithive tsüno Israelmi xalue.

XAKUTHAMI 4:21

Ikemu Heber nipu Jael no aphiki kufuyi lakhi eno ayihesü ikhipe Sisera no akulhoshi züake lono agholau no pa phivilo wuno pa nhigi lo yesüve tsü, eno Sisera ye aphiki kufuyi no pa kütsü lo yesüpe thive.

XAKUTHAMI 4:9

Li no khochile, “Ni ye o sasü wuni pütsa, tishimu tokulu juaje ye ow shimoae, kughengu Ampeu no Sisera pesü totimi lakhi u lo süve tsüni cheni.” Tishino Deborah no Barak sasü Kedesh lo wu.

XAKUTHAMI 6:15

Gideon no pi, “Ampeu, ikemu kishino ni ye Israelmi xaluni kea? Julo, Manasseh shiaye lo ni laghau no akimqeu, eno ni limi dolo ghi niu no akimkheue.”

XAKUTHAMI 7:12

Tile Midianmi, Amalekmi, eno kipelau shiayeqo no akhila lo tülhaqu toi nhakha, eno panow sayeshiqo no azüghi mkülo asaye toi kihikhamla ae.

XAKUTHAMI 7:14

Ikelo pa küsau huno pi, “Ti ye Israelmi, Joash nu Gideon zütakikihi kethono kütau kumoe. Alhou no Midianmi eno aghazümi kümtsü pa u lo süve tsüae.”

XAKUTHAMI 8:10

Zebah ngo Zalmunna pama no ghüshimi sasü Karkor lo ngoae. Kipelau ghüshimi kutomo gholo pano 15,000 qhalo likhive, kughengu lakh lakhi qhethonhe muku ye pithive tsüe.