XAKUTHAMI 6:23 - Sumi Naga CL (Re-edited) Bible (BSI)

²³ Ikemu Ampeu no pa vilo pi, “Aloino alo! Msa kevilo; no ye thimo nani.”

BAIBEL (BSI)

²³ Ikemu AMPEU no pa vilo pi, “Alo inolo! Msakepu kuhae. Noye thimo nani.”

XAKUTHAMI 6:23 Iomraidhean Croise

BOTHUBO 32:30

Ikehu Jacob no tipa-a pesü Peniel kuve tsüno pi, “Kughengu ni ye agi no agi kinheqhe Alhou ithuluvae, tishimu I küxü xaphe tsüke.”

BOTHUBO 32:31

Pa no pa yiku ghenguno khül khül shi Penuel qhive no wuche kelo khetsünhe ye pa shou ikughive.

BOTHUBO 43:23

Pa no khochile, “Nongu ye msa kevino aloino lo. Nongu Lhou eno nongu papu Lhou no nongu ghenguno akinibo nongu pulukho lo süve tsüae. Nonguw pisa ye I no ithulu ke.” Tithiu pa no panongu lau Simeon saipeghi.

LESHELE 85:8

Ampeu Alhou no kiu piani keno I pelo chilu pelo, kughengu Pa no Paw akimthemi lau aloino keu tsa pi nani; ikemu pano pelo mbomzü lo ilovepe kevilo.

DANIEL 10:19

Pa no pi, “O shishe kimiyekicheu timi, msa kevilo, aloino keu o lolo alo; akumto shilo eno amlo loghilo.” Eno pa no I pütsa akelo ni ye akumto shikithe luve no pi, “I mpeu no pijulo, kughengu nono I shikumtovae.”

John 14:27

I no nongu gholo aloino keu qhitsü ani; Iw aloino keu I no nongu tsüani. Ayeghilomi no tsü chekeu toi nongu tsü anike kumoe. Nongu mlo kütakihi kevilo, momu msa kevilo.

John 20:19

Tipa tsalani avelau Jewmi msa kehu akhopemi ye ahukikha khaveno ngo akelono Jisü no ighi no panongu gholo puthughove eno pi, “Nongu gholo aloino keu alo.”

John 20:26

Atsala tache thiu, pa khopemi no itaghi aki sholokuu ngoae, eno Thomas ghi panoqo gholo ae. Ahukikhaqo khapüa keghi Jisü no ighi no panongu gholo puthughove eno pi, “Nongu gholo aloino keu alo.”

Rommi 1:7

Rome lo khunoqo Alhou no qhuivü keu lono akimtheshi xü peniye kulu keno: ni Pu Alhou eno Ampeu Jisü Khristo launo ighi keu küpükini eno aloinokütsü nongu gholo alo.

XAKUTHAMI 19:20

Velami huno pi, “Aloino lo; I no nongu no avehupu shi akeu kümtsü tsüni. Ikemu kimiyeno alaghila lo zü kevilo.”

XAKUTHAMI 6:22

Gideon no hi ye kuchou no AMPEUw kungumi kepi pimhe luve no pi, “Aha, O Ampeu Alhou! Ni ye Ow kungumi agi kinheqhe ghi ithuluvae.”

XAKUTHAMI 6:24

Gideon no akiptia lakhi tile shiqhe no, “Ampeu ye aloino” ipi kuvetsü. Ishi kutolo Ophrah lo ti aphi eno ti ye Abiezer laghamiw ke.